Gálatas 3:22 - Biblia Dc en Mixe de Quetzaltepec

²² E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Biblia Mixe de Quetzaltepec

²² E ja Tios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Tios të twinwanën ko ja Jesukristë të tmëpëktë.

Gálatas 3:22 ပူးပေါင်းရင်းမြစ်များ

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

Juan 12:46

Ëjts, mëti'ipë kutë'kxp kujajpën, tëëjës nminy yaa naaxwiiny. Pën xymyëpëjkpës ka'ap y'ita'any kupi'its kukoots.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Juan 3:36

Pën ja Dios U'unk myëpëjkpy, yë'ë myëët'ajtyp ja juukyajtën xëmëkyëjxmëpë; e mëti'ipë ka'ap tmëpëkyën Dios U'unk, ka'ap tmëët'ata'any ja juukyajtën xëmëkyëjxmëpë, yë'ë y'ëxajëjäämpy ja Dios ja tyiytyu'unën.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Juan 6:40

Ja nTeetyës tsyojkpy ets tpaatëty ja juukyajtën mëti'ipë ja Dios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënety të y'ooktë nyajjuukpyëkëpës ma ënety xëëw jëmëjt kyixyën.

Hechos 16:31

Ënet ja Pablo ets ja Silas t'ëtsoowinpijtë: Mëpëk ja Wintsën Jesukristë ets mnitso'okëty mëët ja m'u'unk mto'oxytyëjk.

Romanos 10:9

Pën m'aawjoty pyëtsimy ets m'ëna'any ko Jesús yë'ë Wintsën ets pën mmëpëjkpy m'aawjoty mjootjoty ko Dios të yajjuukpyikyë, mpatäämpy ja nitsokën,

Romanos 11:32

Jä'ä ko ja Dios ni'ëmukë ja ja'ay ojts tukwinmëtoy ja pyoky ko të kyäjpxykyumëtoownaxtë ets ënät näjyëtu'un tpa'ëyowa'any ja wiinkëtypë tu'knax.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Dios ja myëj'ajt y'oyajtën.

Romanos 5:12

Jä'äkyëjxm ko tu'uk ja ja'ay pyokytyuuny paaty ja poky ojts tsyo'ontä'äky yaa naaxwiiny, ets ko ja poky tsyo'ontäky ënät näjyëtu'un tsyo'ontäky ja o'kën; jëtu'un ja o'kën nyaaxkëtäky ma ni'ëmukë ja ja'ayëtyën, jä'ä ko ni'ëmukë pyokytyuuntë.

Gálatas 3:14

Paatykyëjxm jëtu'un tyuunë jyajtë ets ja Dios ja kyënu'kxën jya'atëty ma ja ja'ayëtyën ka'apë jyutiis'atën, mëti'ipë ja Dios tyukwinwa'anëyën ja Abraham, ets näjyëtu'un ja Kënu'kxymyëkajtën n'ëxajëmëty ni'ëmukë mëti'ipë ja Dios tëë twaantä'äkyën.

Gálatas 3:17

Ya'atës jëtu'un ntijpy: Dios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Dios wyaantakën.

Gálatas 3:23

Ko ënety ka'anëm ja Kristë myiny, jëtu'un ja ënä'ämën ijty xyaj'ijtëmë tsumpyë matsypyën, yaj'ëwxity ets ja mëpëjkën yajpaatëty.

Gálatas 3:29

Ets pën Kristë miits të xymyëpëktë, ja Abrahamën näjyëtu'un m'u'unk'ajt m'ok'ajtëtëp ets miits xyjyä'ä'atë ja kuma'ayën mëti'ipë ja Dios të tuknipëjktaakën.

2 Timoteo 1:1

Ëjts Pablo, Jesukristë y'ayuk kajpxwa'kxpë mëët ko Dios jëtu'un të tuknipëjktaakë, mëti'ipës të xykexyën ets nkajpxwa'kxëtyës ja juukyajtën tëëpë twinwanën ko tu'ukyë n'ijtëm mëët ja Jesukristë.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Dios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

1 Juan 2:25

Ets yë'ë ya'atë mëti'ipë ja Wintsën Jesukristë të xytyukwinwa'anëmën, ja juuky'ajtëm xëmëkyëjxmëpë.