Génesis 15:14 - Biblia Dc en Mixe de Quetzaltepec

¹⁴ E ëjts ntëytyunäämpyës näjyëtu'un mëti'ipë ënety ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Biblia Mixe de Quetzaltepec

¹⁴ E ëjts ntëytyunäämpyës näjyëtu'un mëti'ipë ënäty ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Génesis 15:14 ပူးပေါင်းရင်းမြစ်များ

Génesis 48:21

Ënet t'ënëmaay yë José: Ëk'ix ëjts tsojkës n'ookanë, Dios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Dios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

Salmos 105:42

Jä'ä ko jyä'ämyäjts ja wyaantakën wa'atspë, mëti'ipë mëët tuunyën ja Abraham, mëti'ipë tyuunpë'ajtypyën.

Salmos 135:14

Yë Wintsën, yë'ë kë'ëm nyipaye'epy yë nyaax kyajpn; pya'ëyoopy nyajts'ëyo'owëp yë tyuunpëtëjk.

Salmos 135:9

Jap Egiptë itkujky ojts jap mëj këjää yë ëyo'on tyajkëtä'äky ets tyajkëxë'ky ja myëj'ajtën ma ja Egiptë ja'ay kyutujkpën ets ma nitëkokyë ja tyuunpëtëjkën.

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Éxodo 12:29

Kujktsyu'um ënety, ko ja Dios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënety kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënety jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

Éxodo 3:10

Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Hechos 7:7

Tää ja Dios jyaak'ënany: Ëjts ntëytyunäämpyës ja ja'ayëty mëti'ipë ënety jëtu'un tuunëtëp ets ja m'u'unk m'ok nyajpëtsëma'anyës jam ets yaa myintëty etsës xywyintsë'ëkëtëty.

Deuteronomio 4:20

E miitsëty, Dios ojts kë'ëm mtimjyuutëtë jap Egiptë, ma ënety myajpaatën mëj jëënjotypyën ets mkajpn niwanëtë.

Deuteronomio 6:22

Ëëtsëty wa'atsës n'ijxtë wi'ix ojts yë Dios yë myëj'ajtën tyaj'ixyën jap Egiptë mëj këjää, ma yajkutujkpën ets ma jyëën tyëjkën.

Josue 24:17

Yë Wintsën yë'ë jëtu'un ojts jap xyjyuutës Egiptë kajpnjoty ets näjyëtu'un ja n'ap n'okëtyës, ma ënety jap je'eyë n'ëyow nmëtuntësën. Ojts mëj këjää ja myëj'ajtën tyaj'ixyë ets ojts xypyutëkëtës koos në'ë'am tu'u'am nyajpatë ets koos kanaak yë naax kajpn ntuknajxtë.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.