Gálatas 6:17 - Biblia Dc en Mixe de Quetzaltepec

¹⁷ Jëtu'unës nkajpxwë'ëmy. Ka'apës ntsoky etsës pën xy'ëtukëty. Tyamës nmëët'aty ja tay mëti'ipë yajknikëxë'kpyën koos nmëtuny ja Jesús.

Biblia Mixe de Quetzaltepec

¹⁷ Jëtu'unës nkajpxwë'ëmy. Ka'apës ntsoky etsës pën xy'ëtukëty. Tyamës nmëët'aty ja tay mëti'ipë yajknikëxë'kpyën koos nmëtuny ja Jesús.

Gálatas 6:17 ပူးပေါင်းရင်းမြစ်များ

Isaías 44:5

Nëjkxëp ja ja'ay y'ënä'äny: Ëjts Wintsënës xyjyä'äy'ajtp, wiinkpë jëtu'un nëjkx nyätyijyë: Jacob xy'u'unk'ajtp xy'ok'ajtpës, wiinkpë jam kyë'ëkëjxm tkëxja'aja'any: Wintsënës xyjyä'ä'ajtp, ets wiinkpë nëjkxëp xyëëw tyajtëkatsy ets nëjkx Israel xëëw tpëjktä'äky.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Hechos 15:24

Tëës nmëtoy'atë ko tëë ya'atë ja'ay jënaakën nyëjkxtë ma miitsëtyën mëti'ipë ka'ap ëëts nkäxtën, mëti'ipë jyatsojktëpën ets jeexyë mwinmaaytyëkatstë ets jeexyë xyajtëkoytyë ja mëpëjkënëty.

2 Corintios 1:5

Jä'ä ko jëtu'un ijxtëm ja Kristë y'ëyooyën, jëtu'un ëëtsajtëm n'ëyo'owëmë mëët yë'ë, näjyëtu'un mëët ja Kristë npatëmë ja jotkujk'ajtën.

2 Corintios 4:10

Oy tyimmaajëty maas nnëjkxtën, xëmës ja ja'ay xyaj'ooka'antë ijxtëm ja Jesús jyäjtyën; je'eyëp ko Jesús xypyutëjkëtëpës ets nyikëxë'ëkëty mëët ëëtsëty ko yë'ë jyuuky'äty.

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Dios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Josue 7:25

Ënet ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.

Apocalipsis 13:16

Ënet ja mëmäjtskpë ja mëj jëyujk tyajnikutujkëy ets ja ja'ay yajtsa'atëty ma y'a'oykyë'ëjëtyën ets ma wyimpokëtyën, wä'än tmëj tmutskëty, wä'än tkumeenyjyä'äyëty, wä'än t'ëyoopëja'ayëty, wä'än tmëtuunpë ëkë tkamëtuunpëty.

Apocalipsis 13:17

Ets ka'ap mëpaat pën jyuy tyooky pën ka'ap kyë'ëkëjxy ëkë wyimpokëjxm tsyä'äyëty mëët ja mëj jëyujk ja xyëëw ëkë ja nyimëtyo'owën.