Génesis 1:28 - Biblia Dc en Mixe de Quetzaltepec

²⁸ Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Biblia Mixe de Quetzaltepec

²⁸ Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Génesis 1:28 ပူးပေါင်းရင်းမြစ်များ

Génesis 1:22

Ënet ojts tkënu'kxy mëët ya'atë aaw ayuk: Wä'än mnimayëtë ets xyajwintuktëty yë nëëjot ets wä'än näjyëtu'un nimayë yë joon jëyujk naaxwiiny.

Génesis 17:16

Tyamës nkënu'kxa'any ets nmo'ojäämpy tu'uk yë u'unk maay ma yë'ëjën, jëtu'un nkënu'kxäämpyës yë'ë. Yë'ë taak'atëp ma tu'kë'ëyë naaxwiinyëtë ja'ayëtyën. Yë'ë y'u'unk y'ok yajkutujkpë nëjkx y'itë ma nyaax kyajpnëtyën.

Génesis 17:20

Näyjyëtu'un yë Ismael ijxtëm mijts të m'ëna'anyën: tyamës nkënu'kxa'any. Myëët'atäämpy may yë u'unk ëna'k ets nimayëjantëp yë'ë y'u'unk y'ok. Ismael yë'ë teety'ataanp ma ja nimajkmäjtskpë ja'ayëtyën mëj'äämpyë ets tu'uk yë mëj kajpn nyajkoja'anyës mëët yë'ë.

Génesis 24:60

Tä ojts tkënu'kxtë ja Rebeca mëët ya'atë aaw ayuk: Jëëky mëku'uk ets mëkä'äx, Taak tsi'tsk m'itëty ma nimayjyä'äyën. Ets ja m'u'unk m'ok myëmëta'akëp ja naax kajpn ma ja myëtsip tsyëënëtën jyuuky'atën.

Génesis 26:24

E jä'ä tsu'um ja Dios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Génesis 33:5

Ko t'ijxy ja Esaú ja to'oxytyëjkëty ets ja y'u'unk y'ëna'këty, ënät tyajtëëy: E ya'atë to'oxytyëjkëty mëët yë y'u'unk y'ëna'këty. ¿Pën yë'ëjëty? Tä Jacob y'ëtsooy: Ëjts yë n'u'unk n'ëna'k mëti'ipës yë Dios të xymyo'oy të xykyexyën.

Génesis 49:25

Nkukajpxëpës mëti'ipë yë mteety Tyios'ajtypyën, yë'ë mputëkëjanëp, yë Dios mëti'ipë mëk'ajtën myëët'ajtypyën, yë'ë mkënu'kxanëp. Yë kënu'kxën mëti'ipë jam tsajpjotm tso'onpën. Yë kënu'kxën mëti'ipë jap këkmejyjoty ijtpën. Yë kënu'kxën mëti'ipë yë taak tsi'tsk myëët'ajtypyën jyootjoty.

Génesis 5:2

Ye'eytyëjk ets to'oxytyëjk ojts tyajkojy ets tmooy yë kyënu'kxën. Ja xëëw ma Dios ojts tyajkojyën yë naaxwiinyëtë ja'ay, ënät ojts y'ënä'äny: Ja'ay txëëwatëty.

Génesis 6:1

Ko yë naaxwiinyëtë ja'ay ojts ëka'any jyuuky'ajtsoontë yaa naaxwiiny. Ets tyajmëxu'unk'ajtë y'u'unkëty to'oxytyëjkpë ets jëtu'un yä'ktë pyäjtë.

Génesis 8:17

Yajpëtsëëmta'a näjyëtu'un tu'kë'ëyë jëyujk, jënu'un jap xymyëët'atyën, joonëty, jëyujkëty mëti'ipë yujyëtyën, mëti'ipë mëpaat ja'ay tyajtsëënën ma jyëën tyëjkën ets mëti'ipë naaxwin'a'tspën. Wä'än tukye'eyëtya'atë naaxwiinyëtë ets y'u'unkëty y'ëna'këty tyajnimayëtëty ets tyajwintuktëty jëtu'un yë naaxwiinyëtë jatëkok.

Génesis 9:1

Dios ojts tkënu'kxy yë Noé mëët yë y'u'unk y'ëna'k ets y'ënäny: Mëët'atë yë m'u'unk m'ëna'këty nimay ets xyajwintuktëty yë naaxwiinyëtë.

Génesis 9:7

E miitsëty may yë u'unk maay xymyëët'atëty, ets yë'ë tyajwintuktëty yë naaxwiinyëtë.

1 Crónicas 26:5

Amiel, ja mëtëtujkpë; Isacar, ja mëwëxtujkpë ets Peultai, ja mëjkutujkpë. Jä'ä ko Dios tëë ënety mëj tkënu'kxy ja Obed-edom mëët may ja y'u'unk y'ëna'k.

1 Crónicas 4:10

Jabés myëpëjktsoow yë Dios, mëti'ipë y'ëwtajtëpën yë Israel ja'ayëty, jëtu'un t'ënëmaay: Tyam n'amëtoy npëjktsoy yë mkënu'kxën ets xymyo'ojëtyës mëj këjää naax kam ets xypyutëk xypyupätëtyës ets xyjyëpëkëty ma ëjtsën tëkokyë ëxëëkpë këtiipës n'ëyowëty. Dios ojts jyänty myo'oyë mëti'ipë y'amëtoow pyëjktsoowën.

Job 39:11

¿Mtuk'ijxpätäämpyën ko myëkëty ets m'ënaanpën mmëtunëtëty oyë?

Job 42:12

Dios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënety të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.

Salmos 115:16

Yë tsajp, Dios yë kyë'ë'am'ajtyp, ets naaxwiinyëtë ja'ay ojts yajtukë'ëtëkë.

Salmos 69:34

Mëjjawë jaantyjawë yë Dios y'itëty jam tsajpjotm, naaxkëjxy ets nëëjoty, ets maajaty yajpaatyën yë juukyajtën.

Salmos 8:6

tëë xymyo'oy ja kuttujkën, ma tëkokyë winë të xyajkojyën, mëj'äämpy të xypyëjktä'äky ma winëjatyën,

Salmos 8:7

ma tsajpaxën, kupixynyën, ma tsajpkaajën, ets ma jëyujkën yujypyëpë,

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

1 Timoteo 4:3

Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Dios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.