Génesis 12:18 - Biblia Dc en Mixe de Quetzaltepec

¹⁸ Ënet ojts yë mëj'ënä'ämpë tyaxtsoy yë Abram ets t'ënëmaay: ¿Wi'ix ko mijts jëtu'un m'ëtë'ëtsy? ¿Wi'ixës ko të xykyatuk'ëwaanë ko ya'atë to'oxytyëjk mijts yë mto'oxytyëjk?

Biblia Mixe de Quetzaltepec

¹⁸ Ënät ojts yë mëj'ënä'ämpë tyaxtsoy yë Abram ets t'ënëmaay: ¿Wi'ix ko mijts jëtu'un m'ëtë'ëtsy? ¿Wi'ixës ko të xykyatuk'ëwaanë ko ya'atë to'oxytyëjk mijts yë mto'oxytyëjk?

Génesis 12:18 ပူးပေါင်းရင်းမြစ်များ

Génesis 12:19

Mijts tyaajës të xy'ënëëmë ko xy'utyëty. E ëjts tsojkës jeexyë të n'ëkto'oxytyëjkniwanë. Paaty tyam nëjkx, tyam jatëkok ja mto'oxytyëjk nmo'oy. Ëxajë kupëk ets mnëjkxëty.

Génesis 20:3

E jä'ä tsu'um ojts yë Abimélec wyinkuma'ay ma ja Dios ojts y'ënë'ëmxëtyën kuma'ayjoty: M'ookëp ënät, mëët ko ja to'oxytyëjk të xywyoy mëti'ipë pëkynyën.

Génesis 29:25

Komjëpom myä'äypyëti'ky yë Jacob, ënät t'ijxy kootëm ënety mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënety jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Génesis 3:13

Ënet yë Dios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënet yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Génesis 31:26

Ënet ja Labán ojts tuk'ojy ja Jacob, wi'ix ko jëtu'un të y'ëti'itsy ets t'ënëmaay: ¿Tii të xytyuny? ¿Wi'ix ko të xywyin'ëënyës? Jëtu'unës yë n'u'unk nmaayës yaa të xyajmiinë tsumjyä'äy matsyjyä'äyën.

Génesis 4:10

Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

Génesis 44:15

Tää y'ënä'äny yë José: ¿Wi'ix ko miitsëty jëtu'un m'ëtë'ëtstë? ¿Këtii xynyijawëtë, ko ja'ay jëtu'unpë tä ëjtsën nyajtsja'ap winë?

2 Samuel 3:24

Ko ja Joab jëtu'un tnija'awëy, ënät ojts tninëjkxy ja David ets t'ënëmaay: ¿Tiitën mtuumpy Wintsën? ix yë Abner mëët të mëtyakpë ets jëtu'unyë të xyajwinpijtkojnë.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Josue 7:19

Ënet ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

Jueces 2:2

këtiipë mëët oy tii aaw tii ayuk xymyëët'atëty yë ja'ayëty mëti'ipë jam tsënaaytyëpën, ni'ikyë xyajkutëkooytya'atëty yë wyintsë'këntyaknëty. E miitsëty ka'apës xymyëmëtoowtë, wiinkjaty m'ëtëtstë.

1 Samuel 14:43

Tä yë Saúl tyajtëëy yë Jonatán: Tuk'ëwa'anëkës tii të xytyuuntëkoy. Tä ja Jonatán ojts tnikäjpxy: Pën yë'ë mnijawëjäämpy, tyam n'ëwaanëty, tëëjës wäänë një'kxy yë uuxpa'ak mëëtës yë ntajkjëjp. E kajts wyi'ixëty tyaajës nyajpaaty oyës n'ookëty.