Gálatas 6:2 - Biblia Dc en Mixe de Quetzaltepec

² Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Biblia Mixe de Quetzaltepec

² Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Gálatas 6:2 ပူးပေါင်းရင်းမြစ်များ

1 Crónicas 19:12

ets t'ënëmaay: Pën yë sirië ja'ayëty ka'ap xyajmëtä'äkyës mijts ënät xynyiminëpës ets xynyiwaantu'utëtyës, e pën mijts ka'ap yë Amón ja'ayëty myajmëtä'äkyë ënätyë ninëjkxëty ets niwaantu'utëty.

Éxodo 23:5

Këtii xytyukmëj'atëty yë näpyutëjk näypyupätë ma ja mëtsipën, pën jam xy'ixy ko tëë yë jyëyujk tmëkëtay yë tsyimy, pa'tijë ënätyë ets xytyuknikäjtu'utëty.

Isaías 58:6

Ka'ap jyëtu'unëty. Ëjts ënätës ntukjotkëta'aka'any pën m'ayuu'ajtp: Ets ja tsumjyä'äy yaj'ëxmatstëty ets ja nipaye'eyën y'itëty, ets xymyëkäjëty ja tsajpkaa mëti'ipë kutsumy yajpatpën, ets yajnajtsmatsëty ja ja'ay mëti'ipë yajtëytyuunpën, ets tyimkutëkoyëty ma ja yajkutujkpëtëjk ëxëëk y'ëtë'ëtstën y'ëna'antën;

Mateo 8:17

Paaty ya'atë jëtu'un tyuunë jyajtë ets y'atëwëty ko ja Dios ja kyäjpxynyajxpë Jeséas ojts y'ënä'äny: Yë'ë yajnëjkxtaay tu'kë'ëyë ëëts ja mpa'am'ajtëm ets ja n'ëyo'on'ajt njotmay'ajtëm.

Lucas 11:46

Tääts ja Jesús y'ënäny: Miits tsajptëkotyëtë yaj'ijxpëjkpë mon tuk myajpaatë, jä'ä ko miits xytyukpatsëmtë ja ja'ay mëti'ipë ka'ap miits xypyatsëma'antën ets ka'apë xymyëmëta'aktëtyën, nitu'ukën yë mkë'ëwa'axy xykyatukpaata'antë.

Juan 13:34

Tyam nmo'otë ja ënä'ämën jempyë: Nätsyokëtë nixim niyam. Jëtu'un ijxtëm miits ntsoktën, näjyëtu'un miits mnätsyokëtëty nixim niyam.

Juan 15:12

Yë'ës ya'atë n'ënä'ämën'ajtyp: Nätsyokëtë nixim niyam, ijxtëm ëjts miits të ntsoktën.

Romanos 15:1

Ëëts'ajtëm, mëti'ipë mëk yajpatëpën ma mëpëjkënën, mëpaat mputëjkëmë mëti'ipë ka'ap oy myëpëktënëm, ets ka'ap yi'iyë n'ixtä'ämyëty mëti'ipë ntukjotkëtakmëpën.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

1 Corintios 9:21

Jatu'kpëky etsës nmëmëta'aktë mëti'ipë ja Moisés ka'ap ja y'ënä'ämën tpatuunëtën, näjyëtu'unës të näpyëjktä'äkyë ijxtëm yë'ëjëtyën, oyës ëjts ja Dios njamëtuny ets ja Kristë ja y'ënä'ämën njapa'ap'ijtëyë.

Gálatas 6:5

Këëkjä'ä ja tuunk ëyo'on yajtuunk'aty.

Deuteronomio 1:12

Ëjts ka'apës xëmë nmëta'akëty atu'uk ets ja m'amay mjotmayëty mpaye'eyëtyës.

1 Tesalonicenses 5:14

Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.

Santiago 1:25

E ja ja'ay mëti'ipë ka'ap tja'atyëkoyën mëti'ipë të tmëtoyën, tu'ukyë ja wyinma'any tpëjktä'äky wi'ix y'ënä'änyën ja ënä'ämën tëyajtën mëti'ipë yajnitsokpën ets xëmë tpatun, jotkujk xëmë y'ita'any.

Santiago 2:12

Jëtu'un mkajpxtëty mmëtya'aktëty ets jëtu'un mja'ay'atëty ijxtëm ja ja'ayën mëti'ipë yajpaye'epyën mëët ja ënä'ämën mëti'ipë yaj'ëwaatsëpëtsëëmpën.

Santiago 2:8

Oy ënety xytyuntë ko ja Dios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

2 Pedro 2:21

Nikë oy ko jeexyë ka'ap të timnyijawëtë ja në'ë tu'u oypyë, jä'ä ko tëë tjanijawëtë ets ok të t'ëxmatstë ja Dios ja y'ënä'ämën mëti'ipë të jyayajmo'otën.

2 Pedro 3:2

Ja'amyätstë mëti'ipë ja Dios ja kyäjpxynyajxpëtëjk jyääywyë'ëmtën tëëyëp, ets ënä'ämën tëyajtën mëti'ipë ja oy ayuk käjpxynyajxpëtëjk nyimëtyaktën.

1 Juan 4:21

Dios ëëts ya'atë ënä'ämën të xymyo'oyëmë: Pën ja Dios tsyojkpy, näjyëtu'un ja myëku'uktëjk tsokëty.