Génesis 16:10 - Biblia Dc en Mixe de Quetzaltepec

¹⁰ Tyaa ja Dios kyukajpxpë ojts näjyëtu'un jyaakënë'ëmxëty: Ëjts nyajmayëjäämpyës yë m'u'unk m'ëna'k, ets m'ok'u'unk m'ok'ëna'k, jëtu'un ijxtëm ka'ap pën tmëtyoowta'ajëtyën.

Biblia Mixe de Quetzaltepec

¹⁰ Tyaa ja Tios kyukajpxpë ojts näjyëtu'un jyaakënë'ëmxëty: Ëjts nyajmayëjäämpyës yë m'u'unk m'ëna'k, ets m'ok'u'unk m'ok'ëna'k, jëtu'un ijxtëm ka'ap pën tmëtyoowta'ajëtyën.

Génesis 16:10 ပူးပေါင်းရင်းမြစ်များ

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Génesis 16:9

Tä ojts ja Dios kyukajpxpë y'ënë'ëmxëty: Wimpit jatëkok ma të mtsoonyën, ma mwintajën Sarai tyëjkën ets mëmëtow, pën tii mtuk'ënä'ämëp.

Génesis 17:20

Näyjyëtu'un yë Ismael ijxtëm mijts të m'ëna'anyën: tyamës nkënu'kxa'any. Myëët'atäämpy may yë u'unk ëna'k ets nimayëjantëp yë'ë y'u'unk y'ok. Ismael yë'ë teety'ataanp ma ja nimajkmäjtskpë ja'ayëtyën mëj'äämpyë ets tu'uk yë mëj kajpn nyajkoja'anyës mëët yë'ë.

Génesis 21:13

E yë y'u'unk yë Agar ëjts näjyëtu'un nyajkutukäämpy ets mëj këjää yë y'u'unk y'ëna'k y'itëty, mëët yë'ë ko mijts xy'u'unk'aty.

Génesis 21:16

Tää wäänë ja y'u'unk tmëjëkämkeky ets najamtëkë nyaaxwe'tsy, jä'ä ko ja y'u'unk ënety kya'ijx'ookäämpy; e wäänë y'ijty tääts ja y'u'unk tyëjkëy yaxpë.

Génesis 21:18

Ninëjkx yë m'u'unk ets tsä'änë'ëk ets këtii xy'ëxmatsëty, ëjts yë nyaax kyajpn nmo'ojäämpy mëjpë këjääpë.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënety jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënety jam ayu'utsy yajpaaty këtiipë ja Madián ja'ay y'ixëtëty.

Jueces 6:16

Ënet yë Wintsën y'ënëmaayë: Mijts mjëkyäpëp xytyunëty jä'ä ko ëjts yajpaataanp ma mijtsën. Mijts ka'ap nëjkx xyajmëtä'äky yë Madián ja'ayëty jä'ä ko jëtu'un yë'ëjëty tä jeexyë tu'ukyë ja'ay je'eyë mëët mtsiptunyën.