Gálatas 3:5 - Biblia Dc en Mixe de Quetzaltepec

⁵ Ko ja Dios mmo'ojëtë ja Jyot jya'awën ets tyaj'ixyë ja myëj'ajtën ma miitsëtyën, ¿tii ko jëtu'un tuny? ka'ap yë'ëkyëjxmëty ko xypyatuntë ja Moisés ja y'ënä'ämën, yë'ëkyëjxm ko xymyëpëktë ja Dios ja y'aaw y'ayuk mëti'ipë tëë xymyëtoow'itën, ¿këtiijë?

Biblia Mixe de Quetzaltepec

⁵ Ko ja Tios mmo'ojëtë ja Jyot jya'awën ets tyaj'ixyë ja myëj'ajtën ma miitsëtyën, ¿tii ko jëtu'un tuny? ka'ap yë'ëkyëjxmëty ko xypyatuntë ja Moisés ja y'ënä'ämën, yë'ëkyëjxm ko xymyëpëktë ja Tios ja y'aaw y'ayuk mëti'ipë tëë xymyëtoow'itën, ¿këtiijë?

Gálatas 3:5 ပူးပေါင်းရင်းမြစ်များ

Hechos 14:3

E ja Pablo ets ja Bernabé ojts jam jyaak wë'ëmtë kanaak xëëw, yë'ë xëmë ja Wintsën tyuk'ijxpäjtë paaty ojts myëtya'aktë amëk jotmëk; ets ja Wintsën jä'ä yajtëytyëjkëp mëti'ipë yë'ë nyimëtyaktëpën ko myo'ojëtë ja mëk'ajtën ets ja mëj'ajtën tyaj'ixëtëty.

Romanos 10:17

Jëtu'unkyëjxm, ja mëpëjkën ënät yajmëët'aty ko yajmëtoow'ity, ets ja aaw ayuk jam ja tsyoony ma ja Kristë të tnimëtyä'äkyën.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

2 Corintios 10:4

Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Dios ja myëk'ajtën mëti'ipë maayëpën ja kuttujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

2 Corintios 12:12

Tëës najënu'un ëxëëk njaty nkëpety ets nmënaxy nyajnaxyës ja ëyo'on jotmay mëët ja mä'kxtujkën ma miitsëtyën ets nyaj'ixyës ja Dios ja myëj'ajtën mëti'ipë të xy'ixtën. Yë'ë yajnitë'kxyp koos ja Kristë y'ayuk nkajpxwa'kxë.

2 Corintios 13:3

jä'ä ko miitsëty yë'ë m'ixtaaytyëp pën ja Kristë oy xynyikäjpxy xynyimëtyä'äkyës. E yë Kristë ka'ap jyëtu'unëty ijxtëm tu'uk ja ja'ayën mëti'ipë ka'ap tii tmëëtëtyën ja mëk'ajtën, yaj'ijxëp ja myëk'ajtën ma miitsëtyën.

2 Corintios 3:8

¿Wi'ixpëm jëtää wäänëni'ik ja mëj'ajtën jaanty'ajtën tmëët'ata'any yë jempyë käjpxytyu'unën mëti'ipë Kënu'kxymyëkajtën jyä'ä'ajtypyën?

2 Corintios 9:10

Dios, mëti'ipë yäjkpyën ja tëëmt mëti'ipë yajnip yajkojpën ets ja jë'kxy pëky mëti'ipë yajtukjuuky'ajtpën, yë'ë mmo'ojanëtëp tu'kë'ëyë winë mëti'ipë yajnipën ets tyajyona'any, jëtu'un oy wyintëwëty mpëjktä'äkyëty ko ënety mputëkëtë.

Gálatas 3:2

Yi'iyës ntsojkpy ets miits xy'ëtsoowinpitëty mëti'ipës nyajtëëwtëpën: ¿Ojts miits ja Kënu'kxymyëkajtën xy'ëxajëtë ko xypyatuntë ja Moisés ja y'ënä'ämën, ëkë ko xymyëpëjktë ja aaw ayuk mëti'ipë mmëtoow'ijtënë?

Filipenses 1:19

jä'ä ko nija'apës koos npaata'any ja nitsokën, nkukajpxëpës ko tëë ja Dios xytyuknija'amyätsëtës ets tëë näjyëtu'un ja Jesukristë ja Kyënu'kxymyëk'ajtën xypyutëkës.