Génesis 19:15 - Biblia Dc en Mixe de Quetzaltepec

¹⁵ Tim xëënyënëp ënätynyë ko yë tsajpjotmëtë kukäjpxy t'ënëmaaytyë ja Lot: Pëtë'ëkoj tim poj'am ets tso'onkojtë timtyämyë mëët yë mto'oxytyëjk ets nimäjtskpë yë mnëëx. Ënet jëtu'un pën këtii m'ooka'any, ko ënety ëëtsëty nyajkutëkoytyë yë kajpn.

Biblia Mixe de Quetzaltepec

¹⁵ Tim xëënyënëp ënätynyë ko yë tsajpjotmëtë kukäjpxy t'ënëmaaytyë ja Lot: Pëtë'ëkoj tim poj'am ets tso'onkojtë timtyämyë mëët yë mto'oxytyëjk ets nimäjtskpë yë mnëëx. Ënät jëtu'un pën këtii m'ooka'any, ko ënäty ëëtsëty nyajkutëkoytyë yë kajpn.

Génesis 19:15 ပူးပေါင်းရင်းမြစ်များ

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

2 Corintios 6:2

Jä'ä ko jëtu'un kyëxja'ayëty ma ja Dios ja y'aaw y'ayukën: Ma ënety nixëëwëtyën jää të nmëtoow'ity, ma ënety ja nitsokën jyää'atyën jää të nputëkë; tyam ja xëëw jëmëjt të tpaaty. Tyam yë xëëw po'o ma ja nitsokën jyää'atyën.

Génesis 19:22

Oy mnëjkxëty, nëjkx jam, tim nëjkx jëtu'un tyämyë jä'ä ko ka'apës mëpaat tii ntuny pën ka'ap jam mja'tynyëm ma tääpë kajpnën. Paaty jëtu'un ojts ja kajpn yajxëëwmo'oy Zoar.

Génesis 19:17

Ko ënety tëë yë kajpn tukpëtsëëmtaaynyëtë, ënät ojts yë tsajpjotmëtë kukäjpxy y'ëna'antë: Pe'tym pëyë'ëktë ets näyyajtso'okëtë, këtii mnäjyë'ixëtëty ets këtii mwa'ak'awëtëty. Nëjkx kopkkëjxm, pën myajtso'okäämpy yë mjuukyajtën.

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

Génesis 19:16

E yë Lot jaakpoxp ënety, paaty myajtsë kyë'ëkëjxm yë tsajpjotmëtë kukäjpxy. Jä'ä ko yë Wintsën myëët'ajtyp ënety yë pa'ëyo'owën najts'ëyo'owën ma yë'ëjën. Ënet ojts näjyëtu'un yë tyo'oxytyëjk ets nimäjtskpë nyëëx yajmatstë kyë'ëkëjxy ets pyëtsëëmtë jam kajpnjotm ets tsyoktë.

Salmos 94:23

Yë Wintsën yë'ë nëjkx jëna'a tyajkutuky ets ëxëëkja'aytyëjk yi'iyë yë y'ëxëëktu'un y'ëxëëk kajpxën yajkutëkoyëtëty. Yë nTios'ajtëm nëjkx kë'ëm yajkutëkoyëtë.