Génesis 10:19 - Biblia Dc en Mixe de Quetzaltepec

¹⁹ Yë nyaaxjotëty yë Canaán ja'ayëty jampaat ojts t'ëkniwa'knëtë ma ja nyaaxjotmën yë Guerar ets jampaat nyäxy ma ja Sidón kajpnën ets ma ja mutsk kajpn txëëwatyën Gaza ets tyimja'ty jam Sodomë ets Gomorra, Admá ets Seboím, ma ja kyajpnën ja Lesa.

Biblia Mixe de Quetzaltepec

¹⁹ Yë nyaaxjotëty yë Canaán ja'ayëty jampaat ojts t'ëkniwa'knëtë ma ja nyaaxjotmën yë Guerar ets jampaat nyäxy ma ja Sidón kajpnën ets ma ja mutsk kajpn txëëwatyën Gaza ets tyimja'ty jam Sodomë ets Gomorra, Admá ets Seboím, ma ja kyajpnën ja Lesa.

Génesis 10:19 ပူးပေါင်းရင်းမြစ်များ

Génesis 14:2

Ojts tsyiptuntë mëët yë Bera mëti'ipë yajkutujkpën jam Sodomë, mëët yë Birsá mëti'ipë yajkutujkpën jam Gomorra, mëët yë Sinab mëti'ipë yajkutujkpën Admá, mëët yë Seméber mëti'ipë yajkutujkpën Seboím ets mëët ja yajkutukpë mëti'ipë jam yajkutujkpën Belá ets ma ja Zoar kajpnën.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Jeremias 25:20

ets oypyënëty mëti'ipë jap Egiptë yajpatëpën, tu'kë'ëyë yajkutujkpëtëjk mëti'ipë jam Us ënä'ämtëpën ets tëkokyë yë filistejë ja'ayëty: yë Ascalón kajpn, Gaza kajpn, Ecrón kajpn ets mëti'ipë jam Asdod të wyë'ëmtën;

Jueces 16:1

Tëkok ojts nyijkxy yë Sansón jam Gaza, jam t'ijxpaty tu'uk yë to'oxytyëjk mëti'ipë nätyo'këpën ets ojts tpanëjkxy ma ja tyëjkën ets tmëëtmaay.

Deuteronomio 32:8

Tëëyëp, yë Dios Ni'ik Këjxmëpë, ojts tyajwä'kxy yë naaxwiinyëtë, ets näjyëtu'un yë naax kajpn, ko ojts tyajnämyä'kxyë, ënät ojts tpëjktä'äky ja nyitsëpa'an. E ja Israel ja'ayëty ka'ap ojts tja'atyëkoy, ni'ikyë tsojky tja'awëy.

Génesis 26:1

Jä'ä xëëw jä'ä jëmëjt ojts ja yuu xëëw myiny ma jampë ja it naaxwiinyëtën. Ëpëky näjyëtu'un mëti'ipë ojts y'ëk'ijtpën ma ënety yë Abraham jyaak juuky'ätynyëmën. Paaty ojts yë Isaac jam nyijkxy Guerar, ma jam ja Abimélec tsyëënën, ja yajkutujkpë, filistejë ja'ay.

Génesis 20:1

Ënet yë Abraham ojts jam tsyo'onë ma ënety tsyëënën ets ojts nyëjkxnë ma ja naaxwiinyëtë txëëwatyën Négueb. Jam tu'uk ja kajpn txëëwaty Guerar, jam ojts wyi'imy tsënääpyë. Itkujky wyi'imy yë Guerar mëët yë Cadés ets Shur.

Génesis 18:20

Ënet ojts ja Wintsën y'ënä'äny: Yë ja'ayëty mëti'ipë juuky'ajtëpën Sodomë ets Gomorra, ëxëëk jyuuky'atë ets pyokyëty mëj këjää të y'awinpijnë.

Hechos 8:26

Tääts ja Felipe ojts tu'uk ja Wintsën ja y'anklës nyë'ëmxëty: Nëjkx ëpa'tkë'ëmtsow, ma të'ëts'itjotmën, mëti'ipë tu'u najxpën jam Jerusalén ets nyijkx Gaza.

Génesis 10:18

näjyëtu'un yë Arvad ja'ayëty, zemarejë ja'ayëty ets Hamá ja'ayëty. Oknëm ojts nyäwya'kxtaayënëtë yë Canaán ja'ayëty.

Génesis 10:20

Ya'atë ojts t'u'unk'aty t'ok'aty yë Cam mëti'ipë yam të yajnimëtyä'äkyën, nitu'ukjaty aakmëët yë jyä'äyëty ets it nyaaxwiinyëtëty ets kyë'ëm y'ayuk kyajpxtëp.

Génesis 14:3

Ya'atë ojts nimëkoxkpë yajkutujkpë nyämyukëtë tu'ktsiptuunpë jam ma naax joyjyotpë txëëwatyën Sitim, ma ja mejy mëti'ipë yajtijpën Ooky Myejy.

Josue 19:28

jyä'ty jam Abdón, Rehob, Hamón ets Caná, tyimja'ty jam ma Sidón mëj kajpnën.

2 Crónicas 14:13

E ja Asá ets ja jyä'äy jampaat tpaja'ajtë ja Etiopíë ja'ay Guerar; wa'ats tyaj'o'ktaaytyë, nitu'uk ojts kyawë'ëmy juuky; ëxëëk jyajtë kyëpäjtë ma ja Wintsën ja tyuunpëtëjkën; ko myëtaktë may tpatë winë mëti'ipë ja mëtsip ënety të tmëmintën.

Isaías 23:4

Mtsëtyunëp mijts Sidón, ma mëj'äämpy të m'ityën ko të xytyukmeenypyääty ja juukymyejy, jä'ä ko nëjkxëp jëna'a m'ëna'any: Ëjts ka'apës ja n'u'unk nmaay n'ëkpatnë, ka'ap jëtu'un ja njotës y'ëkpëjknë tä ijty tëëyëpën koos n'u'unk'ijxy. Ka'apës ja n'u'unk nmaay n'ëkmëët'ajnë mëti'ipës nyajyääkëpën ets mëti'ipës nyaj'ijxpëkëpën.

Jeremias 47:1

Ojts yë Wintsën tukmëmëtyä'äky yë Jeremías käjpxynyajxpë wi'ix jyata'antën ja filistejë ja'ayëty ma ka'anëm ja faraón ënety tnitëkënëm ja Gaza kajpn.

Ezequiel 28:21

Mijts ye'etyëjk, winpit jam Sidón ets xy'ënëëmëtëty yë ja'ay ëjts nxëëwkyëjxmës.

Deuteronomio 2:23

Timjëtu'un ojts jyatë kyëpätë yë Heve ja'ayëty jampë tsyëënëtën winkon ma Gaza kajpnën, ma yajkutëkooyëtën yë filistejë ja'ayëty ets ojts ja nyaaxëty niwa'kta'ayëtë mëti'ipë ënety të tsyoontën jam Creta ets jam myiintaaytyë tsënääpyë.

Jueces 6:4

Jam ijty nyäpyëjkta'akëtë ma ja Israel ja'ayëty ja nyaax kyajpnëtyën ets tyajkutëkooytya'atë ja pëjktä'äky mëti'ipë jam yajpatpën Gaza; nitii tkayajwë'ëmtë mëti'ipë ja Israel ja'ayëty jyë'kxtëpën; wa'ats tmënëjkxta'atë, wä'än yë'ëjëty ja pëjktä'äky ets jëyujk tsajpkaa, tsajppax, kupixynyëty.

1 Samuel 13:18

tu'kpëky ojts nyëjkxtë jam Bet-Orón ets tu'kpëky jam tunkëjxm ma txëëwatyën Seboím jam të'ëts'itjotm.

2 Crónicas 14:12

Jëtu'un'äämpy ja Wintsën ojts yë'ë tyajmëtä'äky ja Asá ets ëxëëk tuuny ja Etiopíë ja'ay, ojts kyäkta'atë.

Job 38:20

¿Mnija'ap wi'ix xyajja'tëtyën mapaat jyëjpkëxyën yë naaxwiinyëtë? ¿Mnija'ap wi'ix jatëkok xyajwinpitëtyën ma y'ijtaknënë?

Isaías 23:11

Yë Wintsën tëë yë myëk'ajtën tyaj'ixyë ma mejyjyotën. Tëë ja mëj naax mëj kajpn t'atsë'ëk t'ajawë, ja naax kajpn mëti'ipë ënety ta'tspëky yajpatëpën jam Canaán, wa'ats të tyajkutëkooytyä'äy.