Gálatas 4:17 - Biblia Dc en Mixe de Quetzaltepec

¹⁷ Tääpë ja'ayëty, yë'ë ni'ik tsyojktëp ets miits mnäpyëjkta'akëtëty ma yë'ëjëtyën. Je'eyëp ko ka'ap y'oyëty mëti'ipë tyukniwinma'ayëtëpën. Yë'ë tsyojktëp ets miitsëty ëjts xy'ëxmatstëty ets yë'ë xytyuntëty mëti'ipë yë'ë tsyojktëpën.

Biblia Mixe de Quetzaltepec

¹⁷ Tääpë ja'ayëty, yë'ë ni'ik tsyojktëp ets miits mnäpyëjkta'akëtëty ma yë'ëjëtyën. Je'eyëp ko ka'ap y'oyëty mëti'ipë tyukniwinma'ayëtëpën. Yë'ë tsyojktëp ets miitsëty ëjts xy'ëxmatstëty ets yë'ë xytyuntëty mëti'ipë yë'ë tsyojktëpën.

Gálatas 4:17 ပူးပေါင်းရင်းမြစ်များ

Mateo 23:15

Mon tuk miitsëty myajpaatë, yaj'ijxpëjkpëtëjkëty mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mtuknajxtaaytyëp miits ja naaxwiinyëtë ets ja mejy ko ja mja'ay xy'ixta'atë, ets ko xypyaatë ja mja'ayëty, wäänëni'ik ëxëëk xyajjat xyajkëpätë ets nyëjkxëty jap ëyoowtaknjoty këtiinëm miitsëty.

Romanos 10:2

Ënaanpës ko yë'ëjëty jyatsojktëp tjamëtuna'antë ja Dios, je'eyëp ko mëti'ipë jyatsojktëpën ka'ap kyäjpxyëty ijxtëm ja mëtëypyë ja nija'awën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

1 Corintios 4:18

Jam ma miitsëtyën tam jënaakën mëti'ipë tyukxoontaktëpën ko tnijawëtë ko ka'ap nëjkx n'ëk ku'ixëjanëtë.

1 Corintios 4:8

Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Gálatas 4:16

E tyam ¿Mëtsipës jëtää të n'awinpityë jä'äkyëjxm koos të nnikäjpxy ja tëypyë jaantypë?

Gálatas 4:18

Oy yë'ë ko nmëma'ay nmëtajmëty ja wiinkëtypë, je'eyëp ko oyjyot oywyinma'any mëët ets xëmë jëtu'un, ka'ap jyääyëty koos njää'atëty mëët miitsëty.

Filipenses 2:21

Aak kyë'ëm jotmay ja'ay myëmaay myëtajtëp ni pën ja Wintsën Jesukristë ja jyä'ä tkamëmaay tkamëtajë.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.