Génesis 15:17 - Biblia Dc en Mixe de Quetzaltepec

¹⁷ Ko ënety të tsyu'ujënë ets koots kyëxë'knë. Ënet ojts t'ixy tu'uk tsijtk, jëënjok jap pëtsëëmp. Ets tu'uk t'ijxy yë jëënyä'änk, jam nyäxy ma ja jëyujk ookyën.

Biblia Mixe de Quetzaltepec

¹⁷ Ko ënäty të tsyu'ujënë ets koots kyëxë'knë. Ënät ojts t'ixy tu'uk tsijtk, jëënjok jap pëtsëëmp. Ets tu'uk t'ijxy yë jëënyä'änk, jam nyäxy ma ja jëyujk ookyën.

Génesis 15:17 ပူးပေါင်းရင်းမြစ်များ

Génesis 15:10

Abram ojts tyajmiinta'ay tääpë jëyujk ma Tiosën. Këëkujkmjaty ojts tsujkwä'kxy ets tpëjktäky wiinkuwopëty. E yë joonëty ka'ap ojts tsujkwä'kxy.

2 Samuel 22:9

Jok jap pëtsëëm ma jyëjpën, ma y'aawën jëën mëti'ipë yaj'o'kp yajtëkoopyën; e ko ojts kyäjpxy jëënpajkën jap pyëtsiimy.

1 Reyes 18:38

Tyam kyajpxta'ay, tyam ja jää kyupëmiimnaxy ma ja wintsë'kën ënety jam y'ityën ets tyajtooytyëkooytyääy, wä'än yë'ëjëty ja kepy tsaa, pujxm naaxway, ja nëë mëti'ipë ënety jam të kyutä'ämëtyääyën ma ja nëë'atu'ujën wa'ats ja tyajtëtstaay.

1 Crónicas 21:26

jam ojts tkojy tu'uk ja wintsë'këntyakn, ma tmooyën ja Wintsën ja wyintsë'kën nino'oky nixämpyë, ets ja nay'ëëw'oy näykyajpx'oyë ttuuny mëët ja Wintsën. Tä ja Wintsën tmënu'kxtäky ets y'ëtsoowë mëët mëj jëën, jam tsajpjotm tsyo'ony ets tukkëtäky ja jëyujk ooky nino'okpyë mëti'ipë ënety jamën ma wintsë'këntyaknën.

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Jeremias 11:4

Yë'ë ja käjpxytyu'unën mëti'ipës mëët ntuunyën ja y'ap y'okëty koos jap nyajpëtsëëmtë Egiptë, ma ënety yajpaatën jëtu'un tä jeexyë jyuuky'atën ma jëëntooytyaknën ma pujxn wyin'ëëtsyën. Ojtsës n'ënëëmëtë: Mëmëtoowtëkës, tuntë tu'kë'ëyë mëti'ipës ni'ënä'ämëpën ets jëtu'un nkajpnniwa'antëty etsës miitsëty xyTyios'atëty.

Deuteronomio 4:20

E miitsëty, Dios ojts kë'ëm mtimjyuutëtë jap Egiptë, ma ënety myajpaatën mëj jëënjotypyën ets mkajpn niwanëtë.

Jueces 13:20

Ko ja jëën yä'änë'ky jam ma ja wintsë'këntyaknën ënät ja Manoa mëët ja tyo'oxytyëjk ajotkumonë t'ijxpatë ko jap jokjoty taptëm ja Wintsën ja tsyajpjotmëtë kukäjpxy pya'tëjkënë tsajpjotm. Ënätyë ja Monoa nyäjyijtakë mëët ja tyo'oxytyëjk.

Jueces 6:21

Ënet ja Wintsën ja kyukäjpxy ojts ja tyajk tukpaaty ja tsu'utsy ets ja tsajpkääky ets mëj jëën jap pyëtsiimy tsaajoty. Wa'ats tyooytyääy ja tsu'utsy ets ja tsajpkääky; ko tyooynyajxtaay, ja Wintsën ja kyukäjpxy jëtu'unyë ojts t'ijxtëkoy.