Génesis 10:6 - Biblia Dc en Mixe de Quetzaltepec

⁶ Ja y'u'unk y'ëna'k ja Cam jä'ä ojts txëëwatë Cus, Misraim, Fut ets Canaán.

Biblia Mixe de Quetzaltepec

⁶ Ja y'u'unk y'ëna'k ja Cam jä'ä ojts txëëwatë Cus, Misraim, Fut ets Canaán.

Génesis 10:6 ပူးပေါင်းရင်းမြစ်များ

Génesis 10:5

Ya'atë ojts t'u'unk'aty t'ok'aty yë Jafed mëti'ipë tyajwintuktën ja nëëpa'a, nitu'ukjaty ja naax kajpnëty myëët'ajtëp ja nyaaxëty kyamëty ets kyë'ëm ayuk kyajpxtëp.

Génesis 2:13

Ja mëmäjtskpë ja mëjnëë jä'ä txëëwaty Guihón, yë'ë jam ëwtijtp ma ja Cus nyaaxjotmën.

Génesis 5:32

Noé jä'ä ënety yë jyëmëjnë mëkoxk mëko'px, ko ojts yë y'u'unkëty myëxu'unk'atë, mëti'ipë xyëëwajtëpën Sem, Cam ets Jafed.

Génesis 9:18

Yë y'u'unk y'ëna'k yë Noé mëti'ipë ojts pyëtsëmtën jap ma ja kepytyëjkën nëëwinye'epyë, jä'ä ojts txëëwatë Sem, Cam, yë tyeety yë Canaán ets Jafed.

Génesis 9:22

Ko jëtu'un ja Cam t'ijxy ja Canaán ja tyeety, ko ja Noé niwa'ats ëxwa'ats jap kyo'knë tëjk'itkujky, ënät ojts ja myëkä'äx tukmëmëtyä'äky ja nimäjtskpë.

1 Crónicas 4:40

e ojts jam tjanty pyaatë oypyë jëyujk tënaaytyakn, tam jyätyë ja mëëy, aay ujts ets mëjwiin këjää jam ja it naaxwiinyëtë ma tääpë itjotmën; jä'ä ko yë Cam yë y'u'unk y'ok ojts jam tsyëënëtë.

Salmos 105:23

Ënet ojts ok myiny ja Israel jap Egiptë, mëti'ipë yajtijpën Jacob, ets jap jyuuky'äjty jaaypyo'kxyën, ma ja Cam ja y'itjotmën.

Salmos 105:27

ets tyaj'ijxëtë ja Dios ja myëk'ajtën jam wintë'ëtstum. Mëj këjää yë mëj'ajtën ojts jam yaj'ixy ma ja Cam ja y'itjotmën.

Salmos 106:22

mëti'ipë ënety të tyaj'ixyën ja myëj'ajtën ma ja Cam y'itjotmën ets ma ja Tsaptsmejyën.

Salmos 78:51

Ojts yë'ëpaat tyaj'ooky jap Egiptë kajpnjoty ja yajkutujkpë ja kyä'äxkopk ets jënu'un ja Egiptë ja'ayëty ja y'u'unk y'ëna'k tmëët'atën mëti'ipë kä'äxkopkën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Jeremias 46:9

Wä'än tnëjkxtë mëti'ipë kwaay tyuk'u'unyääytyëpën. Wä'än tsoontë yë pujxnwintëkäämpë. Wä'än tu'utëkëtë mëti'ipë tsip'ixyëtyën: yë Etiopiiyë tsiptuunpëtëjkëty ets Lidyë tsiptuunpëtëjkëty, mëti'ipë yajxon tyukjajtëpën wi'ix ti'px tyajtuntëtyën.

Ezequiel 27:10

Ja Persië ja'ayëty, Lidia ja'ayëty ets Libië ja'ayëty yë'ë ijty mpëjktäkpy ets yajpaatëty ma ja mtsiptuunpëtëjkën ja jotmëkëtypë ets myaj'ixy mëj'äämpy ko tmëët'atë ja y'akëëytyuk ets pyujxnkujup.

Ezequiel 38:5

Yë'ë panëjkxanëtëp yë Persië ja'ayëty, Etiopíë ja'ayëty ets Libië ja'ayëty, aakyë'ë myënëjkxtëp yë y'akëëytyuk ets pyujxnkujupëty,