Génesis 14:10 - Biblia Dc en Mixe de Quetzaltepec

¹⁰ Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

Biblia Mixe de Quetzaltepec

¹⁰ Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

Génesis 14:10 ပူးပေါင်းရင်းမြစ်များ

Génesis 11:3

Tu'kxëëw tu'kjëmëjt ojts tkäjpxy'atë: Tsojk nyajkojëm yë muutsy ets jëënjoty nyajkë'ëwmëty. Muutsy kyë'ëw ojts tyajtuntë ijxtëm jeexyë tsaajën ets tukpojtstë yë mo'onts.

Génesis 14:11

E ja mëti'ipë mëtaktën jä'ä ojts tyajnëjkxta'atë tu'kë'ëyë ja jë'kxy pëky ets mëti'ipë tsowjatyën japë yajpaatyën Sodomë ets Gomorra ets winë tmënëjkxtaaytyë.

Génesis 14:17

Ko yë Abram wyimpijty ma ënety të tmëmëtä'äkyën yë Quedorlaomer ets ja yajkutujkpëtëjk mëti'ipë näypyupäjtëtë mëët. Yë yajkutujkpë, mëti'ipë Sodomë ënä'ämpën, ojts tyu'ujëjpye'eyi'ikyë yë Abram jam ma ja joy'it txëëwatyën Save, mëti'ipë ja yajkutujkpë jyä'ä'ajtypyën.

Génesis 14:21

Tä ja yajkutujkpë mëti'ipë jam Sodomë ënä'ämpë t'ënëmaay ja Abram: Mooykyës yë ja'ay ets mijts mëwë'ëmta'a tu'kë'ëyë mëti'ipë yaa ijtpën.

Génesis 14:3

Ya'atë ojts nimëkoxkpë yajkutujkpë nyämyukëtë tu'ktsiptuunpë jam ma naax joyjyotpë txëëwatyën Sitim, ma ja mejy mëti'ipë yajtijpën Ooky Myejy.

Génesis 19:17

Ko ënety tëë yë kajpn tukpëtsëëmtaaynyëtë, ënät ojts yë tsajpjotmëtë kukäjpxy y'ëna'antë: Pe'tym pëyë'ëktë ets näyyajtso'okëtë, këtii mnäjyë'ixëtëty ets këtii mwa'ak'awëtëty. Nëjkx kopkkëjxm, pën myajtso'okäämpy yë mjuukyajtën.

Génesis 19:30

Yë Lot natsë'këp ënety jam ma tsyënaaytyaknpëjktën ma ja it naaxwiinyëtë txëëwatyën Zoar. Paaty ojts nyijkxy mëët ja nimäjtskpë ja nyëëx jam. Jëtu'un ojts nitëkëëk wyë'ëmtë tsënääpyë ma tu'uk ja aankën.

Salmos 83:10

mëti'ipë jam Endor kutëkooytyën, ets apu'ut y'awinpijtaaytyë.

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Josue 8:24

Ko tyaj'o'ktaaytyë mëti'ipë ënety ja Israel ja'ayëty të pyapo'ojëtën, ënät ojts wyimpitë jam kajpnjotm ma Aí kajpnën ets tyaj'o'ktaaytyë wa'ats mëti'ipë ënety jam juuky të wyë'ëmtën.