Gálatas 5:17 - Biblia Dc en Mixe de Quetzaltepec

¹⁷ Jä'ä ko ja ja'ay mëti'ipë yajtuumpyën ja kyë'ëm winma'any, myëtsip'ajtyp ja Kënu'kxymyëkajtën ets ja Kënu'kxymyëkajtën myëtsip'ajtyp ja ja'ay mëti'ipë yajtuumpyën ja kyë'ëm winma'any. Jä'ä ko aak nämyëtsip'ajtëtëp yë'ë winpity atëjy, paaty ka'ap y'oypëtsimy mëti'ipë miits mjatsojkën'ajtëpën.

Biblia Mixe de Quetzaltepec

¹⁷ Jä'ä ko ja ja'ay mëti'ipë yajtuumpyën ja kyë'ëm winma'any, myëtsip'ajtyp ja Kënu'kxymyëkajtën ets ja Kënu'kxymyëkajtën myëtsip'ajtyp ja ja'ay mëti'ipë yajtuumpyën ja kyë'ëm winma'any. Jä'ä ko aak nämyëtsip'ajtëtëp yë'ë winpity atëjy, paaty ka'ap y'oypëtsimy mëti'ipë miits mjatsojkën'ajtëpën.

Gálatas 5:17 ပူးပေါင်းရင်းမြစ်များ

Génesis 6:3

Ënet yë Wintsën ojts y'ënä'äny: Ëjts ka'apës jëtu'un nkupëkëty ets naaxwiinyëtë ja'ay jyuuky'atëty xëmëkyëjxm, jä'ä ko yë'ë, xixy yë je'eyë. Paaty je'eyë jyuuky'atëty mëko'px ja i'px jëmëjt.

Salmos 119:133

Yajtu'uye'eykyës jëtu'un ijxtëm ja m'aaw m'ayuk y'ënä'änyën; këtii xy'ëwa'atsëty ets ja ëxëëkpë xymyëmëta'akëtyës.

Salmos 119:159

Wintsën, mijts kë'ëm ix tun wi'ixës ntsokyën yë m'ënä'ämën mtëyajtën; mooykyës yë juukyajtën, koos xytsyoky xyjyawë.

Salmos 119:176

Jëtu'unës nnäjyawëty të nye'eytyëkoy tä yë kupixyny u'unk muum ye'eytyëkoyën; nimiinkës etsës xy'ixta'ajëty, ëjts ka'apës tu'ukyë ntimjyä'ätyëkoy ja m'ënä'ämën mtëyajtën.

Salmos 119:20

Je'eyës nyajpaaty janaam jatsojk janty määpy janty tajp koos njanijawëja'any mëti'ipë mijts mni'ënä'ämëpën.

Salmos 119:32

Ëjts poj'amës njapatuunta'aja'any yë m'ënä'ämën mtëyajtën, jä'ä ko janty jotkujkës nnäjyawëty mijts xyaj'ity yë njot nwinma'anyës.

Salmos 119:35

Jamës woownëjkxk ma ja m'ënä'ämën mtëyajtën yajpaatyën, jä'ä ko jotkujkës jam nnäjyawëty.

Salmos 119:40

Ëjts yë'ëjës të ntsojkën'aty mëti'ipë mijts të xynyi'ënä'ämën; mooykyës yë juukyajtën, mijts aak'oy winë xytyuny.

Salmos 130:3

Wintsën, Wintsën, ko jeexyë mijts xy'ëkmëjpëjktä'äky yë nëë poky, ni pën jeexyë kyajuuky'äty

Salmos 65:3

Xymyëmëtaktëp ëëtsëty ja nëë poky mëti'ipë yajtuunp yajkajpxpën, e mijts mme'kxyp yë tuuntëko'oy kajpxtëko'oyën.

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Mateo 12:30

Mëti'ipës ja'ay ka'ap xypyukajpxën xymyëtsip'ajtpës yë'ë; mëti'ipë ka'ap tii tpëjkmukyën mëët ëjts, jëtu'unyë winë tko'owtë.

Mateo 16:17

Ënet ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Dios Teety tsajpjotmëpë yë'ë të mmo'oyë jëtu'unpë winma'any.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

Mateo 26:41

Juuky näyaj'itëtë ets ja'amyätstë Dios, këtii ja ku'oypyë mnätyukmëmëta'akëtë. Tsyojkpy ja aaw jot ets tunëty mëti'ipë Dios tyukjotkëtäkpyën, je'eyëp ko ja ni'kx kopk atoonk apatk yajpaaty.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Lucas 22:33

Tääts ja Simón y'ënäny: Wintsën, ko mijts myajtsumëty, näjyëtu'unës ntëkëty pujxn tëkoty, pën m'o'kp, näjyëtu'unës n'ookëty.

Lucas 22:46

Tääts ja y'ijxpëjkpëtëjk t'ënëmaay: ¿Tii ko mma'atë? Pëtë'ëktë. Ja'amyätstë Dios ets ka'ap ja ku'oypyë mnätyukmëmëta'akëtëty.

Juan 3:6

Ja ja'ay jëtu'un myëxu'unk'atë ijxtëm yaa naaxwiinyëtën, ni'kx kopkën je'eyë; pën jatëkok mëxu'unjk'ajtp mëët ja Dios ja Myëjaaw myëk'ajtën, ka'ap ja kyëxë'ëky.

Romanos 8:13

Pën mjuuky'ajtëp miits ijxtëm ja ni'kx kopk tsokyën, m'ookantëp yë'ë; e pën Kënu'kxymyëkajtën mëët miits xyaj'ooktë mëti'ipë ja mni'kx mkopk tsyojkpyën, xëmëkyëjxm miits mjuuky'ata'antë.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.