Génesis 17:10 - Biblia Dc en Mixe de Quetzaltepec

¹⁰ Yë'ë ya'atë käjpxytyu'unën mëti'ipës yam ntuunpyën mëët mijts. Oy y'oyëty ko m'u'unk m'ok tuntëty. Tu'kë'ëyë mëti'ipë ja'ay ijtp ma miitsëtyën, oy kyopkpëkyëty ko yajnatsujk'ëwtitëty ja ye'etyëjkajtën.

Biblia Mixe de Quetzaltepec

¹⁰ Yë'ë ya'atë käjpxytyu'unën mëti'ipës yam ntuunpyën mëët mijts. Oy y'oyëty ko m'u'unk m'ok tuntëty. Tu'kë'ëyë mëti'ipë ja'ay ijtp ma miitsëtyën, oy kyopkpëkyëty ko yajnatsujk'ëwtitëty ja ye'etyëjkajtën.

Génesis 17:10 ပူးပေါင်းရင်းမြစ်များ

Génesis 17:11

Kopkpëky ko xynyitsujktu'utëty ja ye'etyëjk'ajtënëty. Yë'ë jëtu'un ijxpäjtën wë'ëmëp koos yë käjpxytyu'unën ntuny mëët mijts.

Génesis 17:23

Jä'ä xëëw ma ënety jëtu'un të myëtyä'äkyën yë Abraham mëët yë Dios. Jä'ä xëëw ojts ja y'u'unk Ismael tnatsujk'ëwtijtë ja ye'etyëjkajtën ets ojts näjyëtu'un ja tyuunpëtëjk tnatsujk'ëwtijtaayë ja ye'etyëjk'ajtën, jënu'un ënety të myëxu'unk'atën jap ma tyëjkën. Ets jënu'un ënety të tjuuypyën mëët yë kyë'ëm wit kyë'ëm meeny, ojts yajnatsujk'ëwtijta'atë ja ye'etyëjk'ajtënëty ja nyi'ak jëtu'un ijxtëm ënety yë Dios të tni'ënä'ämën.

Génesis 17:27

Tu'ukyë mëët ja tyuunpëtëjk mëti'ipë jap ijtëpën ma tyëjkën, mëti'ipë ënety të tjuyën ets mëti'ipë jap të myëxu'unk'atën.

Génesis 21:4

Ojts natsujk'ëwtijtë ja ye'etyëjk'ajtën kom tuktujk xëëw ma ënety të myinyën naaxwiiny, jëtu'un ijxtëm yë Dios ënety të tni'ënä'ämën.

Génesis 34:15

Ënet ëëtsëty n'a'ixëtëty pën mkupëjktëp mëti'ipë yam myaj'amëtowantëpën, ko jëtu'un mja'ay'atëty tä ëëtsëtyën, ko xynyatsujktu'utëty ja mye'etyëjk'ajtënëty ets tu'kë'ëyë jënu'un yajpaatën yë yä'äy'ëna'këty ma miitsëtyën.

Génesis 34:22

E yë'ë jä'ä y'ëna'antë ko ënät yaa tsyëënëja'antë mëët ëëts'ajtëmë, pën nkupëjkëm mëti'ipë tsyojktëpën ntu'unmëty, ko ëëtsajtëm natsujk'ëwtijtmëty ja nye'etyëjk'ajtëmë ijxtëm yë'ëjëty tukjuuky'atën.

Éxodo 12:48

Pën tu'uk yë atsënääpyë xyëëwtunäämpy yë ëmaayxyëëw ets jëtu'un yë Dios tmëjjawëja'any, jëyëjp tu'kë'ëyë yë ye'etyëjktëjk yajnatsujk'ëwtitëty yë ye'etyëjk'ajtënëty mëti'ipë ijtëpën ma tyëjkëtyën, täänëm tnixëëwtuntëty ja ëmaayxyëëw. Jä'ä ko jëtu'un ënety nyajxnë tä tu'uk yë kunaax kukajpnën ma miitsëtyën. E pën ka'ap nyatsujk'ëwtityëty ja ye'etyëjk'ajtënëty, ka'ap tjëkyäpëty tsu'utsëty ja jëyujk'ooky.

Éxodo 4:25

Ënet yë Séfora ojts tu'uk yë tsaa jëjpë t'ixta'ay, jëtu'unpë tä tsujknën, tä ojts tsuky ja y'u'unk ja ye'etyëjkajtën na'ëwtityë ets ojts jä'ä tuk'ony ja Moisés ja tyeky tä t'ënëmaay: Tëyajtën mijts yam n'ënëëmëty ko mijts paaty nmë''ëtsowaty jä'ä ko ne'pynyës je'eyë xytyuktoonp xytyukmajtsp.

Jeremias 4:4

Miitsëty Judá ja'ayëty ets Jerusalén ja'ayëty, ja'amyätstë ko ëjts Wintsënajtp. Pëjkta'aktë jap mjootjoty mwinma'anyjoty ja käjpxytyu'unën mëti'ipë të ntu'unëmën; këtiipë tsyooypyëkëty jëënën ja ntsip n'äkës ko ënety tëkatsy tii xytyuntë ets ka'ap tjëkyäpëty wi'ix pyi'itsëtyën.

Juan 7:22

Oy jyapo'kxënxëëwëty, mnatsujk'ëwtijtëp ja mye'etyëjk'ajtënëty, ijxtëm ja Moisés ja y'ënä'ämën myinyën. Oy yë'ëjëty ja Moisés tkayajtso'ontäky, aptëjk ojts tyajtso'onta'aktë.

Hechos 7:8

Ets ja Dios ja kyajpxtyu'unën ojts tyajwë'ëmy mëët ja Abraham wi'ix ijxwë'ëmy y'ita'anyën, wi'ix ja Abraham mëët ja y'u'unk y'ok yajnatsujk'ëwëtitëtyën ja ye'etyëjkajtën. Paaty ko ja Abraham ja y'u'unk myiiny mëti'ipë xyëëwajtën Isaac, kom tuktujk xëëw ojts tyajnatsujk'ëwtityë ja ye'etyëjkajtën. Näyjyëtu'un ja Isaac ja y'u'unk tuuny mëti'ipë xyëëwajtën Jacob ets ja Jacob näjyëtu'un tuuny ja y'u'unk y'ëna'këty nimajkmäjtskpë.

Romanos 2:28

Ka'ap nyëkëjxyëty ja ja'ay jyutiis'aty, ko yajnatsujk'ëwtity ja ye'etyëjkajtën ets ja ijxwë'ëmën wyi'imy ma nyi'kx kyopkën.

Romanos 3:25

Dios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Dios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënety të ntu'un të nkajpxëmën,

Romanos 3:28

Jëtu'un yajnijawë ko mëpëjkën mëët ja ja'ay oy wyë'ëmtë mëët ja Dios ets ka'ap yë'ëkyëjxmëty ko ja ja'ay tpatuntë ja ënä'ämën.

Romanos 3:30

jä'ä ko tu'ukyë je'eyë Dios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Gálatas 6:12

Ya'atë ja'ayëty mëti'ipë tsyojktëpën ets ja ja'ay y'oyjyawëtëty mëët mëti'ipë tyuuntëpën, yë'ë m'atsip'atanëtëp ets yajnatsujk'ëwëtittëty ja mye'etyëjk'ajtënëty. Jä'äkyëjxm jëtu'un tuntë ets ja ja'ay y'oyjyawëtëty ets ka'ap tsyiptëkëja'antë ko tkajpxwa'kxtë ko ja Kristë tëë xykyu'o'këmë kruutskëjxm.

Efesios 2:11

Jëtu'un miitsëty, mëti'ipë ka'ap jyutiis'atën, ka'apë tsyuky'atën ets mëti'ipë nätyijëtëp ko tsyuky'atë, mëti'ipë tëë yajnatsujk'ëwtitën ja ye'etyëjk'ajtënëty,

Deuteronomio 10:16

Pëjkta'aktë jap ma mjot mwinma'anyëtyën ja oy'aaw oy'ayuk, mëti'ipë mëët yë Wintsën të xyaj'apaatëtën ets këtii ni'ikyë m'ëk kujuun'o'knëtëty.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Josue 5:2

Ënet yë Wintsën t'ënëmaay ja Josué: Oytyun mäjtsk tëkëëkën yë tsujkn, yë tsaa mtuk'oytyunëp ets xynyatsujk'ëwtijtëty ja ye'etyëjkajtën ja Israel ja'ayëty mëti'ipë ka'ap ja nätsyukë tpaatënëm.

Josue 5:4

Ya'atë nätsyukë paatykyëjxm ojts jëtu'un tuny, jä'ä ko ja ja'ayëty mëti'ipë jap tso'ontën Egiptë tëë ënety ja xyëëw jyëmëjt tpatnëtë ets nyëjkxtëty tsiptuunpë, ojts ja y'o'ktaaynyëtë jam të'ëts'itjotm.