Gálatas 5:22 - Biblia Dc en Mixe de Quetzaltepec

²² E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Biblia Mixe de Quetzaltepec

²² E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 5:22 ပူးပေါင်းရင်းမြစ်များ

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 92:14

Oy ënety tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Eclesiastés 7:8

Ni'ik tsyowpaaty ko nyaj'apatëmëty tu'uk yë tuunk ets këtii ko nyajtso'ontakmëty. Ni'ik tsyowpaaty yë ëwxijtën mä'kxtujkën ets këtii yë jotmëk'ajtën.

Jeremias 33:6

E nyajtso'okäänpyës jatëkok, nmo'ojäämpyës ja oy'ajt mëk'ajtën ets xoontä'äky jyuuky'atëty.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Mateo 12:33

Pën oy ja kepy, oy tyëëm'aty; e pën ka'ap y'oyëty, ka'ap oy tyëëm'aty. Tyëëm ja kepy yajtuk'ijxkajp.

Lucas 13:9

wä'änxyëp jëtu'un tyëëm'atëty. Pën ka'ap, tääts yajpujxë'ëkëty.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Dios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Juan 15:5

Ëjts jëtu'un ijxtëm ja tsatym yonën ets miitsëty ijxtëm ja tsatym xe'entyën. Pën ijtp tu'ukyë mëët ëjts etsës tu'ukyë mëët yë'ë, tëëm'ataanp may; jä'ä ko pën ëpëky mnäyaj'itëtë, ka'ap nitii xytyuntëty.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 15:14

Mëku'uktëjkëty, nmëpëjkpës ko tyiyëty ko miits ni'ik xymyëët'atë ja oyjyot oywyinma'any, ja wijyajtën kejyajtën ets mjajtëp wi'ix mnäkyajpxwijëtëty.

Romanos 15:3

Ka'ap ojts kë'ëm ja Kristë nyätyukjotkëtä'äkyë, jëtu'un ijxtëm ja Dios ja y'aaw y'ayuk kyëxja'ayëtyën: Ko ja ja'ay mwinkajpxpätëtëty, aak'ëjts xytyukkëtakp.

Romanos 15:30

Mëku'uktëjkëty, mëët ja Wintsën Jesukristë ets ja Kënu'kxymyëkajtën ja tsyojkën jya'awën mëti'ipë të xymyo'oyëmën, n'amëtoyës miitsëty mëktä'äky ets ëmuumtu'ukjot ja Dios nja'amyäjtsmëty tu'ukyë ets miits ja Dios xytyuknija'amyätsëtëtyës.

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Dios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

Romanos 8:5

Mëti'ipë juuky'ajtëpën ijxtëm ja nyi'kx kyopk tsoktën, aakjä'ä myääytyëp tyajtëp mëti'ipë ja nyi'kx kyopk tsyojktëpën; ets pën juuky'ajtëpën ijxtëm ja Kënu'kxymyëkajtën tsokyën, aakjä'ä myääytyëp tyajtëp mëti'ipë ja Kënu'kxymyëkajtën tsyojkpyën.

1 Corintios 13:13

Tëkëëk ja mëti'ipë tim kopkpëkyën: ja mëpëjkën, ja jëjp'ijxën ets ja tsojkën ja'awën; je'eyëp ko mëti'ipë wäänë kopkpëkyën ma ya'atë tëkëëkpën, yë'ë ja tsojkën ja'awën.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Efesios 4:23

Yaj'ajemyëtë ja mjot mja'awënëty ijxtëm kë'ëm xymyëmay xymyëtajtën,

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

2 Tesalonicenses 3:2

Ja'amyätstë ja Dios etsës xy'akëëytyuk xy'axajtuktëty ma ja ëxëëkja'ayëtyën ets ma ja pokyjyä'äytyëjkëtyën, jä'ä ko ka'ap ni'ëmukë ja'ay myëpëktë.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

1 Timoteo 4:12

Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

1 Pedro 5:12

Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.