Gálatas 3:20 - Biblia Dc en Mixe de Quetzaltepec

²⁰ E ko ja Dios ja wyaantakën ojts tyajwë'ëmy mëët ja Abraham, kë'ëm twaantäky, ka'ap ojts pën ëpëky tkajpxnaxy.

Biblia Mixe de Quetzaltepec

²⁰ E ko ja Tios ja wyaantakën ojts tyajwë'ëmy mëët ja Abraham, kë'ëm twaantäky, ka'ap ojts pën ëpëky tkajpxnaxy.

Gálatas 3:20 ပူးပေါင်းရင်းမြစ်များ

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Dios tu'ukyë je'eyë Wyintsën'aty.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Hebreos 8:6

E ja nteety'ajtëmë mëti'ipë nyikopk'ajtypyën ja teetytyëjkëty, mëti'ipë të t'ëxajën ja tuunk ets tyeety'atëty mëj'äämpy, yë'ë kyutënääpy ja jempyë ja käjpxytyu'unën ja ni'ik oypyë, ets ja waantakën wäänë oypyë.

Job 9:33

Oy ko jeexyë jyää'aty tu'uk yajkutujkpë ma Dios mëët yë naaxwiinyëtë ja'ay nyäwyintänëtëty,

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Gálatas 3:17

Ya'atës jëtu'un ntijpy: Dios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Dios wyaantakën.

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Hechos 12:20

Myëtsip'ajtyp ijty ja Herodes ja ja'ayëty mëti'ipë jam tsënaaytyëpën Tirë ets Sidón, mëti'ipë ojts nyäkyajpxëtë ko jam nyëjkxa'antë ma ja Herodes yajkutukyën. Oy ja Blasto tmëëtmëtyaktë ets kyupëjkëtë. Yë Blasto mëj wintsën ijty y'ity ma ja Herodes yajkutukyën. Ojts nëëmëtë ko oy mëët y'ita'antë ets ko ka'ap tiitsip mëët tuna'antë, jä'ä ko ja Tirë ets Sidón jam winë tyajtsoontë ma ja Herodes ja kyutujktaknën.