Gálatas 5:11 - Biblia Dc en Mixe de Quetzaltepec

¹¹ Mëku'uktëjkëty, ko jeexyë ëjts n'ëkni'ënä'ämë ets ja ja'ay yajnatsujk'ëwëtitëty ja ye'etyëjkajtën, ka'ap jeexyë yë jutiis ja'ay xymyëtsip'attës, jä'ä ko ka'ap jeexyë ja Kristë ja y'aaw y'ayuk t'ëxëëkjawëtë, ko yajnimëtyä'äky ko yë'ë të y'ooky kruutskëjxm.

Biblia Mixe de Quetzaltepec

¹¹ Mëku'uktëjkëty, ko jeexyë ëjts n'ëkni'ënä'ämë ets ja ja'ay yajnatsujk'ëwëtitëty ja ye'etyëjkajtën, ka'ap jeexyë yë jutiis ja'ay xymyëtsip'attës, jä'ä ko ka'ap jeexyë ja Kristë ja y'aaw y'ayuk t'ëxëëkjawëtë, ko yajnimëtyä'äky ko yë'ë të y'ooky kruutskëjxm.

Gálatas 5:11 ပူးပေါင်းရင်းမြစ်များ

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

Gálatas 6:12

Ya'atë ja'ayëty mëti'ipë tsyojktëpën ets ja ja'ay y'oyjyawëtëty mëët mëti'ipë tyuuntëpën, yë'ë m'atsip'atanëtëp ets yajnatsujk'ëwëtittëty ja mye'etyëjk'ajtënëty. Jä'äkyëjxm jëtu'un tuntë ets ja ja'ay y'oyjyawëtëty ets ka'ap tsyiptëkëja'antë ko tkajpxwa'kxtë ko ja Kristë tëë xykyu'o'këmë kruutskëjxm.

Gálatas 4:29

Ja to'oxytyëjk ja myaank mëti'ipë mëxu'unk'ajtën ijxtëm oy pën pi'k ëna'kën, jä'ä ojts tmëtsipëky ja mëxu'unk mëti'ipë mëxu'unk'ajtën mëët ja Kënu'kxymyëkajtën. Näyjyëtu'un tyam tyunyë jyätyë.

Gálatas 2:3

Yë'ëpaat ja Tito, oy griego ja'ayëty, mëti'ipës ënety jam mmëëtën, ka'ap ojts yajtuk'atsip'aty ets yajnatsujk'ëwtitëty ja ye'etyëjkajtën.

1 Corintios 15:30

¿E tii ko ëëtsajtëm xëmë janaam jatsojk atsë'ëkëtuuy n'ijtëmë?

Hechos 21:21

Ets jëtu'un y'ëna'antë koojëk mijts ja jutiis ja'ay xyaj'ixpëky mëti'ipë tsënaaytyëpën wiink kajpn, ko ka'ap tpatuntëty ja Moisés ja y'ënä'ämën, ko ja pi'k ëna'k ka'ap yajnatsujk'ëwtitëty ja ye'etyëjkajtën ets ka'ap ja nmëpëjkën'ajtëm tpatuntëty.

Gálatas 6:17

Jëtu'unës nkajpxwë'ëmy. Ka'apës ntsoky etsës pën xy'ëtukëty. Tyamës nmëët'aty ja tay mëti'ipë yajknikëxë'kpyën koos nmëtuny ja Jesús.

1 Corintios 1:18

Ko yajnikäjpxy yajnimëtyä'äky ko tëë ja Kristë y'ooky kruutskëjxm, ja ja'ayëty mëti'ipë nitëyë nëjkxtëpën ëyo'ontum jëtu'un tmëtowtë nanëkoo yowë tsuu mëtya'ak kupoj mëtyä'äky yajnikäjpxy; e ëëtsajtëm jënu'un ja nitsokën të npatëmë, nija'awëm ko Dios yë myëk'ajtën.

Hechos 21:28

tääts tukyax tukjojkëtyë: Miits Israel ja'ayëty, putëjkëtëkës. Tëë ya'atë ja'ay yaa jyä'ty, winnaax wiinkajpn jyänty jyëtity, tuk'ijxpëky ja ja'ay ko ka'ap twintsë'ëkëtëty ja Moisés ja y'ënä'ämën ets wiinkjaty tnimëtyä'äky ja tsajptëjk. Tëë näjyëtu'un ja griego ja'ay tyajtëkë ma mëjtsajptëjkën ets të tyaj'ëxëëkëtë ya'atë it naaxwiinyëtë wa'atspë.

Hechos 16:3

Tääts ja Pablo wyinmaay ets ja Timoteo pyajämyëët'atëtëty, je'eyëp ko jëyëjp ojts tnatsujk'ëwtijtë ja ye'etyëjkajtën ets ka'ap ja jutiis ja'ay y'ijxma'atëtëty, jä'ä ko wa'ats ja jutiis ja'ayëty ënety tnijawëtë ko ja Timoteo ja tyeety griegë ja'ay.

Isaías 8:14

Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.