Génesis 18:21 - Biblia Dc en Mixe de Quetzaltepec

²¹ Tyam yë'ëjës ninëjkxyp etsës n'ixa'any pën yë pyokyëty mëj oynyë jëtu'un ijxtëmës të nyaj'ënëëmëtën jëtu'un'äämpyës nijawëty yajxon.

Biblia Mixe de Quetzaltepec

²¹ Tyam yë'ëjës ninëjkxyp etsës n'ixa'any pën yë pyokyëty mëj oynyë jëtu'un ijxtëmës të nyaj'ënëëmëtën jëtu'un'äämpyës nijawëty yajxon.

Génesis 18:21 ပူးပေါင်းရင်းမြစ်များ

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Génesis 11:5

Ënet ojts ja Wintsën tniku'ijxnaxy ja naax kajpn ets ja mëjpotsy mëti'ipë ënety ja naaxwiinyëtë ja'ay ëka'any kyojtso'ontaktëpën.

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Miqueas 1:3

Tsoonaanp yë Wintsën jam ma y'ityën ets ye'epy myina'any jam tunkëjxm kopkkëjxm.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Josue 22:22

Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Éxodo 33:5

Jä'ä ko yë Dios tyaa ënety yë Moisés të t'ënëëmë: Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.

Génesis 11:7

Nikë tim oy'atëp yowë ko yë y'ayukëty ntimyajnäyjyo'pëmëty, këtiipë nyäjyä'äkyukëtëty yë'ëjëty.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kuttujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Dios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

2 Corintios 11:11

¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Dios nijawë ko miits ntsoktë.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Jeremias 17:1

Mijts Judá, yë m'ëxëëktu'un m'ëxëëk kajpxën këxpajy jap y'ity mëët yë juunpujxn, mëët yë juuntsaa ma ja mjot mwinma'anyën mëti'ipë juunën tä tsaajën ets ma ja mwintsë'këntyakn nyiwajën.

Salmos 90:8

Ëëts yë nnëë npokyëty, yë ntuuntëko'oy nkajpxtëko'oyënëty mijts tëkokyë mkëwentëpëjktääpy ets mnija'awëtyääpy.

Job 34:22

Ka'ap maa kootsajtën mëti'ipë yu'utsëpën yë tuuntëkoopyë kajpxtëkoopyë.

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Génesis 18:17

Tä ja Wintsën ojts myäy tyäjy ets y'ënäny: Oy yowë kyopkpëkyëty etsës yë Abraham ntuknijawëty mëti'ipës ntunäämpyën.

Salmos 14:2

Jam tsajpjotm y'ijxyp yë Wintsën yë naaxwiinyëtë ja'ay, yë'ë jyapaatäämpy pën jää ja'ay winma'anymyëëtpë ëkë mëti'ipë Dios y'ëwtajtypyën.

Génesis 6:12

Jä'ä ko ja naaxwiinyëtë ja'ayëty tëë ënety wyinma'anytyëkoytyë. Ko ja Dios t'ijxy ko yaa naaxwiiny naaxkëjxy mëj këjää ënety ja ja'ay pyokytyuunë.

Jonás 1:2

Pëtë'ëk ets mnëjkxëty jam ma Nínive kajpnën ets xytyuk'ëwaanëty ko nyajkutëkoyä'änyës, tëëjës nijawë wi'ix yë nyëë pyoky kyëjääjëtyën.