Gálatas 3:21 - Biblia Dc en Mixe de Quetzaltepec

²¹ Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Biblia Mixe de Quetzaltepec

²¹ Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Tios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Tios wintum ko tpatuny ja Moisés ja y'ënä'ämën.

Gálatas 3:21 ပူးပေါင်းရင်းမြစ်များ

Gálatas 2:21

Ka'apës n'ixtija'any ja Dios ja y'oyjyot y'oywyinma'any; ko jeexyë oy n'ëkwë'ëwëm mëët ja Dios ko ja Moisés ja y'ënä'ämën yajpatuny, natëkë jeexyë të y'ooky ja Kristë.

Romanos 9:31

E ja jutiis ja'ayëty mëti'ipë yë'ë kyajpxkopk'ajtëpën ja ënä'ämën ko yë'ë nyipaye'ey mëtëy, ka'ap të tpaatë ja nipaye'eyënë.

Gálatas 2:19

Jä'ä ko mëët ja ënä'ämën ëjts ookyës nyajpaaty etsës ja Dios yë'ë xyajjuuky'atëty. Tëës ja Kristë mëët nkruutspety,

Gálatas 2:17

Ko n'ixtä'ämyëty ets oy nwë'ëmëty mëët ja Dios ma Kristë yajmëpëkyën, jëtu'un nyikëxë'ëky ko pokyjyä'äy ëëts'ajtëmë. ¿Ëkë wä'än jëtu'un yajja'akyukë ko Kristë ni'ikyë xyajpokytyëjkëmë? Niwi'ix'äämpy.

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Romanos 3:4

Niwi'ix'äämpy. Dios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënety myajnipaye'ey mijts mëta'akaanp.

Romanos 3:6

Niwi'ix'äämpy. Ko jeexyë ja Dios mëtëy kyaTios'aty, ¿wi'ix jeexyë ja naaxwiinyëtë ja'ay tpaye'ey?

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Lucas 20:16

Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Dios.

2 Corintios 3:7

Yë ënä'ämën jëwyiinpë, mëti'ipë ja o'kën tukpatpën, tsaakëjxypyë kyëxja'ayëtyën mëët ja të'kxën jajën, ojts nyikëxë'ëky ma ja Israel ja'ayëtyën ets ka'ap ja Israel ja'ay myääyëtë twintë'kxtëty; jä'ä ko tääpë ja ajajk atë'kxk mëti'ipë ënety tëkoyaanpën mëk ënety yaj'ixy tyi'kxy.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Hebreos 7:18

Paaty ja Moisés y'ënä'ämën kyutëkooy ko mëk'ajtën tkamëët'aty ets ka'ap tyuny,

Hebreos 7:19

jä'ä ko ja Moisés ja y'ënä'ämën nitii ojts oy wa'ats tkayajwë'ëmy, ëëtsajtëm yë'ë jawäänë oypyë njëjp'ijxëm, paaty nmëwinko'onëm ja Dios.