Génesis 18:19 - Biblia Dc en Mixe de Quetzaltepec

¹⁹ Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Biblia Mixe de Quetzaltepec

¹⁹ Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Génesis 18:19 ပူးပေါင်းရင်းမြစ်များ

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 12:3

Nkënu'kxäämpyës mëti'ipë ënety mkënu'kxëpën, npokäämpyës mëti'ipë ënety mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Génesis 17:9

Tää ojts yë Abraham yë Dios jyaak'ënë'ëmxëty: Mijts kuuytyun yë nkäjpxytyu'unënës ets näjyëtu'un yë m'u'unk m'ok tkuuytyuntëty.

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Génesis 35:2

Ënet ja Jacob ja y'u'unk y'ëna'k t'ënëmaay ets tu'kë'ëyë jënu'un ënety mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Dios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

2 Samuel 22:22

jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

2 Samuel 7:20

¿Wi'ix mijts njaak'ënëëmëty? Mijts wa'ats xy'ixy xynyijawë ja njot nwinma'anyës.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 14:3

Ojts tyajjëwa'kta'ay ja wintsë'këntyakn, awinax ets ja tsajptëjk ma ja'ay ijty t'ëwtatën ka'apë Wyintsënëtyën; ojts tjijtë'kta'ay ja tsajptëjk mëti'ipë yajpatëpën tunkëjxm kopkkëjxm, piw nuuk tuuntaay ja tsaa mëti'ipë nipiiwpety yaj'ijtëpën, ja kënu'kxypyë tijtën; jëtu'unyë tpu'utaay tkë'tstaay ja Aserá awinax.

Nehemías 9:7

Mijts Wintsën, mijts mwin'ijx ja Abram, mijts myajpëtsëëm jam Ur, ma ja Caldeo ja'ay tsyëënëtën ets xyajxëëwpejty Abraham.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Dios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Dios ëkë muum tëkatsy myäytyë tyajtë.

Salmos 1:6

Yë Dios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Salmos 11:4

Yë Wintsën xëmë jam yajpaaty ma tsyajptëjkën. Yë Wintsën jam yë kyutujktakn tmëët'aty tsajpjotm ets kë'ëm t'ijx'ity yë naaxwiinyëtë ja'ay.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

Proverbios 22:6

Yaj'ijxpëk ja u'unk ëna'k tyam ma myutsk'atyën, ko myëjja'ayëty, ka'ap nëjkx tsuu yajpaaty.

Isaías 38:19

Yi'iyë tëy mëti'ipë juuky'ajtëpën jyëkyäjptëp wi'ix mwin'ëw mwinya'axëtëty, jëtu'un tääjës ëjts tyam ntunyën.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Mateo 25:17

Näyjyëtu'un mëti'ipë y'ëxajëyën mäjtsk mil, ojts tyaj'u'unk'aty.

Juan 10:14

Ëjts jëtu'un oypyë kupixyny këwent'ajtpë. Jëtu'un ijxtëm xy'ixy'ätyës ja nTeetyës nän jëtu'unës n'ixy'äty ja nTeetyës; jëtu'un n'ixy'ätyës ja nkupixynyës ets yë'ëjëty nän jëtu'unës xy'ixy'atë. Ëjts nyäjkpyës ja njuukyajtën maas ja nkupixynyën.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Hechos 27:31

Tääts ja Pablo ojts tuk'ëwaanë ja tsiptuunpë wintsën ets mëti'ipë ja kepy nëëwinye'epyë yajye'epyën: Pën yë'ëjëty käktëp, miitsëty ka'ap ënät juuky mwë'ëmtëty.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Deuteronomio 32:46

Ko y'ëëwtaaytyë ënät yë Moisés t'ënëmaay ja naax kajpn: Mëmay mëtajtë tyam mëti'ipë të ntukmëmëtya'aktën, nëjkxëp näjyëtu'un xytyukmëmëtya'aktë ya'atë aaw ayuk, mëti'ipë ja ënä'ämën tëyajtën nyimëtyäkpyën.

1 Timoteo 3:12

Tu'uk ja mëpëjkpë mëti'ipë yajtuunkmo'ojëpën tsajptëkoty tu'ukyë mëpaat tmëët'aty ja tyo'oxytyëjk ets tyukjatëp wi'ix ja y'u'unk y'ëna'k t'ënä'ämëtyën ma ja jyëën tyëjkën.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

2 Timoteo 3:15

Ja'amyäts ko mutsknëm të xynyijawë ja Dios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Jueces 13:12

Ënet ja Manoa y'ënäny: Ko ënety y'atëy tä të m'ëna'anyën, ¿Tii ëëts ntuntëp mëët yë'ë?