Gálatas 6:14 - Biblia Dc en Mixe de Quetzaltepec

¹⁴ Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Biblia Mixe de Quetzaltepec

¹⁴ Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Gálatas 6:14 ပူးပေါင်းရင်းမြစ်များ

Salmos 49:6

Yë'ëjëty yi'iyë tyukjotkujk'ajtëp ko kyuwit'at kyumeeny'atë ets jyä'äy'atë amëj akëjxm ko tmëët'atë winë,

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Lucas 20:16

Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Dios.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

1 Corintios 2:2

Koos jam nyajpaty ma miitsëtyën, ka'apës tii wiinkpë winma'any nmëët'ajty, yi'iyës nnikajpx ja Jesukristë ko ojts y'ooky kruutskëjxm.

1 Corintios 3:21

Paaty ka'ap miits tii mnätyukyajmëjnaxëtëty, jä'ä ko aak miits yë'ë mjä'äjëty;

2 Corintios 11:12

E ëjts je'eyëmës ntuna'any mëti'ipës ntsojkpyën këtiipë yajtu'umo'otëty ja wiinkpë mëti'ipë nätyukmëjpëjktakëtëp ëëts ja ntuunkëty,

Gálatas 1:4

Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Gálatas 2:17

Ko n'ixtä'ämyëty ets oy nwë'ëmëty mëët ja Dios ma Kristë yajmëpëkyën, jëtu'un nyikëxë'ëky ko pokyjyä'äy ëëts'ajtëmë. ¿Ëkë wä'än jëtu'un yajja'akyukë ko Kristë ni'ikyë xyajpokytyëjkëmë? Niwi'ix'äämpy.

Gálatas 2:19

Jä'ä ko mëët ja ënä'ämën ëjts ookyës nyajpaaty etsës ja Dios yë'ë xyajjuuky'atëty. Tëës ja Kristë mëët nkruutspety,

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Filipenses 3:18

Tëë miits kanaak ok n'ënëëmëtë ets tyam jatëkok nëëmëja'antë jëëpy yaxp, ko jam may mëti'ipë myëtsip'ajtëpën ja Kristë, mëti'ipë ojts y'ookyën kruutskëjxm,

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Colosenses 2:20

Ko ja Kristë të xymyëpëktë, jëtu'un tpaaty ijxtëm jeexyë miits të m'ooktën mëët ja Kristë, ka'ap m'ëk'ijnëtë ma ja ku'oypyën mëti'ipë yaa naaxwiinyëtën. ¿E wi'ix ko ënät je'eyëm mjuuky'ajt'ëtë'ëtstë ijxtëm ja ja'ayëtyën mëti'ipë ka'ap ja Dios tmëpëktën?