Génesis 11:31 - Biblia Dc en Mixe de Quetzaltepec

³¹ Taré ojts jam tsyo'onë Ur ma ja Caldeo ja'ayëty ja nyaaxjotmën ets ojts nyijkxy ma ja it naaxwiinyëtë txëëwatyën Canaán. Ojts twoownëjkxy ja y'u'unk mëti'ipë xyëëwajtypyën Abram ets ja y'ok'u'unk mëti'ipë xyëëwajtypyën Lot ets ja tsyë'ë Sarai. E ko jya'ajtë ma ja kajpn txëëwatyën Harán, jam ojts wyë'ëmtë tsënääpyë.

Biblia Mixe de Quetzaltepec

³¹ Taré ojts jam tsyo'onë Ur ma ja Caldeo ja'ayëty ja nyaaxjotmën ets ojts nyijkxy ma ja it naaxwiinyëtë txëëwatyën Canaán. Ojts twoownëjkxy ja y'u'unk mëti'ipë xyëëwajtypyën Abram ets ja y'ok'u'unk mëti'ipë xyëëwajtypyën Lot ets ja tsyë'ë Sarai. E ko jya'ajtë ma ja kajpn txëëwatyën Harán, jam ojts wyë'ëmtë tsënääpyë.

Génesis 11:31 ပူးပေါင်းရင်းမြစ်များ

Génesis 10:19

Yë nyaaxjotëty yë Canaán ja'ayëty jampaat ojts t'ëkniwa'knëtë ma ja nyaaxjotmën yë Guerar ets jampaat nyäxy ma ja Sidón kajpnën ets ma ja mutsk kajpn txëëwatyën Gaza ets tyimja'ty jam Sodomë ets Gomorra, Admá ets Seboím, ma ja kyajpnën ja Lesa.

Génesis 11:32

Ets Taré jam ojts y'o'knë Harán, jä'ä ënety yë jyëmëjt mäjtsk mëko'px ja mëkoxk ko y'o'ky.

Génesis 12:4

Ojts yë Abram jam tsyoony Harán ijxtëm ënety yë Dios të y'ëne'emyën, jä'ä ënety yë jyëmëjt tëkë'px majkmokx ko jam tsyo'ony ets ojts nyijkxy jam Canaán nyaaxjotm.

Génesis 12:5

Ojts yë tyo'oxytyëjk näjyëtu'un twoownëjkxy mëti'ipë xyëëwajtypyën Sarai ets ja tsyojkmaank mëti'ipë xyëëwajtypyën Lot. Näyjyëtu'un ojts tyajnëjkxta'ay tu'kë'ëyë jënu'un ënety winë tjä'ä'atyën ets ja tyuunpëtëjk ninaak tmëët'atyën jam Harán. Ko jyajtë jam Canaán,

Génesis 14:12

Ja Lot jam ënety tsyëënë Sodomë, yë Abram yë tsyojkmaank, ojts tmënëjkxtë näjyëtu'un tsumy matsy mëët tu'kë'ëyë jënu'un winë tmëët'atyën.

Génesis 15:7

Jëtu'un y'ënëmaayë: Ëjts jëtu'un Wintsën. Ëjts mijts të nyajpëtsëmy Ur, ma nyaaxjotmën yë Caldeo ja'ayëty ets ya'atë naax kam mijts ntukkumayä'äny.

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënety ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 24:15

Ka'anëm ënety tuunta'ay ja kyapxtakën, ko myiiny tu'uk ja to'oxy'ëna'k mëët yë nyëëtsiiyë kyejkyijxy. Jä'ä ënety ja Rebeca, yë Betuel yë nyëëx, jä'ä ënety Betuel xyëëwajtyp ja Milcá ets ja Nahor ja myaank, ja Abraham ja myëkä'äx.

Génesis 27:43

Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Génesis 28:10

Ënet ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán.

2 Reyes 19:12

¿Tiosëm jëtää ojts tputëkë ja kajpn mëti'ipëjaty ja Asiria ja'ay nyitëjkëtyë, ëëts yë nteety n'apëty: tä yë Gozán kajpnën, Harán kajpnën, Résef kajpnën ets ja ja'ayëty jampë ijty yajpaatën Bet-edén, mëti'ipë jam tsënaaytyën Telasar?

Nehemías 9:7

Mijts Wintsën, mijts mwin'ijx ja Abram, mijts myajpëtsëëm jam Ur, ma ja Caldeo ja'ay tsyëënëtën ets xyajxëëwpejty Abraham.

Job 1:17

Tam ënety kyamëtyakta'aynyëm ya'atë ja'ay ko wiinkpë myiiny ets y'ënäny: Yë'ë Caldeo ja'ayëty ëëts të xytyukja'të, nitëkëëkpëky të y'itë ets të tmä'tsta'atë ja jëyujk jëku'ux ets tëë tyaj'o'kta'atë ja mëti'ipë këwent'ajtëpën. Ëjtsyë të njaake'eky etsës nikajpxa'any ma mijtsën mëti'ipë të tyuny të jyätyën.

Isaías 37:12

¿Tiosëm jëtää jääjë ko ojts n'ap n'okës tyajkutëkoytyë yë Gozán kajpn, Harán kajpn, Résef kajpn ets ja Bet-edén ja'ayëty mëti'ipë ijty jam tsënaaytyëpën Telasar?

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.