Génesis 14:13 - Biblia Dc en Mixe de Quetzaltepec

¹³ E tu'uk yë ja'ay mëti'ipë ënety të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënety yë Lot të yajmatsy ets të yajmënëjkxy. Yë Mamré tu'kmëkä'äx ënety mëët yë Escol ets Aner, yë'ëjëty oy ënety mëët yë Abram nyäyaj'itëtë ets näpyutëjkëtëp ko muum tsyippaatë.

Biblia Mixe de Quetzaltepec

¹³ E tu'uk yë ja'ay mëti'ipë ënäty të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënäty yë Lot të yajmatsy ets të yajmënëjkxy. Yë Mamré tu'kmëkä'äx ënäty mëët yë Escol ets Aner, yë'ëjëty oy ënäty mëët yë Abram nyäyaj'itëtë ets näpyutëjkëtëp ko muum tsyippaatë.

Génesis 14:13 ပူးပေါင်းရင်းမြစ်များ

Génesis 10:16

Yë ja'ayëty mëti'ipë xyëëwajtëpën Jebús ja'ayëty, Amor ja'ayëty ets gergeseos ja'ayëty yë'ë yë Canaán tyeety'ajt y'ap'ajtëp,

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënety jam y'ity tsyëënën ets ojts nyijkxy tsënääpyë ma ënety jam tu'uk ja it naaxwiinyëtën janty xojjotpë. Yë'ë ënety tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Dios tmooy.

Génesis 14:24

Nitiijës nkatsoky, yi'iyë tëy mëti'ipë të tkay të t'uuktën yë tuunpëtëjk. Yë ja'ayëty mëti'ipës të xyjyämyëët'atën, yë Aner, Escol ets Mamré, yë'ë tëyëty patëtëp t'ëxajëtëty yë kyuma'ayënëty.

Génesis 18:1

Ënet yë Dios ojts nyänyikëxë'ëkyë ma Abrahamën; jam ma ja xoj kepyjyotmën ma txëëwatyën Mamré. Jam ënety yë Abraham y'u'unyë tyëjkwinm jää jëtää nakujkxyëëwën.

Génesis 21:24

Ënet ja Abraham y'ëtsooy: mëtëyës n'ëna'any.

Génesis 21:27

Ënet yë Abraham tmooy yë tsajpkaa ets kupixyny ja Abimélec ets ojts jä'ä xëëw nimäjtskëty ja käjpxytyu'unën tuntë.

Génesis 21:32

Ko ënety jëtu'un ja käjpxytyu'unën të tyaj'apaatëtë, ënät ja Abimélec ojts wyimpijnë ma tyëjkën mëët ja tsyiptuunpë wintsën mëti'ipë xyëëwajtypyën Ficol ma ja filistejë ja'ay nyaaxjotmën.

Génesis 39:14

ënät tmëkajpxmujky ja tyuunpë, mëti'ipë ënety jamëtyën ets t'ënëmaay: Ëk'ixtë, ja hebreo mëti'ipë wyoowmiinën ja nniye'etyëjkës, je'eyë xynyëxik xytyukxiknës. Tëë xynyitëkës ntëkoty ets atsip të xyjyamëët'ita'anyës, e ëjts ënetyës të nyujkyä'äxy.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Génesis 41:12

Jap pujxn tëkoty maas ënety n'itën, tap ijty tu'uk yë yä'äy ëna'k, hebreo ja'ay, yë'ë ënety tyuunpë'ajtyp yë mëj wintsën, mëti'ipë këwent'ajtpën. Ënet ntukmëmëtyaktës ja nwinkuma'ayëtyës ets yë'ë ojts tkajpxtë'kxta'ay.

Génesis 43:32

Ja José ëpëky ojts ja kyä'äyën y'ukën yajni''ixë, e ja Jacob ja y'u'unk y'ëna'k nän ëpëky, ja Egiptë ja'ayëty, mëti'ipë ënety mëët kyäytyën ja José, nän ëpëky ja jyä'äjëty yajni''ijxëtyë. Jä'ä ko yë Egiptë ja'ayëty ka'ap ënety tyajkutuktë kyääymyuk y'ukmuktëty mëët yë hebreo ja'ayëty.

Job 1:15

ko ajotkumonë të xytyukja'tës yë sabejë ja'ayëty ets të tmä'tsta'atë ja tsajpkaa ets tëë tyaj'ooktë ja tuunpëtëjk. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

Éxodo 2:11

Ko ënety yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënety jam yajpaatën. Ënet ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënet jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënety yë'ë mëët tyu'kja'ay'ätyën.

Éxodo 2:6

Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny: Ya'atë mëxu'unk, hebreo ja'ay yë'ë.

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënety mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Jeremias 34:9

Ja käjpxytyu'unën mëti'ipë yaj'apatëtyën, jëtu'un ja y'ënä'äny ko mëti'ipë ja'ay myëët'ajtypyën ja mëtuunpë ma jyëën tyëjkën ets ka'ap tmëjuy ets pën hebreo ja'ay, wä'än tnajtsmatsë këtiipë pën ja myëkunaax myëkukajpn twa'anëty mëtuunpë.

Jonás 1:9

Tä Jonás y'ëtsooy: Hebreo ja'ayës ëjts, Wintsënës n'ëwtatyp, mëti'ipë nyiTios'ajtypyën yë juukymyejy ets naaxwiinyëtë.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

Filipenses 2:5

Näyjyëtu'un ja winma'any xymyëët'atëty ijxtëm ja Kristë Jesús tmëët'atyën.

1 Samuel 29:3

Ko ja kopktëjk jëtu'un t'ijxtë ënät tyajtëëwtë ja Aquis: ¿Ya'atë hebreo ja'ayëty tii yaa tyuuntëp? Tä ja Aquis y'ëtsooy: Ya'atë, David xyëëwajtyp mëti'ipë ijty mëët jyëtityën yë Saúl, yë mëj'ënä'ämpë jampë ma Israel kajpnën, yë'ëjëty tëë yaa kanaak jëmëjt y'ijnëtë mëët ëjts, e yë'ë maju'unëm xynyiminyësën oy yë jyot wyinma'any të tyajkëxë'ëky.

1 Samuel 4:12

E ojts tu'uk oywyi'ix jyaakke'eky jam tsipjotm, yë jyä'äy yë Benjamín ets pëyi'ikyë jyä'äjty jam Siló, jä'ä xëëw, nikëëts ixkëëts jyä'äjty ets ninaax ëxnaax.