Gálatas 3:17 - Biblia Dc en Mixe de Quetzaltepec

¹⁷ Ya'atës jëtu'un ntijpy: Dios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Dios wyaantakën.

Biblia Mixe de Quetzaltepec

¹⁷ Ya'atës jëtu'un ntijpy: Tios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Tios wyaantakën.

Gálatas 3:17 ပူးပေါင်းရင်းမြစ်များ

Génesis 15:13

Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

2 Corintios 1:20

ma yë'ë tëë tyuunta'ay jyajta'ayë mëti'ipë ja Dios wyaantakën. Paaty ko ja Dios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

Romanos 3:3

¿E tiixën të tyuny të jyätyë? ¿Wä'än jëtää ja Dios tkayajtuna'any mëti'ipë të tnikäjpxyënë?

Colosenses 2:4

Paaty miits ya'atë ntuk'ëwaanëtë ets ka'ap pën mwin'ëënëtëty mëët ja aaw ayuk mëti'ipë oy tsuj je'eyë yajmëtoopën.

Gálatas 5:4

Miitsëty, mëti'ipë tsyojkën'ajtëpën ets mëët ja Dios oy mwë'ëmtëty ko xypyatuna'antë ja ënä'ämën, tëë xy'ëxmatstë ja Kristë ets të mnäpyëjkta'akëtë ma ka'ap xypyaatëtyën ja Dios ja tsyojkën jya'awën.

Gálatas 3:15

Mëku'uktëjkëty, tyam miits ntuknijawëja'antë wi'ix ja ja'ay tii tmëtyä'äkyën. Ko tu'uk ja ja'ay tkäjpxy'äty tii ets tyajkojy tu'uk ja noky ets tsa'ay, ka'ap pën myäyëtëty tyajma'atëty ëkë tyajkojtëkatsëty.

1 Corintios 1:17

Ka'ap ja Kristë ojts xykyexyës yajnëëpäjtpë, yë'ëjës xytyuknikäjx etsës nkajpxwa'kxëty ja oy aaw oy ayuk, ka'ap myëëtëty yë naaxwiinyëtë ja'ay wyijajtën, këtiipë ja Kristë wyë'ëmëty tukxi'iky ko të y'ooky kruutskëjxm.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Isaías 14:27

Yë Wintsën mëti'ipë maaytyääyëpën winë, tëë tuknipëjktaakë, ni pën tkajëkyepy y'ëtukëtëty. Yë ëyo'on mëti'ipë yajkëta'akäämpyën, ka'ap tjëkyepy pën t'akajpxtukëty.

1 Pedro 1:20

Jëtu'un ojts tëëyëp ja Dios tuknipëjktaakë ka'anëm ënety ja naaxwiinyëtë kyojnyëm. Tyam tëë ja myiny jyä'ty ets miits xytyuk'oy'atëty.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

Hebreos 7:18

Paaty ja Moisés y'ënä'ämën kyutëkooy ko mëk'ajtën tkamëët'aty ets ka'ap tyuny,

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

2 Corintios 9:6

Ja'amyätstë ya'atë: Pën wäänë nip, wäänë ja pyëjktä'äky tyajpëtë'ëka'any; pën may nip, may ja pyëjktä'äky tyajpëtë'ëka'any.

1 Corintios 10:19

Ka'apës n'ëna'any ko ja awinax mëk'ajtën tmëëtëty ëkë ja tsu'utsy mëti'ipë ënety ja awinax të yajtukwintsë'ëkën ka'ap jyëtu'unëty ijxtëm ja wiinkëtypë ja tsu'utyën.

1 Corintios 7:29

Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Dios jyä'ä tyukjotëkoytyëp.

1 Corintios 1:12

Yë'ës ntijpy ko miits jënaakën m'ëna'antë: Pablo jyä'ä npatuunëtëpës; wiinkpë y'ëna'antë: Apolo jyä'ä npatuunëtëpës; wiinkpë: Pedro jyä'ä npatuunëtëpës; ets wiinkpë: Kristë jyä'ä npatuunëtëpës.

Romanos 3:25

Dios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Dios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënety të ntu'un të nkajpxëmën,

Hechos 7:6

Ojts ja Abraham näjyëtu'un ja Dios y'ënë'ëmxëty ko ja y'u'unk y'ok nyëjkxtëty tsënääpyë wiink ja'ay y'itjotm, ets ja ja'ay jap yajtunëtëty ëne'emy, mëk tsaatsy; taxk mëko'px jëmëjt.

Isaías 28:18

Nëjkxëp y'atëkoy ja mkäjpxytyu'unën mëët ja o'kën, mëti'ipë ënety mëët ja o'kën të xykyäjpxy'atën, ka'ap nëjkx y'ëktsoowpatnë. Minaanp ja ëyo'on jotmay, o'ktëy nëjkx mjatë mkëpätë.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Job 40:8

¿Mnikäjpxyp ko ëjts pokymyëëtës ets ka'apës tii oy nipaye'ey ets ko mijts mwa'atsëtyë?

Génesis 17:19

Ets Dios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Gálatas 5:16

Ya'atë miits ntuk'ëwa'anëtyëp: Juuky'atë ijxtëm ja Kënu'kxymyëkajtën mtukmëtsokëtën, jëtu'un ka'ap xyajtuntëty mwinma'anyëty.

Salmos 105:9

Ja käjpxytyu'unën mëti'ipë mëët tyuunën ja Abraham ja waantakën mëti'ipë tyukmëtoowën ja Isaac,

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Dios ja wyaantakën. Jëtu'un ijty miits yaa naaxwiiny mjuuky'atë, ka'ap ja Dios xynyijawëtë ets nitii xykyajëjp'ixtë.