Génesis 17:1 - Biblia Dc en Mixe de Quetzaltepec

¹ Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Biblia Mixe de Quetzaltepec

¹ Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 17:1 ပူးပေါင်းရင်းမြစ်များ

Génesis 12:1

Tëkok ja Dios t'ënëmaay ja Abram: ëxmats yë mnaax mkam, mjëën mtëjk, mjëëky mëku'uk ets mteety mtaak, nëjkx jam ma ja it naaxwiinyëtën mëti'ipë yam ntukni''ixëjäämpyën.

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Génesis 16:16

Majkta'px tëtujk ënety yë Abram yë jyëmëjt ko myëxu'unk'ajty yë Ismael.

Génesis 18:1

Ënet yë Dios ojts nyänyikëxë'ëkyë ma Abrahamën; jam ma ja xoj kepyjyotmën ma txëëwatyën Mamré. Jam ënety yë Abraham y'u'unyë tyëjkwinm jää jëtää nakujkxyëëwën.

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Génesis 24:40

Ënet ojts yë'ë xy'ëtsoyës: Ëjts Wintsënës yë nyë'ë tyu'u të npaye'eyë. Yë'ë kyäxäämpy yë tsajpjotmëtë kukäjpxy ma mijtsën ets oy wyimpëtsëm jyëjpëtsëmëty ma mnëjkxa'anyën. Ets xyajminëty tu'uk ja to'oxytyëjk mëti'ipë najëkäm yajjëëky'ajtp yajmëku'uk'ajtpën ets yë'ë mëët ja n'u'unkës nmaayës pyëkëty y'uukëty.

Génesis 26:2

Jam ojts yë Wintsën nyänyikëxë'ëkyë ma Isaac ets ojts y'ënë'ëmxëty: Këtii mnëjkxëty Egiptë, jam wë'ëm ma yam ntuk'ënëëmëja'anyën.

Génesis 28:3

Yë Dios mëti'ipë myëët'ajtypyën yë mëj'ajtën ets kuttujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën.

Génesis 35:11

ënät ojts y'ënë'ëmxëty: Ëjts jëtu'un Dios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 43:14

Dios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

Génesis 46:3

Ënet yë Dios y'ënäny: Ëjts jëtu'un Dios, mëti'ipë mteety Tyiosajtën. Këtii mtsë'ëkë, ko mnëjkxa'any Egiptë, jä'ä ko jamës yë m'u'unk m'ok nyajnimayëja'any ets tu'uk yë kajpn nyajkoja'anyës.

Génesis 48:15

Ënet ojts yë José yajkënu'kxy mëët ya'atë aaw ayuk: Yë Dios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Dios mëti'ipës të xykyënu'kxyën xëmë, koos nmiiny naaxwiiny ets tyampaat.

Génesis 48:3

Tä t'ënëmaay ja José: Yë Dios mëti'ipë maaytyääyëpën winë, yë'ë ojts jam nyänyikëxë'ëkyë maas ënety jamën, ma ja Luz kajpnën ma Canaán y'itjotmën, etsës ojts xykyënu'kxy

Génesis 5:22

Yë Henoc xëmë ojts jyuuky'äty ijxtëm ënety yë Dios tsokyën. Ko ënety jëtu'un yë Matusalén të myëxu'unk'aty yë Henoc, jä'ä ojts jyaakjuuky'äty tëkëëk mëko'px jëmëjt ets ojts jyaak mëxu'unk'atë y'u'unkëty y'ëna'këty ye'etyëjkpë ets to'oxytyëjkpë.

Génesis 5:24

Yë'ë jëtu'un ënety xëmë të jyuuky'äty ijxtëm yë Dios tsokyën, tu'kxëëw tu'kjëmëjt ojts jëtu'unyë tyëkooynyë. Jä'ä ko Dios ënety të yajnëjkxyë.

Génesis 6:9

Ya'atë jëtu'un nyimëtyä'äky'äjtyp yë Noé. Ko yë Noé jyuuky'äjty, jëtu'un ojts winë tuny ijxtëm ja Dios y'ëne'emyën. Yë'ë tu'uk ojts oy jyuuky'äty ma ja naaxwiinyëtë ja'ayëtyën.

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 8:25

E paaty yam mijts Wintsën nmëpëjktsoy mëti'ipë ja Israel ja'ayëty y'ëwtajtëpën, tun mëyajtën yaj'atëw ja m'aaw m'ayuk ma ya'atë mtuunpën, jëtu'un tä ojts ja mtuunpë David xytyukwinwanën. Ko xy'ënëmaay ko ja David jä'ä y'u'unk y'ëna'k ka'ap y'ëmaaytya'aka'any ets yë'ë ja kutujktakn tmëwë'ëmtëty je'eyëp ko yë'ë pën tyuuntëp winë mëtëy.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

Job 11:7

¿Mijts m'ënaanp ko winë xywyinja'awëtya'aja'any mëti'ipë yë Dios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

Salmos 115:3

Yë Dios jam yajpaaty tsajpjotm; yë'ë winë të tyajkojy të tpëjktä'äky ijxtëm yë'ë të tsojkën'atyën.

Salmos 116:9

Ëjts nmëmëtoowäämpyës yë Wintsën yaa naaxwiiny ma ja'ayëty tsyëënëtën jyuuky'atën.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Dios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Proverbios 10:9

Mëti'ipë ka'ap maa nyu'kxyën ka'ap tii tsë'ëkë; mëti'ipë ëxëëk ja'ay'ajtpën, ëxëëk kyukëxë.

Isaías 38:3

Tyam nmënu'kxtä'äky mijts Wintsën ets xyjyä'äymyätsëty wi'ix oy të nmëtunyën ets tëy tëtä'äky të nyajtu'uye'eyës yë njuukyajtën, tëë npatunyës ijxtëm mijts xy'oyjyawën. Ko nyu'kxtaktaay tääts tyëjkëy yaxpë.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Mateo 19:26

Tääts ja Jesús wyintë'kxëtë ets y'ënëmaayëtë: Yë ja'ay wä'än jëtää ka'ap myäyëtëty, yë Dios tii kamaayëp.

Mateo 5:48

Wa'ats nnäyaj'itëtë, ijxtëm yë Dios tsajpjotmëpë wa'ats nyäyaj'ityën.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Efesios 3:20

E tyamm, mëj'äämpy ja Dios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kuttujkën ets winë tunëty ma ëëtsajtëmën.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Deuteronomio 18:13

Miitsëty mëtëy mëpaat mjuuky'atë Dios wintum.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Hebreos 12:28

Ja Dios xymyo'oja'anëm mëti'ipë ka'ap yu'kxyën, paaty ja Dios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.