Génesis 1:14 - Biblia Dc en Mixe de Quetzaltepec

^14-15 Ënet ja Dios y'ënaankojnëpë: Wä'än tjää'aty ja të'kxën jajën jam tsajpwinm ma niwits nijuuxën, mëti'ipë kyutë'kx kyujajëpën ja naaxwiinyëtë. Ets tyajnäywyä'kxëtëty ja xëënyajtën ets ja kootsajtën ets yë'ë yajtuk'ixëty ja xëëw jëmëjt, xëëw po'o ets ko jyää'atëty ja nyipo'o nyijëmëjt tiijaty tuunëp jajtëpën. Jëtu'un ojts tyunyë jyätyë.

Biblia Mixe de Quetzaltepec

^14-15 Ënät ja Tios y'ënaankojnëpë: Wä'än tjää'aty ja të'kxën jajën jam tsajpwinm ma niwits nijuuxën, mëti'ipë kyutë'kx kyujajëpën ja naaxwiinyëtë. Ets tyajnäywyä'kxëtëty ja xëënyajtën ets ja kootsajtën ets yë'ë yajtuk'ixëty ja xëëw jëmëjt, xëëw po'o ets ko jyää'atëty ja nyipo'o nyijëmëjt tiijaty tuunëp jajtëpën. Jëtu'un ojts tyunyë jyätyë.

Génesis 1:14 ပူးပေါင်းရင်းမြစ်များ

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

Jeremias 31:35

Yë Wintsën mëti'ipë pyëjktakën yë xëëw ets xëëny kyutë'kxëty; yë po'o ets mëtsa'a ets koots kyutë'kxtëty; mëti'ipë yajyu'kxypyën yë mëjmejy, mëti'ipë yajmu'upy yajni'typyën yë nëë'o'pyky, mëti'ipë xyëëwajtypyën Wintsën mëti'ipë maaytyääyëpën winë, jëtu'un y'ënä'äny:

Salmos 148:3

Mmëjpëjkta'aktë yë Wintsën, miitsës xëëw, po'o. Mmëjpëjkta'aktë yë Wintsën, ninu'un mtë'kxtën mjajtën.

Salmos 148:6

Yë'ë ojts tyajta'tspëky winë ets y'itëty xëmëkyëjxm, ojts tyajwë'ëmy tu'uk ja ënä'ämën këtiipë pën tyajma'atëty.

Amós 5:8

Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kuttujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Joel 3:15

Pi'itsaam ja xëëw po'o ets ja mëtsa'a.

Jeremias 10:2

Jëtu'un yë Wintsën y'ënä'äny: Këtii jëtu'un tii xytyunëty tä wiinkëtypë naax kajpnën.

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Génesis 8:22

Maanëm yë naaxwiinyëtë jyä'äjëtyën, jää'atëp näjyëtu'un yë nipën kojën ets tu'unën ye'eyën. Jää'atëp yë jokx'ajtën ets tëtyk'ajtën. Jää'atëp näjyëtu'un yë potm'ajtën ets xëkopk'ajtën. Ets xëënyajtën mëët yë kootsajtën.

Isaías 40:26

Jam yujk'ixtë tsajpwinm ets xy'ixtëty: ¿Pën jam winë të tyajkojy? Mëti'ipë të tuknipëjktakëtyä'äyën maajaty y'itëtyën nitu'ukjaty ets aak xyëëw tyukmëkäjpxyp. Nëkooyë tmëët'ajnë mëk'ajtën ets mëjaaw paaty nitu'uk kyatëkoy'äty

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Joel 2:10

Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.

Jeremias 33:20

Ëjts, mëti'ipë Wintsën'ajtpën, jëtu'unës n'ëna'any: Tsip ets y'atëkoyëty ja käjpxytyu'unën mëti'ipës të ntunyën mëët ja xëënyajtën ets ja kootsajtën, jëtu'un ijxtëm yaj'ëwxityën jëna'a xyiinyë ets jëna'a kyootsën.

Apocalipsis 6:12

Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,

Mateo 2:2

Jä'ä ojts tyajtëwtë: ¿Maa ja jutiis ja'ayëty yajkutujkpë të myiny të kye'exy? Tëës n'ixtë ja myëtsa'a xëëwpëtsëmy, paatyës nmintë yë'ëjës n'ëwtatantëp.

Ezequiel 46:1

Ëjts Wintsën, jëtu'unës n'ëna'any: Yë tëjkëtyakn xëëwpëtsëmtsyowpë mëti'ipë yajpatpën jap tëja'p jootjotytsyow ëtuky y'itëty tëtujk xëëw, ma tyuunk xëëwëtyën; jää y'ëwa'atsëty po'kxënxëëw ets ko po'o pyi'k'atëty.

Jeremias 33:25

Ëjts mëti'ipë Wintsën'ajtpën, jëtu'unës n'ëna'any: Ëjts të ntuny ja käjpxytyu'unën mëët ja xëënyajtën ets ja kootsajtën, ëjts näjyëtu'un të mpëjktä'äky ja ënä'ämën ets ja tsajp ets ja naaxwiinyëtë yajpaatëty ma jam y'itën,

Job 25:5

Ma yë'ëjën, ka'ap yaj'ixy pën të'kxp yë po'o ets pën wa'ats yë mëtsa'a,

Génesis 9:13

Tyamës të npëjktä'äky yë n'i'tsyës mëti'ipë yajtuk'ixëp koos yaa naaxkëjxy yë nkäjpxy tyu'unën nyajwë'ëmy.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.

Lucas 23:45

Ka'ap ja xëëw nyäky'äny ets ja wit atëëytyuk mëti'ipë jap ma mëjtsajptëjkën ojts kujkm kyë'ëtswä'kxy.

Marcos 13:24

Ko ënety ja ëyo'on jotmay të nyäxy, ënät ja xëëw wyinkootsëja'any ets ka'ap ja po'o y'ana'any,

Ezequiel 46:6

Ma ënety yajnixëëwtunyën yë po'o u'unk, yë'ë jää yakëp tu'uk yë tsajpkaa ayääkë, tëtujk yë kupixyny u'unk ets tu'uk yë kupixyny yä'äy mëjpë, aakyë'ë oypyë mëkpë.

Salmos 119:91

Aak ta'tspëky winë y'ity, jëtu'un ijxtëm ja m'ënä'ämën mtëyajtën y'ënä'änyën, jä'ä ko yë'ëjëty aakmijts mmëtuunëp.

Job 25:3

Yë tsyiptuunpëtëjk ka'ap xmyä'ämyëty nmëtyo'owtä'ämyëty, yë tyë'kxën jyajjën kyutë'kxtääpy winë.

Job 3:9

Ka'ap jeexyë ojts tyimtë'kxy yë xëëw jä'ä jopyë, ka'ap jeexyë tyimja'ajty ja të'kxën jajën mëti'ipë mëk yaj'ëwxijtpën, ka'ap jeexyë ojts tyimtsajp'okpu'uy.

Apocalipsis 9:2

Tääts tyaj'ëwatsy ja mëjjut. Japts ja jok jyänty pyëtsimy ijxtëm jeexyë mëj tsijtskjotypyën ets ja jok tyajwinkootsëy ja xëëw ets ja tsajp.

Génesis 1:13

Jëtu'un ojts kyä'pxy ja mëtëkëëkxëëwpë.

Salmos 150:1

Tukxoontä'äky mëjjawë Dios yë xyëëw nyaxëty. Mmëjpëjkta'aktë yë Dios jap tsajptëkoty. Mmëjpëjkta'aktë ma mëj y'ëwtityën ja nyiwits nyijuux.