Génesis 18:31 - Biblia Dc en Mixe de Quetzaltepec

³¹ Ënet ja Abraham jatëkok yë Wintsën t'ënëmaaykyojnëpë: Wintsën mëpaat xy'ëknamä'kxëty ko yam jëtu'un mijts nyajjotkëxy. ¿Tii jëtää tunëtëp jatëtëp, ko je'eyë xypyaatëty ni''i'px yë wa'ats ja'aytyëjk? Ënet yë Dios y'ëtsooy, pën npatypyës ni''i'px ka'apës nyajkutëkoyëty yë naax kajpn.

Biblia Mixe de Quetzaltepec

³¹ Ënät ja Abraham jatëkok yë Wintsën t'ënëmaaykyojnëpë: Wintsën mëpaat xy'ëknamä'kxëty ko yam jëtu'un mijts nyajjotkëxy. ¿Tii jëtää tunëtëp jatëtëp, ko je'eyë xypyaatëty ni''i'px yë wa'ats ja'aytyëjk? Ënät yë Tios y'ëtsooy, pën npatypyës ni''i'px ka'apës nyajkutëkoyëty yë naax kajpn.

Génesis 18:31 ပူးပေါင်းရင်းမြစ်များ

Génesis 18:27

Ënet yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

Génesis 18:30

Ënet ja Abraham tjaakmënu'kxtä'äky ja Wintsën ets t'ënëmaay: Wintsën këtiis xytyukjoot'anpëkëty oy yam mijts jëtu'un n'ëkyajjotkëxy. Wä'änxyëp jëtää jap je'eyë xypyaatëty yë wa'ats ja'aytyëjk ni''i'px majkën. Tä ja Dios y'ënëmaaykyojënëpë: Pën janty jap ni''i'px majkën npokymyä'kxëpës yë naax kajpn.

Génesis 18:32

Ënet ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënet yë Dios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Mateo 7:11

Oy miits m'ëxëëk ja'ay'atë, mjajtëp ja m'u'unk xymyo'otëty mëti'ipë oyën, ¿ets wi'ixts ja mTeety tsajpjotmëpë tkamo'ojëtëty ja oypyë mëti'ipë m'amëtoowtëpën?

Mateo 7:7

Amëtowtë ets myajmo'otëty; ixta'atë ets xypyaatëty; pijkxnoktë ja tëjk'aaw ets m'ëwatsxëtëty.

Lucas 11:8

Jëtu'unts miits nëëmëtë, oy ja kyapëtë'ëka'any, myooytya'ajëp tii ja myëku'uk y'amëtoopy, ka'ap yë'ëkyëjxmëty ko mëët nyämyäyë, yë'ë ko tsyojkpy ets ka'ap ja myëku'uk yajjotkëxëtëty.

Lucas 18:1

Tääts ja Jesús tnimëtyäky mëët tu'uk ja ijxpäjtën wi'ix kyopkpëkyëtyën ko ja'ay wyanë tsyowë ets ka'ap kyumay kyutajëty.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.