Génesis 18:6 - Biblia Dc en Mixe de Quetzaltepec

⁶ Ënet ja Abraham jap tyëjkëy tëkoty, ma ja wyittëjkën ets t'ënëmaay ja tyo'oxytyëjk Sara: Pe'tym, mijts ëkni''ijxëkyoj yë tsajpmokway oy i'px tsimën ets xyaj'oyëty yë tsajpkääky.

Biblia Mixe de Quetzaltepec

⁶ Ënät ja Abraham jap tyëjkëy tëkoty, ma ja wyittëjkën ets t'ënëmaay ja tyo'oxytyëjk Sara: Pe'tym, mijts ëkni''ijxëkyoj yë tsajpmokway oy i'px tsimën ets xyaj'oyëty yë tsajpkääky.

Génesis 18:6 ပူးပေါင်းရင်းမြစ်များ

Génesis 18:5

Oy jëtu'un ko yaa mnaxtë maas yaa n'ity ntsëënën. Nëjkxës n'ëkyajtsoony mëti'ipë nkaaynyaxtëpën, tääts jëtu'un jatëkok mëjaawpëktëty ets jotkujk mtu'upëktëty: Oy, jëtu'un ojts y'ëtsowtë ja nitëkëëkpë ja ja'ayëty.

Génesis 18:7

Ënet yë Abraham ojts näjyëtu'un pëyi'ikyë nyijkxy ma ja tsyajpkaa tyajtänën ets twin'ijxy yë wäänë ni'kxpë mëti'ipë ënety jamën. Tää tukë'ëtëjkëy ja tyuunpë ets ojts pojën tyaj'oyë ja ka'ayën ukën.

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

2 Samuel 13:6

Amnón ënätyë jap tyëjkëy tyëkoty ets nyäpyëjktakë jam myaapäjnkëjxm, pëjkëp yowë. E ko ja tyeety ojts nyinëjkxyë, tää t'ënëmaay: Tun yë mëyajtën wä'än yë n'utyës Tamar tminy ets wäänë tyaj'oyëty yë nkääkyës n'uukyës ets yë'ë kë'ëm y'apëkëp.

Salmos 119:60

Ëjts janty pe'tymyës të nnäkyojyë, ka'apës nëkoo të npo'oxy etsës të npatuny ja m'ënä'ämën mtëyajtën.

Isaías 32:8

E ja'ay mëti'ipë oy ja jyot wyinma'anyën, myëmääpy myëtäjpy ja oypyë ets jä'ä tyuunpy.

Mateo 13:33

Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kuttujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënet ja levadura tuktëjkëtyääy ja jësty.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Romanos 12:13

Näpyutëkëtë nixim niyam ma myajpaatën wa'ats kajpn. Oy tsuj xy'ëxajëtëty mëti'ipë mnimiinëtëpën.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

1 Pedro 4:9

Ëxajëtë nixim niyam ko pën jya'ajta'akëty ma ja mjëën mtëjkëtyën, ka'ap ok xynyikajpx xynyimëtya'aktëty.

Jueces 6:19

Ënet ja Gedeón ojts nyijkxy pëyi'ikyë ma tyëjkën ets ja tojkx tyaj'o'oyëy, yaj'o'k tu'uk yë tsajppax ets ja tsajpkääky tyaj'o'oyëy mëët i'px tsim yë tsajpmokway ka'apë tsyooymyëëtëty, ko tyaj'o'oyëtyääy jap ja tsu'utsy t'apëjkëy katyjoty, ja tojkxnëë jap t'apëjkëy tu'tsjoty ets ojts jam tmënëjkxy kopkëjxm.

1 Samuel 28:24

Ja to'oxytyëjk tu'uk ja tsajpkaani'kx tyaj'o'ky, jampë ënety tmëëtëtyën ma tyëjkën ets näjyëtu'un ja tsajpmok kääky tyaj'o'oyëy, ka'apë tsyooymyëëtëtyën.