Génesis 18:14 - Biblia Dc en Mixe de Quetzaltepec

¹⁴ ¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Biblia Mixe de Quetzaltepec

¹⁴ ¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Génesis 18:14 ပူးပေါင်းရင်းမြစ်များ

Génesis 17:16

Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Génesis 17:21

E yë n'oyajtënës yë'ëjës yë Isaac ntukmëët'atäämpy, yë mëti'ipë Sara yajminäämpyën naaxwiiny jajëmëjt.

Génesis 18:10

Tää ojts nitu'uk y'ënä'äny: Jëmëjt jatëkok min nku'ix nkukajpxëtë. Ko jyamëjt'atëty, Sara yë mto'oxytyëjk pyatäämpy tu'uk yë u'unk maay. E yë Sara, yë Abraham yë tyo'oxytyëjk; taptëm ënety tmëtoow'ity jëxkë'ptsow ma yajnitëkën ja wyittëjk.

Génesis 18:13

Ënet yë Wintsën t'ënëmaay yë Abraham: ¿Tii tyukxikpy yë Sara? ¿Këtii tmëpëky, ko jëtu'un ijxtëm myëjja'ayëtyën jyaak jyëkyejpynyëm yë u'unk maay tyajmëxu'unk'atëtyë?

Génesis 18:15

Ko ojts jëtu'un tmëtoy yë Sara, ënät ojts wäänjaty tsyë'ëkë, ka'ap tjanikajpxany ko ënety të xyi'iky. Tyaa y'ënäny: Ka'apës y'ëjtsëty të nxi'iky. Tä y'ëtsoowë ja Wintsën ja kyukäjpxy: Ëjts nija'ap ko tëë mxi'iky.

Génesis 21:1

Jëtu'un ijxtëm ënety yë wyaantakën yë Wintsën, ojts tni''ijxkëtä'äky yë Sara ets ojts tkuuytyuny ijxtëm ënety të y'ënä'änyën.

Génesis 21:2

Jëtu'un yë Sara ojts wyi'imy u'unk mëët ets ojts tyajmëxu'unk'ajtë yë y'u'unk yë Abraham ma ënety tëë myëjja'ayënën. Ja mëxu'unk jä'ä ojts myiny naaxwiiny ma ënety ja Dios të t'akäjpxyën.

2 Reyes 4:16

Tä ja Elisejë y'ënëmaayë: Jajëmëjt, ya'atpë, tëë ënety yë m'u'unk maay xypyääty. Tä y'ëtsooy ja to'oxytyëjk: Ëk'ix Wintsën, këtii nëkoo jëtu'unpë ayuk xykyajpxpëtsëmy, jä'ä ko ka'ap tjëkyepy mijts xywyin'ëënëtyës, jä'ä ko mijts Wintsën myajtuunëp.

Job 36:5

Dios maaytyääyëp winë, ixpëky ets ka'ap t'ixtijy mëti'ipë ka'ap tii të tuuntëkoyën.

Salmos 90:13

Wintsën, niwinpijtëkës jatëkok Këtii mpo'oxy. Tun yë mëyajtën, mëët'at pa'ëyo'owën mëët ya'atë ja'ayëty mëti'ipë mmëtuunëtëpën.

Salmos 93:1

Yë Wintsën, yë'ë yajkutujkp, natuky yajpaaty mëët yë myëj'ajt y'oyajtën jëtu'un tä jeexyë yë'ë twit'aty txox'atyën. Yë'ë ojts tpëjktä'äky yë naaxwiinyëtë ta'tspëky këtiipë yu'kxëty.

Salmos 95:3

Jä'ä ko yë nWintsën'ajtëm, mëj Dios yë'ë, mëti'ipë mëj ënä'ämpë'ajtpën ma tu'kë'ëyë tios yajpaatyën.

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Jeremias 32:27

Ëjts jëtu'un Wintsënajtp, mëti'ipë Tyios'ajtëpën tëkokyë juukpyë. Nitii kyatsiptä'äky mëët ëjts.

Daniel 6:20

Ko tmëwinkoony ja kaa ijtakn, ënät jë'ë ya'ax tmëkäjpxy ja Daniel: Daniel, Dios mëtuunpë, ¿tëë ja mTios myajtso'okyë kaa aawjoty, mëti'ipë m'ëwtajtypyën ets mëtuumpyën ëmuumtu'ukjotë?

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Zacarías 8:6

Jä'ä xëëw tsip yë ja'ay t'ixtëty mëti'ipë ënety të jyaakwë'ëmtën maas yë nnaax nkajpnën; e ëjts ka'apës tsip n'ixa'any. Ëjts Wintsën, mëti'ipë maaytyääyëpën winë, ëjts ënaanp:

Mateo 14:31

Ënätyë ja Jesús ojts myätsyë kyë'ëkëjxy ets t'ënëmaay: Yi'inëm mijts ja mëpëjkën xymyëëtëty. ¿Tii ko të mmaaytyëkatsy?

Mateo 19:26

Tääts ja Jesús wyintë'kxëtë ets y'ënëmaayëtë: Yë ja'ay wä'än jëtää ka'ap myäyëtëty, yë Dios tii kamaayëp.

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.

Marcos 10:27

Tääts ja Jesús ojts wyintë'kxëtë ets y'ëtsoowëtë: Yë ja'ayëty tsip yë tjawëtë, yë Dios ka'ap tiitsip tjawë; jä'ä ko yë'ë maaytyääyëp winë.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Dios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Lucas 1:18

Tääts ja Zacarías tyajtëëy ja tsajpjotmëtë kukäjpxy: ¿Wi'ixës ya'atë njëjp'ixëty?, ëjts tëëjës nmëjja'ayënë ets näjyëtu'un yë nto'oxytyëjkës.

Lucas 1:37

Dios, ka'ap tii tyajtsiptä'äky.

Lucas 8:50

Ko ja Jesús jëtu'un tmëtooy, ënät t'ënëmaay ja Jairo: Këtii mtsë'ëkë, je'eyë mëpëk ets mnëëx tsyo'okëty.

Romanos 4:21

tëë ënety ja y'aaw jyot tpëjktä'äky ko Dios ja mëk'ajtën tmëëtëty ets tpatun ja wyaantä'äky.

Efesios 3:20

E tyamm, mëj'äämpy ja Dios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kuttujkën ets winë tunëty ma ëëtsajtëmën.

Deuteronomio 30:3

Ja Wintsën nëjkxëp mpa'ëyowëtë ets myajjotkujkta'akëtë, nëjkxëp jatëkok myajtu'ukmukëtë oy ënety muum mtimyajpaatë,

Deuteronomio 7:21

Paaty yam n'ënëëmëtë ko këtii tääpë ja'ayëty xytsyë'ëkëtëty, jä'ä ko yë Wintsën mëti'ipë mëjën ets kutsë'ëkën yë'ë mputëkëjanëtëp.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Hebreos 11:19

Paaty ja Abraham jëtu'un tuuny ko ojts myäy tyäjy ko Dios myëët'ajtyp yë mëk'ajtën ets o'kpë paat tyajuukpyëkëty, paaty ja Abraham ja y'u'unk jatëkok t'ëxajëy ets ojts yë'ë wyi'imy ijxpät.

Jueces 13:3

Ënet ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.