Génesis 19:28 - Biblia Dc en Mixe de Quetzaltepec

²⁸ Ënet ojts jam nyas'ixë Sodomë ets Gomorra ets ma pya'ajën nyuxën ets t'ijxy ko jam yë jëënjok pyëti'iky ijxtëm jeexyë tsijtkjoty yë jëën tyoyën.

Biblia Mixe de Quetzaltepec

²⁸ Ënät ojts jam nyas'ixë Sodomë ets Gomorra ets ma pya'ajën nyuxën ets t'ijxy ko jam yë jëënjok pyëti'iky ijxtëm jeexyë tsijtkjoty yë jëën tyoyën.

Génesis 19:28 ပူးပေါင်းရင်းမြစ်များ

Salmos 107:34

yaj'awinpijtyp yë naax kaanmëxëpinëpë ma ënety winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Malaquías 3:2

Je'eyëp, ko ¿pën y'ëkwintänëp ko ënety myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

2 Pedro 2:7

Dios yaj'ëwaatspëtsëëm ja Lot, mëti'ipë oyjyä'äyën ets ka'ap akujk jotkujk y'ijty mëët ja ëxëëk ja'ay ja jyuuky'ajtënëty.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Apocalipsis 18:18

Ko të t'ixtë ja jok ko të tyooypyëjknë ja kajpn ets ayaxp ajojkp y'ëna'antë: Nimaa ja kajpn jëtu'unpë të kyajaty ijxtëm ya'atë të jyätyën.

Apocalipsis 18:9

E ko ja yajkutujkpëtëjk ets ja ënä'ämpëtëjk t'ixtëty ja jok ko ënety të tyooypyëjknë, ënät tpajë'ë tpaya'axtë mëti'ipë ënety të tmëpokytyuntën.

Apocalipsis 19:3

Tääts jatëkok y'ënaankojnëpë: Tukxoontä'äky mëjjawë yë Dios yë xyëëw nyaxëty. Nijëna'a yë kajpn kyatooy'ëtukëty, xëmë jam jok yaj'ixëty.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 9:2

Tääts tyaj'ëwatsy ja mëjjut. Japts ja jok jyänty pyëtsimy ijxtëm jeexyë mëj tsijtskjotypyën ets ja jok tyajwinkootsëy ja xëëw ets ja tsajp.