Génesis 1:24 - Biblia Dc en Mixe de Quetzaltepec

²⁴ Ënet yë Dios y'ënäny: Wä'än tjää'aty naaxkëjxy yë winë jëyujk: mëti'ipë ma jëën ma tëjk yajpaatëpën ets mëti'ipë aayjoty ujtsjoty yajpaatëpën, mëti'ipë myox tyukye'epyën. Jëtu'un ojts tyunyë jyätyë,

Biblia Mixe de Quetzaltepec

²⁴ Ënät yë Tios y'ënäny: Wä'än tjää'aty naaxkëjxy yë winë jëyujk: mëti'ipë ma jëën ma tëjk yajpaatëpën ets mëti'ipë aayjoty ujtsjoty yajpaatëpën, mëti'ipë myox tyukye'epyën. Jëtu'un ojts tyunyë jyätyë,

Génesis 1:24 ပူးပေါင်းရင်းမြစ်များ

Génesis 1:23

Jëtu'un ojts kyä'pxy ja mëkoxk xëëwpë.

Génesis 2:19

Ënet yë Wintsën ojts tyajkojy naaxwiiny tëkokyë yë jëyujk ijx ka'ijxënpë ets joon jëyujk, mëti'ipë kääkjëtijtëpën ets ojts tukninëjkxy ja ye'etyëjk ets txëëwmooytya'ajëty. Ënet ja ye'etyëjk txëëwmooytyääy tu'kë'ëyë ja jëyujk mëti'ipë yujyëtyën, ja joonëty ets tëkokyë jëyujk mëti'ipë ëwa'anëtyën. Wi'ix ojts ja Adán txëëwmo'oyën ja jëyujk jëtu'un ojts tmëwë'ëmtë ja xyëëwëty. E oy ënety jëtu'un ja Dios të tjayajkojy ja may jëyujk. Yë Adán ka'ap nitiiputëjkën tpaty ma yë'ëjëtyën.

Génesis 6:20

Aaknimäjtskjaty nëjkx yë jëyujk mpaatëkëty jap ma ja kepytyëjkën nëëwinye'epyë, oy tyimmëti'ipë jëyujkëty, yë joon jëyujk ets jëyujk mëti'ipë tsënaaytyëpën ma jëën tëjkën, mëti'ipë myox tyukye'eytyëpën ets jëtu'un jyaak juuky'ajtkojtëty naaxwiiny.

Génesis 7:14

Ojts näjyëtu'un tyëkëtë jap ma ja kepy nëëwinye'epyën yë jëyujkëty ëwa'anëtypë ets yujyëtypë mëti'ipë ja'ay yajtsënääpyën ma jyëën ma tyëjkën. Näyjyëtu'un yë joonëty jëyujkëty ets tsa'anyëty.

Génesis 8:19

Ojts näjyëtu'un pyëtsëëmta'atë jëyujkëty, ëwa'anëtypë ets yujyëtypë, mëti'ipë naaxwin'a'tspën ets joonëty.

Job 39:1

¿Mnija'ap jëna'a yë tsajppax y'u'unk'ixy mëti'ipë kopk këjxy tsënääpyënë? ¿Tëë xy'ëk'ijxpë wi'ix yë jëtyu'uto'oxy y'u'unk ixyënë?

Job 39:19

¿Ëkë mijts ojts yë kwaay xymyëjaawmo'oy ets ojts xyaj'oytyëjkëyë yo'knë?

Job 39:5

¿Pën jëtää ëwaatsëtuuy yë krukts të tpëjktä'äky mëti'ipë tunkëjxm kopkkëjxm ijtpën? ¿Pën jëtää yajëtijtëp najtspëkë?

Job 39:9

¿Mijts m'ënaanp jëtää ets tsajpkaa mëtunëtëty mëti'ipë aayjyotm ujtsjotm juuky'ajtpën ets m'ënaanp jëtää jam jyë'kxëty ma mtsajpkaa xyajtänën?

Job 40:15

Ix yë mëj jëyujk Behemot, ëjts të nyajkojy ijxtëm mijts ojts nyajkoyën; jëtu'un y'ujts jë'kxy tsajpkaajën;

Salmos 104:18

Ma këjxmëtypë kopkën yë'ë jam jë'kxypyatëp yë tsajppax, e jap tsaajoty jap nyäyu'utsëtë ju'k.

Salmos 104:23

Täänëm yë naaxwiinyëtë ja'ay tsyoony ets nyijkxy ma kyam tyu'ujën, tyuny jam tsuupaat koonëm jyajmony ets jyä'ty jatëkok ma tyëjkën.

Salmos 148:10

Jëyujk tsajpkaa mëti'ipë ma jëën tëjkën ijtëpën, yë ëwa'anëtypë jëyujk mëti'ipë yuukjoty kopkjoty yajpatëpën, yë joonëty, tsa'anyëty.