Génesis 14:22 - Biblia Dc en Mixe de Quetzaltepec

²² Tyaa Abram y'ëtsooy: Tëës yë Dios nwinwanë, yë Dios Ni'ik Këjxmëpë, mëti'ipë tsajp ets naaxwiinyëtë yajkojën,

Biblia Mixe de Quetzaltepec

²² Tyaa Abram y'ëtsooy: Tëës yë Tios nwinwanë, yë Tios Ni'ik Këjxmëpë, mëti'ipë tsajp ets naaxwiinyëtë yajkojën,

Génesis 14:22 ပူးပေါင်းရင်းမြစ်များ

Génesis 14:21

Tä ja yajkutujkpë mëti'ipë jam Sodomë ënä'ämpë t'ënëmaay ja Abram: Mooykyës yë ja'ay ets mijts mëwë'ëmta'a tu'kë'ëyë mëti'ipë yaa ijtpën.

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

Génesis 24:3

Ets nikajpx mëët yë Dios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

2 Samuel 2:5

Paaty ja David ojts tu'uk ja ayuk tkexy ma tääpë ja'ayëtyën ets t'ënëmaay: Yë Wintsën yë'ë mkënu'kxëtëp mëët ko ja oyjyot oywyinma'any të xyajkëxë'ëktë, ko xyajnaaxtëjkëtyë ja Saúl ja nyini'kx mëti'ipë tu'uwinwoowën.

2 Reyes 5:16

Ets ja Elisejë y'ëtsooy: Tyamës yajxon nikäjpxy mëët yë Wintsën yë xyëëw mëti'ipës xy'ijxpën, ko nitiijës nka'ëxajëja'any. E ja Naamán mëktä'äky jya'ënëmaayë ets tkupëkëty, Elisejë ka'ap ojts t'ëxajë.

1 Crónicas 29:11

Wintsën, mijts mjä'ä'ajtyp ja mëj'ajtën kuttujkën, ja mëj'ajt oyajtën, ja ënä'ämën kuttujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kuttujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Salmos 144:8

mëti'ipë antaktëpën, mëti'ipë y'a'oykyë'ë xyajjë'ktëpën awin'ëënë ko käjpxytyu'unën tuntë.

Salmos 24:1

Yë naaxwiinyëtë, Wintsën yë jyä'ä, aakyë'ë jyä'ä'ajtääpy tu'kë'ëyë jënu'un winë y'ityën naaxwiiny ets jënu'un jyuuky'ätyën ma yë'ëjën.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Dios juukpyë të tukajpxpety ets të y'ënä'äny: Ma ënety tëkëëk jëmëjt ja kujkm të nyäxyën, ma ënety o'ktëy të yajtuunta'ayën ja kyutujkën ja Dios ja kyajpn, ënätnëm nëjkx ya'atë ëyo'on kyixy nyäxy.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Hageo 2:8

Ëjts yë poop pujxn ets pu'ts pujxn njä'ä'ajtyp.

Deuteronomio 10:14

Yë'ë yajxon nijawëtë, ko yë mWintsënëty yë'ë winë jyä'ä'ajtääpy, wä'än tyë'ëjëty yë pojjotypë, tsajpkëjxmëpë, naaxwiinypë ets tëkokyë jënu'un jää winë yajpaatyën.

Deuteronomio 32:40

Tyamës yë nkë'ë nxajë'ëky etsës yam nikäjpxy maas ëjts kë'ëyxyëëw kë'ëyjyëmëjt njuuky'ätyën.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.