Génesis 15:13 - Biblia Dc en Mixe de Quetzaltepec

¹³ Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Biblia Mixe de Quetzaltepec

¹³ Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Génesis 15:13 ပူးပေါင်းရင်းမြစ်များ

Génesis 15:16

Koonëm ënety të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënety kyukëxënëm ma ja Amor ja'ayëty ja ëxëëkpë tuntën tkajpxtën.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 47:4

Të nmintë ëëts yaajëty ets yaa n'ita'antës ntsëënëja'antës ma ya'atë naax ma ya'atë kajpnën, jä'ä ko jam Canaán yuu jam oy jëtijtp ets ka'ap jam yë aay ujtsnë mëti'ipës yë njëyujkëty jyë'kxtëp pyëktëpën, paaty yam yë mëyajtën n'amëtow npëjktsowtës ets mijts xy'a'ixëty ntsëënëtëtyës jam ma Gosen y'itjotmën.

Salmos 105:42

Jä'ä ko jyä'ämyäjts ja wyaantakën wa'atspë, mëti'ipë mëët tuunyën ja Abraham, mëti'ipë tyuunpë'ajtypyën.

Éxodo 1:11

Ënet ojts ja Egiptë ja'ayëty tpëjkta'aktë ja tuunpëwintsën mëti'ipë nyi'ënä'ämëtëpën mëktä'äky ja tuunk ma ja Israel ja'ayëtyën ma jam ja tuunk tyajtu'uye'eytyën. Ojts atsip tyukojëtë mäjtsk ja kajpn mëti'ipë txëëwajtëpën Pitón ets Ramsés, jam ijty tii winë tpëjkë'ëky ja mëj'ënä'ämpë mëti'ipë jap yajkutujkpën Egiptë.

Éxodo 1:13

Paaty ni'ikyë mëk tuunkmooytyë ets tyaj'ëyoowtë.

Éxodo 1:14

Mëk tyajtëëy tyajyaxtë mëët ja tuunk ëyo'on mëkëtypë, yajxon ja naax mo'onts tuunk'ajtë mëti'ipë ja muutsy tyukyajkojtëpën, näjyëtu'un ja mëti'ipë ojts jam tyuntën kamwinm tu'uwinm, mëk ojts y'ëyowtë mëët ja tuunk ëyo'on ëxëëkpë tsaatsypë oy myaa'ajnë jap Egiptë.

Éxodo 2:24

Ets ojts tmëmay tmëtajy, ko ënety y'ëjtë tyu'uktë ets tja'amyejtsy wi'ix ënety të tunyën ja käjpxytyu'unën mëët ja Abraham, Isaac ets Jacob.

Éxodo 22:21

Këtii nëkoo ëxaty xytyimtunëty yë jaaypyo'kxyjyä'äy, yë'ë ja'amyäts ko mijts ojts mjaaypyo'kxy'äty jap Egiptë.

Éxodo 23:9

Këtii ëxëëk xytyunëty yë jaaypyo'kxyjyä'äy, jä'ä ko miitsëty ojts jap mjëpyo'kxyjyä'äy'atë Egiptë ets wa'ats xynyijawëtë wi'ix y'ixëtyën ko muum pën yajpaaty wiinkë'ëy wiink kajpn.

Éxodo 3:10

Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Hechos 7:17

Ko ja xëëw jëmëjt tpaty ma ja Dios ja wyaantakën y'atëwëtyën ijxtëm ja Abraham yajnëmaayën, tëë ënety ja Israel ja'ay ni'ik myäyëtë jap Egiptë.

Gálatas 3:17

Ya'atës jëtu'un ntijpy: Dios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Dios wyaantakën.

Deuteronomio 10:19

Paaty miits yam n'ënëëmëtë ets xytsyoktëty xyjyawëtëty yë jaaypyaat jaaypyo'kxy, jä'ä ko miitsëty ojts jap mjaaypyaat'at mjaaypyo'kxy'atë Egiptë.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.