Génesis 14:15 - Biblia Dc en Mixe de Quetzaltepec

¹⁵ Koots yë Abram mëët yë jyä'äy tukja'ajtë ajotkumonë ja yajkutujkpëtëjk ets ojts tmëmëta'aktë, jampaat tpaja'ajtë ma ja Hobá itjotmën, mëti'ipë yajpatpën anajnytsyow ma Damaskë kajpnën.

Biblia Mixe de Quetzaltepec

¹⁵ Koots yë Abram mëët yë jyä'äy tukja'ajtë ajotkumonë ja yajkutujkpëtëjk ets ojts tmëmëta'aktë, jampaat tpaja'ajtë ma ja Hobá itjotmën, mëti'ipë yajpatpën anajnytsyow ma Damaskë kajpnën.

Génesis 14:15 ပူးပေါင်းရင်းမြစ်များ

Hechos 9:2

ets ja noky tu'uk t'amëtooy ta'tspëky ets tmënëjkxa'any ets tuk'ixa'any ja ja'ay mëti'ipë ye'eymyujktëpën ma ja tsajptëjkën jam Damaskë ets t'ixta'aja'any mëti'ipë pyanëjkxtëpën ja Jempyë Në'ë Tu'u ets tyajnëjkxa'any kë'ëtsumy tekytsyumy jam Jerusalén, wä'än ye'etyëjk to'oxytyëjkëty.

Salmos 112:5

Ja ja'ay mëti'ipë oyjyä'äyën tyuk'ënu'kxyp ja jyiiky myëku'uk ja wit meeny ets mëtëy tyooky yäky

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

Deuteronomio 15:2

Yë'ë yaj'antijp: Pën tëë tu'uk yë ja'ay tii yë jyiiky myëku'uk tuknu'kxtsoy, nyimä'kxëp oy ënety tka'ëkëpäjnë. Oy ënety ja jyiiky myëku'uk ëkë ja myëkunaax myëkukajpn mëj këjää myënu'kxy'ätyë, ka'ap tukëpätëty. Jä'ä ko tääpë jëmëjt jää mëpaat yë ja'ay yë myëku'uk yë nyu'kxy tnimä'kxë, mëët ko ja Wintsën jëtu'un yajmëjjawë.

Hechos 9:8

Ënet ja Saulo pyëti'ky ets ojts jya'ijxwa'kxa'any, ka'ap tii t'ixy. Tääts ja Saulo ja jyämyëët wyijtstso'onë ets yajmënëjkxnë jam Damaskë.

Hechos 9:10

Näy jam Damaskë tu'uk ja ye'etyëjk mëti'ipë ja Jesús myëpëjkpyën, Ananías xyëëwajtyp. Ënet ja Wintsën ojts tyuk'a'ijxnaxyë ja Ananías ets y'ënëmaayë: Ananías. Tää ja Ananías y'ëtsooy: Tyamës, Wintsën.

Génesis 15:2

Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Jueces 7:16

Tä ja Gedeón ojts tëkëëkpëky tyajwä'kxy ja tsyiptuunpëtëjk ets tmooy këëktu'uk yë tu'ts'u'unk ma ja piity tyaj'itën mëti'ipë toopyën ets yë'ë nyätyukutu'kxëtëty ets näjyëtu'un tmooy këëktu'uk yë tsajpkaawaj.

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

Isaías 17:1

Jëtu'un ja Wintsën y'ënä'äny: Nëjkxëp ja Damaskë kajpn jëna'a kyutëkoy; xit ko'ow jyata'any.

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.

Ezequiel 27:18

Damaskë may ijty winë mju'uyxyëty; yë'ë mtukmëjuuyëp yë tsatym nyëë tëëpë nyimaanaxyën mëti'ipë tso'onpën Helbón ets ja pixyny mëti'ipë tso'onpën Sahar.

Ezequiel 47:16

nyaxëty jam Berotá ets Sibraim mëti'ipë yajpatpën ma Damaskë y'itjotmën ets Hamat y'itjot nyaxëty jam Hasar-haticon ma mëët nyämëtsëpa'an'atyën yë Haurán.