Génesis 19:13 - Biblia Dc en Mixe de Quetzaltepec

¹³ Jä'ä ko tyamës ya'atë kajpn nyajkutëkoya'antë. May oy yë tsyip y'äkë të nyipäjtnëtë yë ja'ayëty mëti'ipë yaa ijtëpën jam Dios wyintum. E paatyës të nyajkäxtë ma ya'atë kajpnën ets nyajkutëkoytyëtyës.

Biblia Mixe de Quetzaltepec

¹³ Jä'ä ko tyamës ya'atë kajpn nyajkutëkoya'antë. May oy yë tsyip y'äkë të nyipäjtnëtë yë ja'ayëty mëti'ipë yaa ijtëpën jam Tios wyintum. E paatyës të nyajkäxtë ma ya'atë kajpnën ets nyajkutëkoytyëtyës.

Génesis 19:13 ပူးပေါင်းရင်းမြစ်များ

Génesis 13:13

Ja ja'ayëty ja jampë tsyëënëtën Sodomë ëxëëk ënety jyä'äy'atë. Ets aakjä'ä ënety ja pokytyuuntëp, mëti'ipë Dios ka'ap ninu'un tsokyën.

Génesis 18:20

Ënet ojts ja Wintsën y'ënä'äny: Yë ja'ayëty mëti'ipë juuky'ajtëpën Sodomë ets Gomorra, ëxëëk jyuuky'atë ets pyokyëty mëj këjää të y'awinpijnë.

Génesis 19:12

Ënet ja ja'ajtakpëty t'ënëmaaytyë ja Lot: ¿Wi'ix jaakjää mijts yë mjëëky mëku'ukë? Ënëmaaytya'a yë mmaank ets mnëëx, yë mmë't ets tu'kë'ëyë mëti'ipë mëët'ajtypyën yaa kajpnjoty, mëpëtsëëmta'a ets mënëjkx jëkäm.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Isaías 36:10

Ets näjyëtu'un, ¿jä'ä mmay mtajyën ko ka'apës yë Wintsën xypyutëkë etsës yë mnaax mkajpn nyajkutëkoyëtyë? ¿Yë Wintsënës të xykyexy etsës ya'atë naax kajpn nyajkutëkoyëty.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Deuteronomio 28:45

Tëkokyë ya'atë pojkën yë'ë nëjkx xymyënaxy xyajnaxy, oy maa mtimnyëjkxëty, koonëm m'ookëty mtëkoyëty. Mëët yë'ë ko ënety yë mWintsën të xykyamëmëtoy ets të xykyapatuny ja y'ënä'ämën tyiyajtën ets ja y'aaw y'ayuk, mëti'ipë të mtuk'ëne'emyën.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.