Génesis 19:38 - Biblia Dc en Mixe de Quetzaltepec

³⁸ E ja mutskpë ja nyëëx ojts näjyëtu'un tyajja'ty ja y'u'unk myääy mëti'ipë tyijën Benami. Yë'ë jëtu'un ojts ja y'u'unk y'ëna'k txëëwatë Amón ja'ayëty.

Biblia Mixe de Quetzaltepec

³⁸ E ja mutskpë ja nyëëx ojts näjyëtu'un tyajja'ty ja y'u'unk myääy mëti'ipë tyijën Benami. Yë'ë jëtu'un ojts ja y'u'unk y'ëna'k txëëwatë Amón ja'ayëty.

Génesis 19:38 ပူးပေါင်းရင်းမြစ်များ

Génesis 20:1

Ënet yë Abraham ojts jam tsyo'onë ma ënety tsyëënën ets ojts nyëjkxnë ma ja naaxwiinyëtë txëëwatyën Négueb. Jam tu'uk ja kajpn txëëwaty Guerar, jam ojts wyi'imy tsënääpyë. Itkujky wyi'imy yë Guerar mëët yë Cadés ets Shur.

Salmos 83:9

Jëtu'un yajjat yajkëpät ijxtëm ojts ja Madián xytyunyën, ijxtëm näjyëtu'un xytyuunyën ja Sísara, ets Jabín jam wokjotm ma txëëwatyën Quisón,

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Sofonías 2:8

Jëtu'un yë Wintsën të y'ënä'äny mëti'ipë maaytyääyëpën winë, mëti'ipë Tyios'ajtypyën yë Israel ja'ay: Tëës nmëtoy wi'ix yë Moab ja'ayëty nyëxi'ik tyukxi'iktën ets wi'ix yë Amón ja'ayëty ëxëëkjaty kyajpxtën. Yë'ëjëty tëëjës yë nnaax nkajpn t'ojtë tya'axtë ets të tpëjkëtë nyaax kyam. Ëjts jëtu'unës yam n'ëna'any ets njuukyajtënës ntukajpxpejtyp ko yë Moab ja'ayëty jëtu'un jyata'antë tä yë Sodomë kajpnën ets Amón ja'ayëty tä yë Gomorra kajpnën; äpny nëjkx jam yoontä'äky ets kaanjoty y'awinpitëty, ni pën jam kyatsëënëty, tukwa'ats nëjkx y'awinpity. Yë nnaax nkajpnës yë'ë nëjkx myä'tsta'ajëtë ets jatëkok tpaatëty yë nyaax kyajpn.

Deuteronomio 2:19

E ko mnäpyaatëtëty mëët yë Amón ja'ayëty mëti'ipë yë Lot y'u'unk'ajtyp y'ëna'k'ajtypyën, këtii nëkoo xymyëmayëty ets xyajjotkëxëty. Jä'ä ko yë nyaax kyamëty ka'ap nmo'oja'any nitu'kjënu'un. Tääpë it naaxwiinyëtë ma yë'ëjëty tsyëënëtën, yë'ëjës të nmo'otë ets yë'ë tjä'ä'atëty.

Deuteronomio 2:9

Ënet ja Wintsën xy'ënëmaayës: Këtii nëkoo xymyëmayëty ets xynyipëtë'ëkëty yë Moab ja'ayëty. Jä'ä ko yë'ë y'u'unk y'ok yë Lot, yë nyaax kyam mëti'ipë nyitënaaytyëpën nitii xykyajëjp'ixëty. Ëjts kë'ëm të nmo'otë ets tjä'ä'atëty tääpë it naaxwiinyëtë mëti'ipë xyëëwajtypyën Ar.

Deuteronomio 23:3

Yë Amón ja'ayëty ets Moab ja'ayëty nijëna'a kyayajkupëktëty ma ja Wintsën ja nyaax kyajpnën, oy jyä'äjëty ja y'u'unk y'okëty mëti'ipë ënety të nyajtsmin të nyaskä'äxëtën majk'oknipëtë'ëkë.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

1 Samuel 14:47

Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.