Gálatas 5:1 - Biblia Dc en Mixe de Quetzaltepec

¹ Tëë ja Kristë xymyo'oyëmë ja ëwaatsëtum'ajtën ets ëwa'atstuuy nyajpatmëty. Paaty tyam itë amëk jotmëk ma ëwaatsëtum myajpaatën ets këtii jatëkok m'ëk m'ëknäkyë'ëyajkënëtëty ma të myajpaatën ijxtëm jeexyë mnitooky'atën.

Biblia Mixe de Quetzaltepec

¹ Tëë ja Kristë xymyo'oyëmë ja ëwaatsëtum'ajtën ets ëwa'atstuuy nyajpatmëty. Paaty tyam itë amëk jotmëk ma ëwaatsëtum myajpaatën ets këtii jatëkok m'ëk m'ëknäkyë'ëyajkënëtëty ma të myajpaatën ijxtëm jeexyë mnitooky'atën.

Gálatas 5:1 ပူးပေါင်းရင်းမြစ်များ

Salmos 51:12

Mooykyës jatëkok ja xoontakën mëti'ipë ja mnitsokën yäjkpyën; ets wä'änës yë jot winma'any oypyë nnätyuktu'uwinwoyë,

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Mateo 23:4

Je'emtyëty tpëjkta'aktë ja tsëmy kë'ëy, ijxtëm ja ja'ay ka'ap myäyëtëty tpatsëmtëty; ets atsip ja ja'ay tukpatsëmtë winë. E yë'ëjëty nitu'knu'unën ja kyë'ë kyejky mëpaat tkatukpaatë ja tsëmy kë'ëy.

Lucas 5:38

Paaty ja tsatsym nyëë jempyë jap yaj'atämë ma ja po'o jempyën.

Hechos 15:10

E tyam, ¿tii ko ja Dios xyjyënaxa'antë ko xytyuktuna'antë ya'atë mëpëjkpëtëjk mëti'ipë ja n'ap'ajt n'ok'ajtëmë ka'ap tpatuuntën ets näjyëtu'un ëëts'ajtëmë ka'ap npatu'unëmë?

Romanos 6:14

Jëtu'unts ja poky ka'ap m'ëk ënä'ämënëtëty, jä'ä ko ka'ap yë'ë ja ënä'ämën xy'ëktukjuuky'ajnëtë, Dios ja y'oyajtën mtukjuuky'ajnëtëp.

Romanos 6:18

Ëwaatsëtum miits të mwë'ëmtë ets jëtu'un ka'ap m'ëk pokytyuunëtëty, tëë miits mjuuky'ajtsoontë ma ja mëtëypyë ja nipaye'eyën.

Romanos 7:3

E ko ja to'oxytyëjk ja wiinkpë ja ye'etyëjk tpuwa'akëty ets tamnëm ja nyiye'etyëjk jyuuky'äty, poky ënety tyuunpy; e pën ku'ooky, ëwaatsë ja yajpaaty ets jyëkyejpy ja wiinkpë t'ëtsowëty ets ka'ap ënety pyokyëty ttuny.

Romanos 7:6

E tyam, ko n'ijtëmë ijxtëm ja o'kpën ma ja ënä'ämën mëti'ipë ka'ap xy'ëk'ënä'ämënën, ëwaatsëtum të nwë'ëmënë ets ja Dios nmëtu'unmëty ma ja Kënu'kxymyëkajtën jempyë ja nyë'ë tyu'u; ka'ap n'ëkmëtu'unënë ja ënä'ämën tëëpë nyajxnën.

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Dios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

1 Corintios 7:22

Ja ja'ay mëti'ipë ijty mëtuunpën nitooky, najtspëkë ja tyam y'ity jä'ä ko jëtu'un ja Dios të tuknipëjktaakë; ets näjyëtu'un mëti'ipë ijty najtspëkë ijtpën ko ja Dios ojts yaaxtsoyë, Kristë ja tyam myëtuumpy ijxtëm mëtuunpë nitookpyën.

2 Corintios 11:20

Mmëmëtaktëp miits näjyëtu'un ko pën atsip tii mtuktuna'anëtë, mëti'ipë mtsuu'ijxëtëpën, mwin'ë'ënëtëpën, mëti'ipë mkamëj'ijxëtëp ets m'apojtsë'këtëp.

2 Corintios 3:17

Jä'ä ko yë Wintsën yë'ë Kënu'kxymyëk'ajtën'ajtp; ma ja Kënu'kxymyëkajtën yajpaatyën tam'ajtp ja nitsokën.

Gálatas 2:4

E jam ja ja'ayëty ënety jënaakën mëti'ipë nätyijëtëpën ko myëpëktë, jä'ä ënety të tyëkëtë ayu'utsy ma ëëtsëtyën ets t'ixa'antë wi'ix tii yajtunyën ko nyajpatëmë ëwaatsëtum ma ja Kristë yajmëpëkyën; yë'ë tsyojktëp ets atsip ëëts npatuntëty jatëkok ja Moisés ja y'ënä'ämën.

Gálatas 3:25

E mëët ko tyam të nmëpëjkënë ja Kristë, ka'ap ja ënä'ämën xy'ëk'ijx'ijtënë,

Gálatas 4:26

E ja Jerusalén tsajpjotmëpë, ëwaatsëtum jä'ä ets jëtu'un tpaaty ijxtëm jeexyë ëëts yë'ë nwintaj'ajtëmën.

Gálatas 4:31

Jëtu'un mëku'uktëjkëty, ka'ap njëtu'un'ajtëmë ijxtëm ja mëtuunpë y'u'unkën, jëtu'un ëëts'ajtëmë ijxtëm ja y'u'unkën ja to'oxytyëjk ëwaatsëtumpë.

Gálatas 4:9

E tyam ko ja Dios të xynyijawëtë, ëkë n'ëna'anmëty ko ja Dios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

1 Tesalonicenses 3:8

Koos nijawëtë ko ja Dios tu'ukyë xymyëpëktë, xyajjotkujkëtëpës jatëkok.

2 Tesalonicenses 2:15

Paaty, mëku'uktëjkëty, tu'ukyë ja mëpëjkën yaj'itë ets këtii xy'ëxmatstëty ja ijxpëjkën mëti'ipë të ntuk'ëwaanëtën nokyjoty.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

Hebreos 3:14

Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Dios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

1 Pedro 2:16

Jëtu'un ja'ay'atë ijxtëm mëti'ipë ëwaatsëtum ijtëpën, je'eyëp ko ja ëwaatsëtum'ajtën ka'ap yë'ëjëty ma ja ëxëëkpë xytyuntëtyën. Yë'ë myajnikëxë'ëktëp ko ja Dios xymyëtuntë.

2 Pedro 2:19

Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.

Apocalipsis 2:25

Yi'iyë ko xykëwent'atëty mëti'ipë mmëët'ajtëpën koonëmës nminëty.

Apocalipsis 3:3

Ja'amyäts ja oypyë ja ijxpëjkën mëti'ipë të xymyëtoyën ets niwinpit ja Dios. Pën ka'ap juuky m'ity, ninëjkxäämpy tä mä'tspën ma ënety ka'ap tii xymyëmay xymyëtajyën.