Génesis 1:20 - Biblia Dc en Mixe de Quetzaltepec

²⁰ Ënet yë Dios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Biblia Mixe de Quetzaltepec

²⁰ Ënät yë Tios jatëkok y'ënäny: wä'än tjää'aty winëjaty jëyujk jap nëëjoty ets wä'än tjää'aty näjyëtu'un yë joon jëyujk mëti'ipë kääkjëtijtëpën naaxwiinkëjxy. Jëtu'un tyuunë jyajtë.

Génesis 1:20 ပူးပေါင်းရင်းမြစ်များ

Génesis 1:14

Ënet ja Dios y'ënaankojnëpë: Wä'än tjää'aty ja të'kxën jajën jam tsajpwinm ma niwits nijuuxën, mëti'ipë kyutë'kx kyujajëpën ja naaxwiinyëtë. Ets tyajnäywyä'kxëtëty ja xëënyajtën ets ja kootsajtën ets yë'ë yajtuk'ixëty ja xëëw jëmëjt, xëëw po'o ets ko jyää'atëty ja nyipo'o nyijëmëjt tiijaty tuunëp jajtëpën. Jëtu'un ojts tyunyë jyätyë.

Génesis 1:19

Jëtu'un ojts kyä'pxy ja taxk xëëwpë.

Génesis 1:21

Ojts yë'ë Dios yë jëyujk tyajkojy mëjatypë këjxmjatypë jap nëëjoty ets tu'kë'ëyë jëyujk jënu'un yaj'ixy yajpaatyën nëëjoty, näjyëtu'un yë joon jëyujk ojts tyajkojy. Yë Dios aak'oy t'ijxy mëti'ipë ënety të tyajkojyën.

Génesis 1:22

Ënet ojts tkënu'kxy mëët ya'atë aaw ayuk: Wä'än mnimayëtë ets xyajwintuktëty yë nëëjot ets wä'än näjyëtu'un nimayë yë joon jëyujk naaxwiiny.

Génesis 1:30

e yë jëyujkëty mëti'ipë tsënaaytyëpën aayjoty ujtsjoty, joon jëyujkëty ets tsa'anyëty, yë'ë jyë'kxtëp aay ujts. Jëtu'un ojts tyunyë jyätyë,

Génesis 1:7

Dios ojts tu'uk tjanty yajkojy yë niwits nijuuxy, mëti'ipë yaj'ëwä'kxy'ittëpën yë nëë. Tu'kpëky ojts ja nëë wyi'imy pa'tkë'p ets tu'kpëky nëkëjxy.

Génesis 2:19

Ënet yë Wintsën ojts tyajkojy naaxwiiny tëkokyë yë jëyujk ijx ka'ijxënpë ets joon jëyujk, mëti'ipë kääkjëtijtëpën ets ojts tukninëjkxy ja ye'etyëjk ets txëëwmooytya'ajëty. Ënet ja ye'etyëjk txëëwmooytyääy tu'kë'ëyë ja jëyujk mëti'ipë yujyëtyën, ja joonëty ets tëkokyë jëyujk mëti'ipë ëwa'anëtyën. Wi'ix ojts ja Adán txëëwmo'oyën ja jëyujk jëtu'un ojts tmëwë'ëmtë ja xyëëwëty. E oy ënety jëtu'un ja Dios të tjayajkojy ja may jëyujk. Yë Adán ka'ap nitiiputëjkën tpaty ma yë'ëjëtyën.

Génesis 7:21

Jëtu'un'äämpy ojts y'o'kta'atë ja ja'ayëty jënu'un ënety yaa naaxwiiny jyuuky'atën. Näyjyëtu'un yë joon jëyujkëty ets mëti'ipë naaxkëjxy jëtijtëpën, ojts y'o'kta'atë.

Génesis 8:17

Yajpëtsëëmta'a näjyëtu'un tu'kë'ëyë jëyujk, jënu'un jap xymyëët'atyën, joonëty, jëyujkëty mëti'ipë yujyëtyën, mëti'ipë mëpaat ja'ay tyajtsëënën ma jyëën tyëjkën ets mëti'ipë naaxwin'a'tspën. Wä'än tukye'eyëtya'atë naaxwiinyëtë ets y'u'unkëty y'ëna'këty tyajnimayëtëty ets tyajwintuktëty jëtu'un yë naaxwiinyëtë jatëkok.

1 Reyes 4:33

Ojts tnikäjpxy tnimëtyä'äky wi'ix ja aay kepy y'ixë'atën, mëti'ipë jam Líbano; yë'ëpaat ja aay ujts potsykyijxypyë yonyën; ojts näjyëtu'un tnikajpxtaay ja aayjëyujk ujtsjëyujk, mëjatypë ets pixkënpë, mëti'ipë naaxwiinye'eytyëpën, mëti'ipë naaxjotyën, mëti'ipë nëëjotyën, kepyjotyën ets mëti'ipë kääkjëtijtëpën.

Job 12:9

¿Jää pën mëti'ipë ka'ap tnijawën ko Dios winë të tyajkojta'ay mëët yë kyë'ëjë?

Salmos 148:10

Jëyujk tsajpkaa mëti'ipë ma jëën tëjkën ijtëpën, yë ëwa'anëtypë jëyujk mëti'ipë yuukjoty kopkjoty yajpatëpën, yë joonëty, tsa'anyëty.

Eclesiastés 2:21

jä'ä ko jëna'ajëty jyäty kyëpety je'eyë winë tyäty nyituunkë ets mëët yë jot winma'any, wijy'ajt kujk'ajtën ets jot mëjaaw tii yajpaaty yaj'ixy ets yë'ë jyä'ä'ajtnëp ok mëti'ipë ka'ap të tyajnimëjaawtä'äkyën. Tääpë nän natëkë winma'any yë'ë. Ets ka'ap jëtu'un jyamëtëyëty.

Hechos 17:25

ets ka'ap tyajmëyäty tii ntukmëtu'unmëty, jä'ä ko yë'ë xymyo'oyëm ja juukyajtën, poj ets tu'kë'ëyë winë.