Gálatas 4:27 - Biblia Dc en Mixe de Quetzaltepec

²⁷ Jä'ä ko jëtu'un ja Dios ja y'aaw y'ayuk kyëxja'ayëty: Jotkujk mijts to'oxytyëjk mëti'ipë ka'ap të tyajminy të tyajja'tyën ja u'unk ëna'k, mëti'ipë ka'ap tmëëtëtyën ja u'unk ëna'k. Ëw ya'ax mëët ja jotkujk'ajtën, jä'ä ko ja to'oxytyëjk mëti'ipë të yaj'ëxmatsyën, wäänëmay ja y'u'unk tpaata'any këtiinëm ja mëti'ipë jamën ja nyiye'etyëjk.

Biblia Mixe de Quetzaltepec

²⁷ Jä'ä ko jëtu'un ja Tios ja y'aaw y'ayuk kyëxja'ayëty: Jotkujk mijts to'oxytyëjk mëti'ipë ka'ap të tyajminy të tyajja'tyën ja u'unk ëna'k, mëti'ipë ka'ap tmëëtëtyën ja u'unk ëna'k. Ëw ya'ax mëët ja jotkujk'ajtën, jä'ä ko ja to'oxytyëjk mëti'ipë të yaj'ëxmatsyën, wäänëmay ja y'u'unk tpaata'any këtiinëm ja mëti'ipë jamën ja nyiye'etyëjk.

Gálatas 4:27 ပူးပေါင်းရင်းမြစ်များ

2 Samuel 13:20

Ënet ja y'äy Absalón yajtëëwë: ¿Yë'ëjën yë m'ay Amnón jëtu'un të mtunyë? Pën jëtu'un, amonyë m'itëty këtii tii xynyimëtya'akëty, jä'ä ko m'ay yë'ë. Këtii nëkoo xytyimmëmay xytyimmëtajëty. Tamar ko t'ijxy tëë yaj'ëxmajtsnë atu'uk, ënät ojts jam wyë'ëmnë ma ja y'äy Absalón ja tyëjkën.

Salmos 113:9

Ja to'oxytyëjk mëti'ipë ka'ap ja y'u'unkën, myoopy ja jotkujk'ajtën ets y'itëty taak tsi'tsk ma ja y'u'unk y'ëna'kën, ets jotkujk tyaj'ity ma ja jyëën tyëjkën. Tukxoontä'äky mëjjawë Dios yë xyëëw nyaxëty.

Isaías 49:21

Ets nëjkx mmay mtajy: Ixës tyaapë n'u'unk nmaay may të ntimyajmooynyë. Ëjts ka'apës ijty u'unk ëna'k nmëëtëty; ëxwopy ixkexyës të n'ity ets ijxtëkoy ja'atyëkoy, ¿wi'ixës yë n'u'unk n'ëna'k të yä'knëtë? Nnätyu'ukës xëmë të nyaj'ixmatsy, ¿wi'ixën të myiinëtë n'u'unk n'ëna'kës?

Gálatas 4:19

U'unk ëna'këty, mëk miits jatëkok nku'ëyowëtë ijxtëm tu'uk ja u'unktaak y'ëyoyën ko y'u'unk tyajmëxu'unk'ata'any ets nku'ëyoowëtëtstëp koonëm jëtu'un mjuuky'attëty ijxtëm ja Kristë tsokyën.

1 Timoteo 5:5

Ja ku'ooky tyo'oxytyëjk mëti'ipë nätyu'uk të wyi'imyën, Dios ja yi'iyë tyuk'ijxpejtyp. Ka'ap t'ëxmatsy ja jëëytyak nu'kxtaak, ijtp ja xëëny koots ja Dios tja'amyetsy.

1 Samuel 2:5

mëti'ipë ënety ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënety yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënety ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënety janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.