Génesis 1:27 - Biblia Dc en Mixe de Quetzaltepec

²⁷ Ko yë Dios ojts tyajkojy yë naaxwiinyëtë ja'ay, jëtu'un ojts tyajkojy ijxtëm yë'ë kë'ëm y'ixëtyën, ye'etyëjk ets to'oxytyëjk ojts tyajkojy.

Biblia Mixe de Quetzaltepec

²⁷ Ko yë Tios ojts tyajkojy yë naaxwiinyëtë ja'ay, jëtu'un ojts tyajkojy ijxtëm yë'ë kë'ëm y'ixëtyën, ye'etyëjk ets to'oxytyëjk ojts tyajkojy.

Génesis 1:27 ပူးပေါင်းရင်းမြစ်များ

Génesis 2:18

Ënet ja Wintsën y'ënäny: Ka'ap yowë y'oyëty ko yë ye'etyëjk atu'uk y'ity. Minës ëpëky n'ëkyajkojy mëti'ipë putëkëtëpën.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

Salmos 139:14

Wintsën, nmëjja'ap njaantyjya'ap mijts, jä'ä ko mëj këjääjës yë jotkujk'ajtën nmëëtëty ets janty mëj këjää mijts winë të xytyuny. Mëët yë'ë nmëpëjkpyës yajxon ko jyëtu'unëty.

Eclesiastés 7:29

Yi'iyës të nijawë ko yë Dios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Jeremias 29:6

Pëktë uuktë, mëët'atë m'u'unk m'ëna'këty ets wä'än m'u'unk m'ëna'këty näjyëtu'un tpëktë t'uuktë. Nimayëtë jam ets këtii mniwäänëtë.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

Mateo 19:4

Tääts ja Jesús y'ëtsooy: ¿Këtii xykyajpxtënëm ja mëti'ipë kuja'ay miinpën ko Dios ojts tyajkojy yë naaxwiinyëtë ja'ay, ye'etyëjk ets to'oxytyëjk ojts tyajkojyë?

Marcos 10:6

Ko ja Dios tyajkojtso'ontäky winë, ye'etyëjk ets to'oxytyëjk ojts tpëjktä'äky.

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Efesios 4:24

ets ja jempyë juukyajtën xyajtso'onta'aktëty ijxtëm ja Dios të tuknipëjktaakën ko të nyäyaj'akojnaxyë ets nyikëxë'ëkëty ja mëtëypyë juukyajtën oypyë wa'atspë.

Deuteronomio 4:32

Yë'ë ëkmëmay ëkmëtajtë ja tëëyëpë. Yë'ë ëk'ixtë ma Dios ojts ëka'any yë naaxwiinyëtë ja'ay tyajkojyën. Nëjkx yajnitëwëtë oymyaajëty pën tëë jëtu'un winë y'ëktuun y'ëkjajtëpë ëkë pën tëë winë y'ëkyajnija'apë tä tyamën.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Dios y'ixëtyën, jä'ä ko yë Dios ka'ap yaj'ixy; yë'ë myëëtu'uk U'unk'ajtyp ka'anëm ënety tii kyojnyëm.

Colosenses 1:26

ja winma'any mëti'ipë ijty kayajnija'apën ma yu'utsy të y'ityën kanaak jëmëjt, je'eyëp ko tëë ja Dios tyam tuknijawë ja nyaax kyajpn.

Colosenses 3:10

tëë xypyaatë ja jempyë ja juukyajtën, ja jempyë ja ja'ayajtën mëti'ipë ja Dios yaj'ajemyëpën xëmë ets jyuuky'atëty tä Tiosën, mëti'ipë të yajkojyën ets yajxon t'ixy'atëty.

Jueces 21:22

E pën miintëpts ja tyeety ëkë ja jyiiky myëku'uk ets jyoot'anpëktëty, je'eyë ëëts n'ënëëmëtëty: Tuntë mëyajtën, nmënu'kxtaktëp yam ets xypyokymyä'kxtëty, ëëts to'oxytyëjkëtën maa nkapatëtëpës mëti'ipë yë'ë pyëktëpën y'uuktëpën, mëët yë'ëkyëjxm ko ja tsip ëëts të nmëët'atë mëët yë Jabés ja'ayëty. E näjyëtu'un miitsëty, ka'ap kë'ëm të xykyë'ëyaktë ja mnëëxëty paaty ka'ap yowë maa myajmëtëkoytyë.