Génesis 15:15 - Biblia Dc en Mixe de Quetzaltepec

¹⁵ Mëti'ipë mijts mpatëpën, yë'ë ko m'ooka'any oy yajxon ko mëjja'ayënëty, jëtu'un tyu'ukmuka'any yë m'anëmë mëët yë m'ap m'ok yë y'anëmë.

Biblia Mixe de Quetzaltepec

¹⁵ Mëti'ipë mijts mpatëpën, yë'ë ko m'ooka'any oy yajxon ko mëjja'ayënëty, jëtu'un tyu'ukmuka'any yë m'anëmë mëët yë m'ap m'ok yë y'anëmë.

Génesis 15:15 ပူးပေါင်းရင်းမြစ်များ

Génesis 23:19

Ënet ja Abraham ojts ja tyo'oxytyëjk jam tyajnaaxtëkë ma ja tsaajutën mëti'ipë jam yajpatpën Macpelá, winkon nyäpyäätyë mëët yë Mamré, yajtijp näjyëtu'un Hebrón, mëti'ipë jamën Canaán.

Génesis 23:4

Oyës n'ëkjaaypyaat n'ëkjaaypyo'kxëty ma yaa miitsëty yë mnaax mkajpnëtyën, mëpaatës yë naax wäänë xytyukmëtooktë, ma tjëkyäpëtyën yë nto'oxytyëjk nyaaxtëkëtyën.

Génesis 35:29

Mëjja'ay yë Isaac ojts y'o'knë tyëkooynyë, ja nimäjtskpë ja y'u'unk ojts yajnaaxtëkëty, Esaú ets Jacob.

Génesis 47:30

Koos ëjts nëjkxnëty po'kxpë maas jam ja n'ap n'okëtyën, xyajpëtsëmëpës yaa Egiptë etsës jam nëjkx xyajnaaxtëkë ma jam yë'ëjëty pyo'kxtën. Oyës jëtu'un mtunëty, jëtu'un y'ëtsooy yë José.

Génesis 49:29

Tëkok ojts yë Jacob tuk'ëne'emy ya'atë yë y'u'unk y'ëna'k ets t'ënëmaay: Ëjts wäänës njaakjuuky'ata'any täätsës n'o'knëty, koos n'ookëty jamës xyajnaaxtëkëtëty ma jam pyo'kxtën yë n'ap n'okës, jamës jëtu'un n'antijy ma aankën mëti'ipë jam yajpatpën Efrón nyaaxjotm, yë Hit ja'ay.

Génesis 49:31

Jam ojts nyaaxtëkë yë Abraham mëët yë tyo'oxytyëjk Sara, jam nyaaxtëjkëy näjyëtu'un yë Isaac mëët yë tyo'oxytyëjk Rebeca ets jamës näjyëtu'un të nyajnaaxtëkë Lea.

Génesis 50:13

Ojts jëtu'un jam tmënëjkxtë Canaán ets jam tyajnaaxtëjkëtyë ma ja aankën mëti'ipë jamën Macpelá, mëti'ipë ojts yë Abraham tjuyën, yë'ë tukmëto'kë Efrón ja Hit ja'ay ets jam nyaaxtëkëtëty jënu'un tyu'kjëëky'at tyu'kmëku'uk'atën. Ya'atë it naaxwiinyëtë ma jam ja aankën jam yajpaaty awinmtsow jam Mamré.

1 Crónicas 23:1

Yë David tëë ënety myëjja'ayënë ko ojts tuknipëky ja myaank Salomón ets yë'ë yajkutukëty ma ja Israel kajpnën,

1 Crónicas 29:28

Mëjja'ay ënätynyë ko ojts y'o'knë, jeky jyuuky'äjty, ojts ja wit meeny may tmëët'aty, tyuun kyajpx winë mëjwiin këjää, akäjpxy oymyaajëty y'ijty. Ko ojts y'o'knë yë myaank Salomón, yë'ë kutëjkëyë ma kutujktaknën.

2 Crónicas 34:28

Ko kë'ëmës nyajnikutukëja'any ets akujk jotkujk m'ookëty mtëkoyëty ets jam mnaaxtëkëty ma ja m'ap m'ok ojts nyaaxtëkëtën; jëtu'un nëjkx ka'ap xy'ixy ja ëyo'on jotmay mëti'ipë ënety miimp këtakpën ma ya'atë naax kajpnën. Ja yajkutujkpë ja kyukäjpxy ojts ya'atë ja aaw ayuk tmëmintë ets tukmëmëtyaktë.

Job 41:32

Jëtu'un yaj'ixy jap mejyjoty poopëm y'atë'kxy tä yë ja'ay yë pyo'o kyëxë'ëkyën.

Job 5:26

Oy mëk nëjkx mmëjja'ayë, jëtu'un tä tsajpmok majën.

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Salmos 49:19

miimp yë xëëw jëmëjt ma y'ooka'anyën ets kajëna'a yë xëënyajtën tka'ëk'ixanë.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Eclesiastés 6:3

Oy jënu'un yë ja'ay may y'u'unk y'ëna'k tmëët'atëty ets jeky jyuuk'atëty; pën ka'ap tukxoontä'äky yë juukyajtën ets ko y'ooky tyëkoy ni pën kyayajnaaxtëkëty, ëjts jëtu'unës n'ëna'any nikë wä'än jyaktsowpaaty pi'k ëna'k mëti'ipë ooky miinpën naaxwiinyëtë ets këtiinëm tääpë ja'ay,

Daniel 12:13

E mijts Daniel, ye'eymyës yë mtu'u mapaat jyä'tyën ets mpo'kxëty, jä'ä ko ënety jëtu'un të nyajxta'ay të kyëjxta'ay winë jää nëjkx mpëtë'ëky ets nëjkx xy'ëxajë ja mkuma'ayën.

Mateo 22:32

Ëjts xyTios'ajt ja Abraham, Isaac ets ja Jacob? Dios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Deuteronomio 31:16

Ënet yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Jueces 2:10

Ja Israel ja'ayëty mëti'ipë ënety mëët ja Josué tu'ukyë të jyuuky'atën ojts y'o'knëtë. Jëtu'un'äämyp ja ja'ayëty mëti'ipë ojts ok myintën naaxwiinyëtë ka'ap ojts näjyëtu'un tnijawëtë Wintsën ets ja myëj'ajtën mëti'ipë ënety të tuny të tkäjpxyën ma ja Israel ja'ayëtyën.