Génesis 12:10 - Biblia Dc en Mixe de Quetzaltepec

¹⁰ Tëkok ojts yë yuu xëëw jam y'ity ma ja Abram tsyëënën. Ënet ojts nyijkxy jap Egiptë tsënääpyë tu'kxëëw tu'kjëmëjt. Jä'ä ko ka'ap ënety jam t'ëkpatnëtë tii jyë'kxtëp ets jyuuky'atëty.

Biblia Mixe de Quetzaltepec

¹⁰ Tëkok ojts yë yuu xëëw jam y'ity ma ja Abram tsyëënën. Ënät ojts nyijkxy jap Egiptë tsënääpyë tu'kxëëw tu'kjëmëjt. Jä'ä ko ka'ap ënäty jam t'ëkpatnëtë tii jyë'kxtëp ets jyuuky'atëty.

Génesis 12:10 ပူးပေါင်းရင်းမြစ်များ

Génesis 41:56

Ko ojts ja yuu xëëw jyä'ty maajaty ja naax kajpnën, ënät ja José tyajku'ëwatstaay ja tsajpmok ma ënety pëjkë'ëky tyaj'ityën ets tooka'any ma ja Egiptë ja'ayëtyën, jä'ä ko ja yuu xëëw ni'ikyë myëjë kyëjääjënyë.

Génesis 41:57

E tu'kë'ëyë ja ja'ayëty oymyëti'ipë kajpnëty jap ojts nyëjkxta'atë Egiptë tsajpmok juupyë ma ja José tsyajpmok tookyën, jä'ä ko ka'ap ënety nimaa y'ëkyajpatnë ja jë'kxy pëky.

Génesis 42:5

Yë y'u'unk y'ëna'k yë Israel ojts nyëjkxtë mëët wiinkëtpyë ja'ayëty, mëti'ipë näjyëtu'un jap nëjkxtëpën tsajpmok juupyë, jä'ä ko ma tu'kë'ëyë Canaán nyaaxjotmën jam'ajtp ënety ja yuu xëëw.

Génesis 43:1

Ja yuu ja xëëw ni'ikyë myëjë kyëjääjë,

Génesis 47:13

Kamaa ënety yë tsajpmok kya'ëkyajpatnë, ëmaaytyaknëp yë jë'kxy pëky oy tyimmaanaax'ajt tyimmaa kajpn'ajnë. Ja yuu ni'ikyë myëjwiin kyëjääjënë ets ja ja'ayëty may yuu'o'knëtë jëtu'un jap Egiptë ets näjyëtu'un jam Canaán.

2 Samuel 21:1

Ma ja David ënety y'ëne'emyën, ojts jam yë yuu xëëw y'ity tëkëëk jëmëjt. Ënet yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

2 Reyes 6:25

Jä'ä jëmëjt ojts jam y'ity tu'uk mëk yuu Samaria, jä'ä ko ja ja'ayëty ojts ja naax kajpn tyajnatujkta'atë, ojts jap tu'uk ja krukts tsyoowpatnë tëkë'px aakyë'ë poop pujxn meeny ets ojts näjyëtu'un jap tjuuynyëtë yë pak të'ëny mëti'ipë ojts tsyoowpatnën mëkoxk aak poop pujxn meeny.

Salmos 105:13

ets winnaax wiinkajpxn jyëtitë, maajaty yë kutujktaknën,

Salmos 107:34

yaj'awinpijtyp yë naax kaanmëxëpinëpë ma ënety winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Jeremias 14:1

Mëët ko ënety ja naaxwiinyëtë tyëëtsë'kënë, paatykyëjxm yë Wintsën ojts tmëkäjpxy yë Jeremías ets t'ënëmaay:

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Hechos 7:11

Ënet ja mëk yuu myiiny ets ja ëyo'on tyuunë jyajtë ma tëkokyë Egiptë itjotmën ets Canaán itën ets ja n'ap'ajt n'ok'ajtëmë kä'äp ja kyääky jyi'kxy tpatë.

Rut 1:1

Jä'ä xëëw, jä'ä jëmëjt, ma ënety y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.