Génesis 19:19 - Biblia Dc en Mixe de Quetzaltepec

¹⁹ Miitsëty mëjmëyajtën të xytyuntë koos yë njuukyajtën të xyajtsokëtë. Ëjts ka'apës njëkyepy nëjkxëty kopkkëjxm, jä'ä ko tsojkës yë ëyo'on muum xynyajtspaatëty etsës n'ëk'o'knëty

Biblia Mixe de Quetzaltepec

¹⁹ Miitsëty mëjmëyajtën të xytyuntë koos yë njuukyajtën të xyajtsokëtë. Ëjts ka'apës njëkyepy nëjkxëty kopkkëjxm, jä'ä ko tsojkës yë ëyo'on muum xynyajtspaatëty etsës n'ëk'o'knëty

Génesis 19:19 ပူးပေါင်းရင်းမြစ်များ

Génesis 12:13

E paaty yam n'ënëëmë, këtiipës wi'ix njatëty nkëpätëty ets këtiipës nëjkx xyaj'ook xyajtëkoytyë mëët mijtskyëjxm. Jëtu'un m'ëna'anëty ko mijts n'utyëty.

Génesis 19:18

Ënet yë Lot y'ëtsooy: Ka'ap, Wintsën, tun mëyajtën.

Génesis 19:20

Tsyääyë winkon tu'uk yë mutsk kajpn ma tjëkyepyën nkäktso'okëtyës, käjxkës jää wä'änës jam n'ëknëjkxy ets jëtu'unës yë njuukyajtën tsyo'okëty, mutsk ja kajpn, ka'ap nëkooyë myëjëty.

Génesis 19:30

Yë Lot natsë'këp ënety jam ma tsyënaaytyaknpëjktën ma ja it naaxwiinyëtë txëëwatyën Zoar. Paaty ojts nyijkxy mëët ja nimäjtskpë ja nyëëx jam. Jëtu'un ojts nitëkëëk wyë'ëmtë tsënääpyë ma tu'uk ja aankën.

Génesis 39:4

Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

Génesis 6:8

Yë Dios ojts tni''ijxkëtä'äky tu'uk yë ja'ay mëti'ipë xyëëwajtën Noé, yë'ë oy ënety yë Dios tmëtuny.

1 Reyes 9:9

Ets nëjkx yaj'ëtsowtë: Jä'ä ko ojts t'ëxmajtsnëtë ja Wintsën mëti'ipë ënety y'ëwtajtëpën, mëti'ipë tyeety y'ap ojts yajpëtsëmëtën jam Egiptë ets jä'ä ko ja wiink tios ojts tpanëjkxtëjkënyëtë ets të t'ëwtajnëtë. Paatykyëjxm yë Wintsën të tyukjoot'anpëkëtë ets të tyuknikäxëtë ja ëyo'on jotmay.

Marcos 9:19

Tääts ja Jesús y'ëtsooy: Miits ka'ap mmëpëktë. ¿Wi'ix ko miitsëty ka'ap tii xytyuntë, jä'ä xytyimtsoktë aak'ëjts winë ntunëty? Yajmintë yaa ya'atë yujkyeeky ëna'k.

Lucas 1:58

Ënet ja myëjëën myëtëjk ets ja myëku'uktëjk nyimiinëtë ets tyukxoontakëtë ko ja Wintsën ja mëjmëyajtën të tuny ma yë'ëjën.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Deuteronomio 31:17

E ëjts nëjkxëpës ja ntukjoot'anpëktë ets nëjkxëpës n'ëxmajtsnëtë, tiijës n'ëkmëmaay n'ëkmëtajnëp, tyam ja ëyo'on jotmay ma yë'ëjëtyën ni'ikyë nëjkx myëjwiinë kyëjääjë ets koonëm y'ëna'antëty: ¿Këtii jëtäätën yë'ëkyëjxmëty yam o'ktëy tjajtëmë ko ja Wintsën ka'ap y'ëkyajpatnë ma ëëtsajtëmënë?

1 Samuel 27:1

David kä'äpyëm ënety jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.