Génesis 19:1 - Biblia Dc en Mixe de Quetzaltepec

¹ Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënety yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Biblia Mixe de Quetzaltepec

¹ Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënäty yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Génesis 19:1 ပူးပေါင်းရင်းမြစ်များ

Génesis 11:27

Ya'atë jëtu'un ja y'u'unk y'ok yë Taré mëti'ipë tyeety'ajtën yë Abram, Nahor ets Harán. Harán, yë tyeety yë Lot,

Génesis 13:12

Yë Abram jam ojts wyi'imy Canaán tsënääpyë, e yë tsyojkmaank Lot jam ojts nyijkxy tsënääpyë joyjyotm ma ja Jordán mëjnëëjën, winkon mëët ja Sodomë kajpn.

Génesis 18:16

Ënet ja në'ëye'epyë tu'uye'epyëty ojts jatëkok tyu'utëkëtë, jam nyëjkxtë Sodomë. Ënet yë Abraham ojts tpatsoony ets jam tu'ujëjpwowëja'any ma mëët nyäjyëëkajpxa'anyën.

Génesis 18:22

Mäjtsk yë tëjk'ëye'eypëty ojts nyëjkxtë jam Sodomë. E yë Abraham ojts mëët yë Wintsën jyaak wë'ëmy.

Génesis 19:10

E ja tsajpjotmëtë kukäjpxy mëti'ipë ënety të jyajta'aktën ojts nixajwootstë ja Lot jap tëkotsyow ets ja tëjk'aaw tyaj'ëtujktë.

Génesis 19:2

Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënet ojts y'ëtsowtë: Ka'ap, Dios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Génesis 23:12

Ënet yë Abraham tyajnikëxë'ky jatëkok ja winkutsë'kën ma ja ja'ayëtyën mëti'ipë jam kunaax'ajtp kukajpnajtëpën,

Génesis 48:12

Ënet yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety.

Job 29:7

koos ijty n'u'unyë npo'kxy ko yë ja'ay ye'eymyuktë ma naax kajpnën.

Job 31:32

ëjts ka'apës ijty jap tëja'p nyajwë'ëmy koots tääpë jaaypyo'kxy. Xëmës të ntëjkmo'oy yë në'ëye'epyë tu'uye'epyë.

Salmos 69:12

Aak ëjts yë ja'ay xy'ëëwpat xykyajpxpatp oymyaajëty, ets ëmu'ukyë ja'ay tëës xyaj'ëypyëtsëëmnëtë.

Lucas 17:28

Näyjyëtu'un jyäjty ko ja Lot jyuuky'äjty, kaaytyëp uktëp ënety ja ja'ay ets juuytyëp këpäjtëp, to'ktëp yajktëp, niptëp tuuntëp ets tëjk kojtëp,

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

Rut 4:1

Ënet ojts ja Booz nyijkxy ma ja naax kajpn yajnitëkën, jam ijty ja ja'ay tyu'ukmuktë. E jamts ënety pyo'kxy pyiky ko ajotkumonë t'ijxpaty nyäxy ja ja'ay mëti'ipë ja Rut winkon myëku'uk'ajtypyën. Tä ja Booz ojts tmëkäjpxy ets t'ënëmaay: Mëku'uk. Min mpo'kxy. Tääts myiiny ja myëku'uk ets nyaaxwe'tsy.