Gálatas 5:2 - Biblia Dc en Mixe de Quetzaltepec

² Ëjts nxëëwajtyp Pablo, mëtoow'itë wi'ixës yam n'ëna'ana'anyën. Pën mkupëjktëp miits ets yajnatsujk'ëwtitëty ja mye'etyëjk'ajtënëty, tii ja Kristë nyawa'anëty ma miitsëtyën.

Biblia Mixe de Quetzaltepec

² Ëjts nxëëwajtyp Pablo, mëtoow'itë wi'ixës yam n'ëna'ana'anyën. Pën mkupëjktëp miits ets yajnatsujk'ëwtitëty ja mye'etyëjk'ajtënëty, tii ja Kristë nyawa'anëty ma miitsëtyën.

Gálatas 5:2 ပူးပေါင်းရင်းမြစ်များ

Hechos 15:1

Näy jä'ä tiempo, ja ja'ayëty tsyo'ontë Judea ets nyëjkxtë jam Antioquía mëti'ipë yaj'ijxpëjktëpën ko ka'ap pën tpaatëty ja nitsokën pën ka'ap yajnatsujk'ëwtitë ja ye'etyëjkajtën ijxtëm ja Moisés ja y'ënä'ämën y'ënä'änyën.

Hechos 15:24

Tëës nmëtoy'atë ko tëë ya'atë ja'ay jënaakën nyëjkxtë ma miitsëtyën mëti'ipë ka'ap ëëts nkäxtën, mëti'ipë jyatsojktëpën ets jeexyë mwinmaaytyëkatstë ets jeexyë xyajtëkoytyë ja mëpëjkënëty.

Hechos 15:5

Tääts ja fariseë ja'ayëty jënaakën mëti'ipë ënety tëë ja Jesús tmëpëktën, wya'akë'ktë ets y'ënantë: Ni'ëmukë ja mëpëjkpëtëjk, mëti'ipë ka'ap jyutiisëty, kopkpëky ko yajnatsujk'ëwtitëty ja ye'etyëjkajtën ets ja Moisés ja y'ënä'ämën yajpatunëty.

1 Corintios 16:21

Ëjts Pablo, kë'ëmës ya'atë kajpxpo'kxën nja'ay mëët yë nkë'ës.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Gálatas 5:11

Mëku'uktëjkëty, ko jeexyë ëjts n'ëkni'ënä'ämë ets ja ja'ay yajnatsujk'ëwëtitëty ja ye'etyëjkajtën, ka'ap jeexyë yë jutiis ja'ay xymyëtsip'attës, jä'ä ko ka'ap jeexyë ja Kristë ja y'aaw y'ayuk t'ëxëëkjawëtë, ko yajnimëtyä'äky ko yë'ë të y'ooky kruutskëjxm.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

1 Tesalonicenses 2:18

Ojtsës njanëjkxa'antë, ëjts Pablo tëëjës njanëjkxa'any kanaak ok, je'eyëp ko mëjku'u ojts xy'ëtukyës.

Filemón 1:19

Ëjts Pablo, kë'ëmës yam nja'ay ya'atë noky. Ëjts nkëpätäämpy yë nu'kxy. Ka'apës yam n'ëna'any ets mijts xykëpätëty, jä'ä ko tamës mijts xymyënu'kxy'äty ko të ntukmëmëtyä'äky ja nitsokën ets ja Kristë të mpokymye'kxyë.

Filemón 1:9

nikë oy yajmëtowëty ko mijts nmënu'kxta'akëty mëët ja tsojkën ja'awën. Ëjts Pablo, tëëjës nmëjja'ayënë ets tsumy matsyës yap n'ity koos ja Kristë Jesús ja y'aaw y'ayuk nkajpxwa'kxë.

Hebreos 4:2

Jä'ä ko ëëtsajtëm tëë nyajtuk'ëwa'anëmë ja aaw ayuk oypyë ijxtëm yë'ëjëty yajtuk'ëwa'anëtyën; je'eyëp ko yë'ëjëty ka'ap ojts tyajtuunkpaatë, nëkoopë tyajnatëkë'ajtë oy tjamëtoowtë, ka'ap tpuwa'këtyë mëti'ipë mëtoowtën mëët ja mëpëjkën.