Gálatas 6:1 - Biblia Dc en Mixe de Quetzaltepec

¹ Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

Biblia Mixe de Quetzaltepec

¹ Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

Gálatas 6:1 ပူးပေါင်းရင်းမြစ်များ

Romanos 15:1

Ëëts'ajtëm, mëti'ipë mëk yajpatëpën ma mëpëjkënën, mëpaat mputëjkëmë mëti'ipë ka'ap oy myëpëktënëm, ets ka'ap yi'iyë n'ixtä'ämyëty mëti'ipë ntukjotkëtakmëpën.

2 Tesalonicenses 3:15

Je'eyëp ko këtii xymyëtsiptsoontëty, ni'ikyë në'ëmo'o tu'umo'otë ijxtëm tu'uk ja mëkä'äxën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Dios ets ja Dios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Dios yajtuknija'amyätsëty.

2 Corintios 2:7

Mëti'ipë tëy tyam mtuntëp, nimä'kxtë ets putëkëtë, ko nëjkx ja ma'ayën tajën tkamëmëtä'äky.

Hebreos 12:13

ixta'atë ja tëytyu'u ets tsyo'okëty ja teky mëti'ipë ma'atën ets ka'ap ni'ikyë nyäwëty.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.

Romanos 14:1

Oyjyawëtë ja ja'ay mëti'ipë wäänë ja mëpëjkën myëët'ajtypyën ets këtii nëkoo mnäy'oj mnäya'axëtëty mëët.

Ezequiel 34:16

Nëjkxëpës n'ixta'ay ja kupixyny tëëpë tyëkoyën, mpatäämpyës ja mëti'ipë tëkoy'ijtpën, mpitäämpy nmotsäämpyës mëti'ipë tsëtyutën, mputëkëjäämpyës mëti'ipë ëmaay paki'ixën ets nkëwent'atäämpyës mëti'ipë mëkën ets ni'kxën. Jëtu'unës nkëwent'ata'any ijxtëm pyaat'atyën.

1 Corintios 10:12

Jëtu'unts mëti'ipë maaytyëp tajtëpën ko oy tsyëënëtë, wä'än mëk näkyëwent'atëtë këtiipë pyokykya'atëty.

1 Corintios 4:21

¿Ëkë tii miits mtsojktëp: ko nëjkx ntsaatyuntë ëkë ko ninëjkxtëty mëët ja oy'aaw oyjyotë?

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Mateo 9:13

Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

1 Corintios 14:37

Pën jam pën nitu'uk nyäjyawëty ko Dios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Dios jëtu'un të tni'ënä'ämë.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

1 Corintios 2:15

Ja ja'ay mëti'ipë ja Kënu'kxymyëkajtën myëët'ajtypyën, jyëkyejpy nikajpx nimëtya'akëty oytyiijëty ets ka'ap pën myäyëtëty tyuk'ojëtëty.

Romanos 8:6

Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

Mateo 11:29

Kupëktë ëjts ja n'ijxpëjkën ets jatë ëjts ja ntu'unën, mä'kxtujkpës, ets yujy tëtä'äkyës ja nwinma'any, jëtu'unts xypyaatëty ja po'kxën.

Santiago 3:13

Pën jää pën wijypyë kejypyë ma miitsëtyën ëkë ja'akyujkëpë mëtoowkujkëpë, wä'än tyajkwinkëxë'ëky mëët ja y'oyjä'äyajtën, yujy tëtä'äky jyuuky'atëty ijxtëm tii tnijawën.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Gálatas 5:23

yujy tëtä'äky jyä'äy'atë ets ka'ap tyajtuntë ja kyë'ëm winma'anyëty. Nimëti'ipë ënä'ämën ya'atë xykyatukpoky'ajtmëty ko oy tii ntu'unmëty.

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

1 Corintios 3:1

Mëku'uktëjkëty, ko ojts miits nyaj'ijxpëktë, ka'ap ojts jëtu'un nmëmëtya'aktë ijxtëm ja ja'ayën mëti'ipë ja Kënu'kxymyëkajtën tu'unwinwoowëpën, jëtu'un miits nyaj'ijxpëjktë ijxtëm ja ja'ayën mëti'ipë yajtuumpyën ja naaxwiinyëtë winma'any ëkë ijxtëm tu'uk ja mëxu'unkën ka'apë tii tja'akyukën ma ja Kristë.

Mateo 26:75

ets ja Pedro tja'amyejtsy ko ja Jesús ënety të y'ënë'ëmxëty: Naamka'anëm ënety ja këtseynyë'aaw yaaxë'ëky, ko mijts m'ëna'ana'any tëkëëk ok ko ka'apës xy'ixy'äty. Ënet ja Pedro jap pyëtsiimy ets tyëjkëy jëëpyë yaxpë.

Mateo 26:69

Tap ënety ja Pedro y'u'unyë tëja'aw itkujky ko tu'uk ja to'oxytyëjk mëtuunpë myëwinkoonë ets y'ënëmaayë: Mijts mpatijtyp yowë ijty näjyëtu'un yë Jesús, mëti'ipë Galilea ja'ayën.

Salmos 141:5

Mëyajtën ënety tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Dios nmëkajpxa'any.

Gálatas 6:18

Mëku'uktëjkëty, wä'än ja Wintsën Jesukristë mkënu'kxëtë ni'ëmukë. Oy jyëtu'un'atëty.

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

2 Corintios 2:8

Paatykyëjxm miits nmënu'kxta'aktë ets xytyuk'ix xytyuknijawëtëty ko miits yë'ë xytsyoktë.