Gálatas 4:30 - Biblia Dc en Mixe de Quetzaltepec

³⁰ ¿E wi'ix ja Dios ja y'aaw y'ayuk y'ënä'äny? Jëtu'un y'ënä'äny: Jëkäx yë to'oxytyëjk nitookpyë mëët yë y'u'unk, jä'ä ko ka'ap yë y'u'unk pyäätyë ja kuma'ayën mëti'ipë yajmo'ojaanpën ja ëwaatsëtumpë ja to'oxytyëjk ja y'u'unk.

Biblia Mixe de Quetzaltepec

³⁰ ¿E wi'ix ja Tios ja y'aaw y'ayuk y'ënä'äny? Jëtu'un y'ënä'äny: Jëkäx yë to'oxytyëjk nitookpyë mëët yë y'u'unk, jä'ä ko ka'ap yë y'u'unk pyäätyë ja kuma'ayën mëti'ipë yajmo'ojaanpën ja ëwaatsëtumpë ja to'oxytyëjk ja y'u'unk.

Gálatas 4:30 ပူးပေါင်းရင်းမြစ်များ

Juan 8:35

Tu'uk ja mëtuunpë nitookpyë ka'ap xëmë y'ity ma ja jëën tëjkën; ja wintsën ja y'u'unk y'ëna'k yë'ë xëmë ijtëp ma jëën tëjkën.

Romanos 11:2

Tëëyëp ja Dios tkajpniwa'any ja Israel ja'ay, e tyampaat je'eyëm tkajpniwa'any ¿tii ko t'ëk'ëxwaanpëty? ¿Këtii xynyijawëtë wi'ix ja Dios ja y'aaw y'ayuk y'ënä'änyën ma ja Dios ja kyäjpxynyajxpë Elías yajnimëtyä'äkyën, ko ja Dios ojts tja'amyetsy ets ojts tuk'ëwaanë ja Dios wi'ix ja jutiis ja'ay y'ëtë'ëtstënë? ets y'ënäny:

Romanos 4:3

Jëtu'un ja Dios ja y'aaw y'ayuk y'ënä'äny këxja'ay: Abraham ojts ja Dios tmëpëky, paaty ojts wa'ats yajnaxyë.

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Gálatas 3:8

Ma ja Dios ja y'aaw y'ayuk këxja'ay myinyën, tap nimëtyä'äky ko mëpëjkënkyëjxm ja ja'ay oy wyi'imy mëët ja Dios mëti'ipë ka'ap jyutiisëty ets jëtu'un ja Abraham yajtuk'ëwa'anëy ja oy aaw oy ayuk ko ja Dios y'ënëmaayë: tu'kë'ëyë naaxwiinyëtë ja'ay kënu'kxy nëjkx wyë'ëmta'atë mëëtkyëjxm ko mijts të mmëpëky.

Gálatas 4:22

Jëtu'un kyëxja'ayëty ko ja Abraham mäjtsk ijty yë y'u'unk: tu'uk t'u'unk'aty mëët ja to'oxytyëjk mëtuunpë nitookpyë ja jyä'ä ets tu'uk mëët ja kyë'ëm to'oxytyëjk ja jyä'ä.

Gálatas 4:31

Jëtu'un mëku'uktëjkëty, ka'ap njëtu'un'ajtëmë ijxtëm ja mëtuunpë y'u'unkën, jëtu'un ëëts'ajtëmë ijxtëm ja y'u'unkën ja to'oxytyëjk ëwaatsëtumpë.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.