Génesis 15:6 - Biblia Dc en Mixe de Quetzaltepec

⁶ Abram ojts tmëpëky yë Wintsën. E paaty ojts kyupëkyë ets yajnajxë wa'ats.

Biblia Mixe de Quetzaltepec

⁶ Abram ojts tmëpëky yë Wintsën. E paaty ojts kyupëkyë ets yajnajxë wa'ats.

Génesis 15:6 ပူးပေါင်းရင်းမြစ်များ

Nehemías 9:8

M'ijx ko mijts ënety mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.

Salmos 106:31

Yë Dios oy ojts tjawë ja jëtu'unpë ja tu'unën kajpxën, jëtu'un y'ënäny ko xëmë yaja'amyätsëty ni'u'unk ni'ëna'k, niteety ni'ap.

Romanos 4:11

Ja ijxwë'ëmën mëti'ipë ojts yajpëjktä'äkyën ko yajnatsujk'ëwtijty ja ye'etyëjkajtën, jä'ä yë'ë ets nyikëxë'ëkëty ko yë'ë oy të wyi'im mëët ja Dios ko tmëët'aty ja mëpëjkën. Jëtu'unts ja ja'ay mëti'ipë ja Dios myëpëjktëpën, oy kyanatsujk'ëwtityëty yë ye'etyëjkajtën, Abraham yë'ë y'ap'ajtëp y'ok'ajtëp ets oy wyë'ëmtë mëët ja Dios.

Romanos 4:9

¿Ko jëtu'un ja David y'ënäny, wä'än jëtää yi'iyë pyaat'atëtë ja jotkujk'ajtën mëti'ipë tëë yajnatsujk'ëwtitën ja ye'etyëjkajtën, ëkë paat'ajtëtëp näjyëtu'un mëti'ipë ka'apënë? Tëë n'ëna'anëm ko yë Abraham oy ojts wyi'im mëët ja Dios jä'äkyëjxm ko myëpëjky.

2 Corintios 5:19

Jëtu'un yajja'akyukë ko ja Dios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.

Santiago 2:23

Ets y'atëëy ijxtëm ja Dios ja y'aaw y'ayuk këxja'ay myinyën: Abraham myëpëjk ja Dios, paaty ojts yajnaxyë wa'ats. Ja Abraham mëku'uk ojts ja Dios tyijyë.